2 കൊരിന്ത്യഗാറാര് 9:7 - സാമി സേദി

⁷ ഒന്റൊന്റാള്‌മ് അവനവാന് കൊഡുക്ക്യ നെനേത്തിന്ത പാസെ താനെ ദറ്‌മ്മ കൊഡുക്കുഡൊ. സങ്കഡത്തോഡഗൊ ഇല്ലെ ആരാറ്റ നത്തുവ നത്താക്ക് ബേ്ണ്ട്യൊ കൊഡുക്ക ബേ്ഡ. പിര്യപിര്യാത്തോഡ ദറ്‌മ്മ കൊഡുക്കുന്റവാന്‌ന സാമി സീവാന്‌പഡ്‌ന്റാന്.

2 കൊരിന്ത്യഗാറാര് 9:7 ပူးပေါင်းရင်းမြစ်များ

അപ്പോസുത്തലാര് 20:35

ഇത്തെ നാന് നിമാക്ക് ഗേന്ത് കാട്ടി തന്ത്‌റ്‌ക്കുവാദ്‌നാലെ നിമ്മ എല്ലാ കാര്യാത്ത്‌ല്‌മ് മ്‌ഗ്‌ന്ത പാഡ്‌പട്ട് നോയിഗാറാര്‌ന കയിതാങ്കുഡൊ. <ബാങ്കുവാദ്‌ന ബ്‌ഡ കൊഡുക്കുവാദ്‌ല്‌ത്തെ പിര്യപഡുഡൊ> എന്റ് ആണ്ടവാന് ഏസ്സ് സൊന്നാദ്‌ന മറാക്കദേന്.>>

റോമഗാറാര് 12:8

ബുദ്ദിനായ സൊല്ലി കൊഡുക്കുവ ബര കെ്ഡേത്തവാന് ബുദ്ദിനായ സൊല്ലി കൊഡുക്കുഡൊ. ദാന ഗേവാദ്‌ക്കുള്ള ബര കെ്ഡേത്തവാന് മനേസ്സാറ ദാന ഗേഡൊ, തലെവാന് ആയിര്‌ക്ക്യ ബര കെ്ഡേത്തവാന് സുറുസുറുപ്പോഡ അയി കാര്യഗാള് ഗേഡൊ. ഗവ പഡുവ ബര കെ്ഡേത്തവാന് അഡ്‌ത്തവാര്‌ക്ക് ഗേവ കാര്യഗാള്‌ന പിര്യപിര്യാത്തോഡ ഗേഡൊ.

2 കൊരിന്ത്യഗാറാര് 8:12

നിമാക്ക് കൊഡുക്ക്യ മുഡിവാദ്‌ന നിമ്മ പിര്യപിര്യാത്തോഡ കൊഡുനു. അത്തെ കൊഡുത്തദാന സാമിക്ക് മെച്ച്‌പ്‌ഡിക്ക്‌മ്.

പിലെമോനു 1:14

എന്റാല്‌മ് നിനാന കേ്ള്‌ക്കാദെ എനാക്ക് ഈ കാര്യ ഗേയ മനേസ്സില്ലെ. എനാന കയിതാങ്ക്യ ബേ്ണ്ടി നാന് എന്താറ്റ ഗേയ സൊന്നദാന അദ് നിനാക്ക് മനേസ്സിന്തദാനത്തെ ഗേഡൊ. അല്ലാദെ നാന് സൊന്നാദ്‌ക്ക് ബേ്ണ്ടി ഗേഗാദെ.

ആക്കോവു 5:9

ഏസ്സ്‌ഗാറാരെ, നമാക്ക് ബരുവ കജട്ടാക്ക് അഡ്‌ത്തവാര്‌ന കുറ്റ സൊല്ലാദേന്. അത്തെ കുറ്റ സൊന്നദാന അദ്‌ക്ക്‌മ് നിമാക്ക് ദെ്ണ്ടണെ കെ്ഡേക്ക്‌മ്. എന്ത്‌ക്കെന്റ് സൊന്ന ഇദ്‌നെല്ല കാണുവ ആണ്ടവാന് ഇദാ അര്‌ഗെ ബന്തെജ്ജിര്‌ന്റാന്.

1 പത്ത്‌റോസു 4:9

നിമ്മ ആങ്കീങ്ക് ഒന്റൊന്റാള് ബീ്ഡ്‌ക്ക് പോഗാട്ടി ങ്കൊറുങ്കൊറുക്കാദെ മനേസ്സാറ തങ്കാരിക്കുഡൊ.