2 പത്ത്‌റോസു 1:10 - സാമി സേദി

¹⁰ അദ്‌നാലെ ഏസ്സ്‌ഗാറാരെ, നിമ്മ സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് എന്റ് ഒറേപ്പ് മാഡ്യ ബേ്ണ്ടി മ്‌ഗ്‌ന്ത ഓരട്ട ഓരാഡ്‌ന്. അത്തെ ഗേന്തദാന നിമ്മ എന്നാല്‌ക്ക്‌മ് നമ്പിക്കേലിന്ത് തപ്പിപോഗമാട്ട്‌റ്.

2 പത്ത്‌റോസു 1:10 ပူးပေါင်းရင်းမြစ်များ

മത്തായി 22:14

കദെ സൊല്ലി തീന്ത പ്‌റ ഏസ്സ്: <<സാമി മൊത്തന ആള്‌ഗാള്‌ന ബ്‌ളിക്ക്‌ന്റാന്, ആന സാമി തെരിന്തെ്ഡ്‌ക്ക്‌ന്റവാര് ലേസാത്തെ>> എന്റ് സൊന്നാന്.

റോമഗാറാര് 11:29

എന്ത്‌ക്കെന്റ് സൊന്ന, താന് തെരിന്തെ്ഡ്‌ത്തവാര്‌നാമ് അവാര്‌ക്ക് കൊഡുത്ത ബാക്ക്‌വരഗാള്‌നാമ് മാറ്റ്യ സാമി മനേസ്സ് ബെക്കുവാദില്ലെ.

2 തിമിത്തോസു 2:19

എന്റാല്‌മ് ഒന്റു ബീ്ഡ് തറെ ഒറേത്ത്‌റ്‌ക്കുവ പാസെ സാമിത്ത് സത്ത്യമാന സൊല്ലുസുലക്കാമ് ഒറേപ്പുള്ളാദ്‌ത്തെ. <<ആണ്ടവാന്‌ക്ക് തനാക്കുള്ള ആള്‌ഗാള്‌ന തെരിമ്>> എന്റ്‌മ് <<തമ്മ ആണ്ടവാന്‌ക്ക് പട്ടവാര് എന്റ് സൊല്ലുന്റവാരൊട്ടുക്കു കെ്ട്ടാദ് ഗേവാദ്‌ന തെ്റിന്ത് തള്ള്‌ഡൊ>> എന്റ്‌മ് ഇദ്‌ല് എ്ള്‌ദിര്‌ക്ക്‌ന്റ്.

എവുറായാര് 6:11

ഇദ്‌ഗാളെല്ല ഗേയ ബേ്ണ്ടി നിമ്മ കാട്ടുവ അദേ സുറുസുറുപ്പു നിമ്മ നെഞ്ചഡെ ബെത്ത്‌റ്‌ക്കുവ കാര്യ കെ്ഡേക്ക്യ ബേ്ണ്ടി നിമ്മ ഒന്റൊന്റാള്‌മ് പെ്ളേക്കുവ കാല മാട്ട്‌ക്ക്‌മ് കാട്ടുഡൊ എന്നുവാദ്‌ത്തെ എമ്മ് മ്‌ഗ്‌ന്ത ആസെ.

എവുറായാര് 6:19

ഒറേപ്പ് ഉള്ളാദ്‌മ് ബിലാഗി പോഗാത്താദ്‌മ് ആന നമാക്കിര്‌ക്കുവ ഈ നെഞ്ചഡെ കപ്പാല്‌ന ഒന്റു പട്ട്‌ല് താനെ നില്ലിസി ബെക്കുവ ഒന്റു നങ്കൂരന പാസെത്തെ. അയി നെഞ്ചഡെ മേലോഗാത്ത്‌ല സാമിബീ്ഡ്‌ല തെരെസീലെ മേലെ നമാന അരാങ്ക കുച്ചുക്കു എ്ഡ്‌ത്ത് പോന്റു.

ആക്കോവു 2:10

ഒരുത്താന് സാമി സട്ടാക്കൊട്ടുക്കു കെ്ട്ട്‌പട്ട് നഡാന്താല്‌മ് ഏദാറ്റൊന്റു സട്ടപഡി നഡാക്കാദിന്തദാന അയാള് കുറ്റഗാറാന് ആയിര്‌ക്കുവാന്.

1 പത്ത്‌റോസു 1:2

അപ്പാന് സാമി മുന്നുക്കെ തെരിന്തിന്ത പാസെ സാമിനിഗാല്‌ന ബെത്ത് സാമിക്ക് പട്ടവാര് മാഡ്‌നവാര്‌മ് അയാള് സൊല്ലുപഡിക്ക് ഇര്‌ക്ക്യ ബേ്ണ്ടി ഏസ്സ് ക്‌റ്‌സ്‌ത്ത് സോരെന തളിത്ത് സുത്താപ്പുള്ളവാര് മാഡ്‌നവാര്‌മ്‌ത്തെ നിമ്മ. നിമാക്ക് സേത്തി സേത്തി സാമി പ്‌ണ്ണ്യാമ് കെ്ഡേക്കുഡൊ, നിമ്മ നല്ല നിമ്മ്‌ദ്യായിമ് ഇര്‌ക്കുഡൊ.

1 പത്ത്‌റോസു 1:5

കഡേസി കാലാത്ത്‌ല് എദ്‌ക്കായ പോവ കാപാറ്റുവ കാര്യാക്ക് ബേ്ണ്ടി നിമ്മ് നമ്പിക്കേന ബെത്ത് സാമി സക്‌തില് പാദ്‌ഗാക്ക്‌ന്റവാര്‌ത്തെ നിമ്മ.

2 പത്ത്‌റോസു 1:3

തനാക്കിര്‌ക്കുവ മദ്‌പ്പ്‌ക്ക്‌മ് ഗുണാക്ക്‌മ് പങ്ക്‌ഗാറാരായ ബേ്ണ്ടി നമാന ബ്‌ളിത്ത്‌റ്‌ക്കുവ സാമിന പറ്റി നമാക്ക് കെ്ഡേത്ത്‌റ്‌ക്കുവ അറുവുനാലെ സാമി സക്‌തില് ബക്‌ത്യോഡ ഈ ഉലഗാത്ത്‌ല് പെ്ളേക്കുവാദ്‌ക്കുള്ളാദ്‌നെല്ല നമാക്ക് തന്ത്‌റ്‌ക്ക്‌ന്റാന്.

2 പത്ത്‌റോസു 1:5

അദ്‌നാലെ ബെ്റ് നമ്പിക്കെ താനേമല്ല, നിമ്മ നലമായി പെ്ളേക്ക്യ ഓരാഡ്‌ന്. നിമാക്കിര്‌ക്കുവ നമ്പിക്ക്യോഡൊപ്പ നല്ല ഗുണഗാള് ഗേന്ത് പഡിന്, നല്ല ഗുണഗാള് ഗേന്ത് പഡിക്കുവാദോഡൊപ്പ സാമിന പറ്റ്യുള്ള അറുവു സമ്പാരിത്ത് സേത്ത്‌ന്,

2 പത്ത്‌റോസു 3:14

അദ്‌നാലെ എനാക്ക് മെച്ച്‌പ്‌ഡിത്തവാരെ, നിമ്മ ഇദ്‌ക്ക് ബേ്ണ്ടി കാത്ത്‌റ്‌ക്കുവാദ്‌നാലെ സാമി കണ്ണ്‌ക്ക് പാവ ഗേഗാത്തവാരായിമ് അഡ്‌ത്തവാര് കുറ്റ സൊല്ലാത്ത ദിന്‌സ്‌ല് പെ്ളേക്ക്‌ന്റവാരായിമ് സാമ്യോഡിര്‌ക്കുവ ഉറാവുല് നിമ്മ്‌ദ്യുള്ളവാര് ആയിര്‌ക്ക്യാമ് നിമ്മ നിമ്മാവാദ് ഓരാഡ്‌ന്.

2 പത്ത്‌റോസു 3:17

അദ്‌നാലെ എനാക്ക് മെച്ച്‌പ്‌ഡിത്തവാരെ, ഈ കാര്യന മുദാല് താനെ തെരിന്ത്‌റ്‌ക്കുവാദ്‌നാലെ തപ്പായി പഡ്‌സ്‌ന്റവാര് ബഞ്ചണേക്ക് സിക്കി നിമ്മ് ഒറേപ്പുള്ള നമ്പിക്കേലിന്ത് ബിലാഗി പോഗാദിര്‌ക്ക്യ നിമ്മ സൂസാരിത്തിര്‌ന്.

ജൂദാന് 1:24

നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.

ബെ്ളിപട്ട കാര്യ 22:14

ഉജുരു തരുവ മരാത്ത്‌ല പഗാന തിന്ന്യാമ് പട്ടണാക്ക് കഡാക്കുവ ബാസഗാള് മേലെ പട്ടണാക്ക് കഡാക്ക്യാമ് ഉരിമെ കെ്ഡേക്ക്യ ബേ്ണ്ടി തമ്മ് ജൊഗെഗാള്‌ന കുമ്മി ബെ്ഡിപ്പ് മാഡ്‌ന്റവാര് ബാഗ്യകേ്ട്ടവാര്.