2 ഓഗന്നാന് 1:9 - സാമി സേദി

⁹ ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡ്‌സ്‌ന്റവാരോഡ സാമി ഇര്‌ക്കുവാദില്ലെ. ആന ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് താനെ കെ്ട്ട്‌പട്ട് നഡാക്ക്‌ന്റവാരോഡ അപ്പാന് സാമിമ് മഗാന് ഏസ്സ്‌മ് ഇര്‌ക്ക്‌ന്റാന്.

2 ഓഗന്നാന് 1:9 ပူးပေါင်းရင်းမြစ်များ

മത്തായി 11:27

എന്ന് അപ്പാന് എല്ലാദ്‌നാമ് എന്ന് കയിക്ക് തന്ത്‌റ്‌ന്റാന്. അപ്പാന്‌ക്കല്ലാദെ ആര്‌ക്ക്‌മ് മഗാന്‌ന തെരിവാദില്ലെ, മഗാന്‌ക്ക്‌മ് മഗാന് ആര്‌ക്ക് കാട്ടി കൊഡുക്ക്യ ആസെപഡ്‌ന്റാനൊ അവാന്‌ക്ക്‌മ് അല്ലാദെ ആര്‌ക്ക്‌മ് അപ്പാന്‌ന തെരിവാദില്ലെ.

ലൂക്കോസു 10:22

പ്‌റ ഏസ്സ് ആള്‌ഗാള്‌ക്ക്: <<എന്നപ്പാന് എല്ലാദ്‌നാമ് എന്ന് കയിക്ക് തന്ത്‌റ്‌ന്റാന്. മഗാന് ആരെന്റ് അപ്പാന്‌ക്കല്ലാദെ ബേ്റെ ആര്‌ക്ക്‌മ് തെര്യ. അദേപാസെ അപ്പാന് ആരെന്റ് മഗാന്‌ക്ക്‌മ് മഗാന് കാട്ടി കൊഡുക്ക്യ ആസെപഡ്‌ന്റവാന്‌ക്ക്‌മ് അല്ലാദെ ബേ്റെ ആര്‌ക്ക്‌മ് തെര്യ>> എന്റ് സൊന്നാന്.

ഓഗന്നാന് 14:6

ഏസ്സ് അയാള്‌ക്ക്: <<നാന്‌ത്തെ ബട്ടെ, നാന്‌ത്തെ സത്ത്യ, നാന്‌ത്തെ ഉജുരു. എന്ന്‌നാലെ അല്ലാദെ ആര്‌ക്ക്‌മ് അപ്പാന് പട്ട്‌ക്ക് പോയ മുഡ്യാമാട്ട.

ഓഗന്നാന് 15:6

ആരാറ്റ എന്ന് കുള്ളുക്കു ഇര്‌ക്കദെ പോന അയാള്‌ന മുറുത്തു തള്ള്‌ന ഒന്റു സില്ല്‌ന പാസെ എ്ഡ്‌ത്ത് ബെ്ളിഗെ തള്ളുവാര്. അദ് ഉണാങ്കി തള്ള്‌മ്. അദ്‌നെല്ല പൊറിക്കി സേത്തി തീക്ക് ഇക്കുവാര്, അദ് ബെന്ത് പോമു.

ഓഗന്നാന് 8:31

തനാന നമ്പ്‌ന എഗുദാര്‌ക്ക് ഏസ്സ്: <<നാന് പഡ്‌സ്‌ന കാര്യഗാള്‌ന കേ്ട്ട് നഡാന്തദാന നേര്‌മായിമ് നിമ്മാത്തെ എന്ന് സൊല്ലുപഡി നഡാക്ക്‌ന്റവാര് ആവുറു.

അപ്പോസുത്തലാര് 2:42

അപ്പോസുത്തലാര് പഡുസുവാദ്‌ന കേ്ള്‌ക്ക്യാമ്, ഒന്റായി കൂട്ട കൂഡ്യാമ്, അഡേന ആങ്കീങ്ക് പങ്കിപജ്‌ന്ത് തിന്ന്യാമ്, പരേസ്യാമ് അവാര് നാള്‌ക്ക്‌മ് കൂഡി ബന്തിന്താര്.

കൊലേസ്യഗാറാര് 3:16

അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്.

തീത്തോസു 2:10

അവാര് പണ്ണാഡിഗാള്‌ത്ത് ഒന്റുനാമ് ത്‌റ്‌ഡാമ് ബേ്ഡ. അദ്‌ക്ക് ബദ്‌ല ഏദ് കാര്യാത്ത്‌ല്‌മ് തമാന നമ്പ്യ മുഡിന്റവാരെന്റ് ഒപ്പ കാട്ടി കൊഡുക്കുഡൊ. അത്ത്യാന നമാന കാപാറ്റുവ സാമിന പറ്റി സൊല്ലുവ ബുദ്ദിനായാക്ക് മദ്‌പ്പ് കെ്ഡേക്ക്‌മ്.

എവുറായാര് 3:14

എന്ത്‌ക്കെന്റ് സൊന്ന നമാക്ക് മുദാലിന്ത അദേ നമ്പിക്കേന കഡേസി മാട്ട്‌മ് ബ്‌ഡാദിന്തദാന നമ്മ ക്‌റ്‌സ്‌ത്തോഡ പങ്ക്‌ഗാറാര് ആല.

എവുറായാര് 6:1

അദ്‌നാലെ ക്‌റ്‌സ്‌ത്ത്‌ന പറ്റി സാമി സൊല്ലുസുലാക്കാത്ത്‌ലിന്ത് മുദാല് പഡിത്ത കാര്യഗാള്‌ന മറിസി മറിസി പഡിക്കുവാദ്‌ന തള്ളി നിമാന നമ്പിക്കേല് മ്‌ഗ്‌ന്തവാര് മാഡുവ കാര്യഗാള്‌ന പഡിക്ക്യ നോഡുനു. സാവുക്കു ആളാക്കുവ കാര്യഗാള്‌ന തെ്റിന്ത് സാമിസാരി തിര്‌ഗുവാദ്, സാമിന നമ്പുവാദ്,

1 ഓഗന്നാന് 1:3

അപ്പാന് സാമ്യോഡിര്‌ക്കുവ ഏസ്സ് ക്‌റ്‌സ്‌ത്ത് അപ്പാന് സാമ്യോഡ എ്ണേവു ബെത്ത്‌റ്‌ക്കുവ പാസെ എമ്മാമ് അവാരോഡ എ്ണേവു ബെത്ത്‌റ്‌ന്റേമ്. അദേപാസെ നിമ്മാമ് എമ്മോഡാമ് അവാരോഡാമ് എ്ണേയ ബേ്ണ്ടി എമ്മ കണ്ട കാര്യനാമ് കേ്ട്ട കാര്യനാമ് നിമാക്ക് സൊന്റേമ്.

3 ഓഗന്നാന് 1:9

ഇദേപാസെ ബേ്ഡ്‌മാന കാര്യഗാള് ഗേന്ത് കൊഡുക്ക്യ അദ്‌ലിര്‌ക്കുവ ഏസ്സ്‌ഗാറാര് കൂട്ടാക്ക് മുദാല് താനെ ഒന്റു എ്ള്‌ത്ത് എ്ള്‌ദി ബ്‌ട്ടിന്തെ. ആന ദിയോത്തിരിപോസു ദൊഡ്ഡവാനായ ആസെപട്ടിന്താദ്‌നാലെ നമ്മ സൊന്നാദ്‌ന സെറ്റെ ഗുഡി കേ്ള്‌ക്കാലെ.