2 കൊരിന്ത്യഗാറാര് 9:5 - സാമി സേദി

⁵ അദ്‌നാലെത്തെ എനാക്ക് മുദാല് ഈ ഏസ്സ്‌ഗാറാര്‌ന നിമ്മ് പട്ട്‌ക്ക് സൊല്ലി ബ്‌ഡ്‌ഡൊ എന്റ് നാന് നെനേത്താദ്. അത്ത്യാന നിമ്മ കൊഡുക്ക്യ എന്റ് സൊല്ലി ബെത്ത്‌റ്‌ക്കുവ ദറ്‌മ്മന സേത്തി മുഡിക്ക്യ അവാര് നിമാന കയി താങ്കുവാര്. അത്തെ ആര്‌മ് നത്താദെ നിമ്മ് മനേസ്സാറ താനെ നിമ്മ കൊഡുക്കുവ ദറ്‌മ്മന ഒരിക്ക്യ ബെക്ക്യ മുഡിമ്.

2 കൊരിന്ത്യഗാറാര് 9:5 ပူးပေါင်းရင်းမြစ်များ

1 കൊരിന്ത്യഗാറാര് 16:2

നിമ്മ ഒന്റൊന്റാള്‌ക്ക്‌മ് നിമാക്ക് മുഡിന്തളാവുക്കുള്ള പണ ബാരബാര മുദാല് നാള് എ്ഡ്‌ത്ത് സേത്തി ബെയിന്. അത്തെ സേത്തി ബെത്തദാന നാന് ബര്‌ഗാട്ടി പണ പിരിക്കുവ തേവി ബരമാട്ട.

2 കൊരിന്ത്യഗാറാര് 8:6

അദ്‌നാലെ നിമ്മ കൊഡുക്ക്യ നെനേത്ത്‌റ്‌ക്കുവ ദറ്‌മ്മന സേത്തി മുഡിക്ക്യ എമ്മ തീത്തോസുക്കു സൊന്നേമ്. തീത്തോസുത്തെ ഈ കാര്യഗാള് ഗേയ പ്‌ഡിത്താദ്.

2 കൊരിന്ത്യഗാറാര് 9:3

ഈ കാര്യാത്ത്‌ല് നിമാന പറ്റി എമ്മ പെരിമെപട്ടാദ് ബെ്റ്‌ദെ ആഗാദെ ഇര്‌ക്ക്യ ബേ്ണ്ടി ഈ ഏസ്സ്‌ഗാറാര്‌ന നാന് ആങ്ക് സൊല്ലി ബ്‌ഡ്‌ന്റെ. നിമ്മ ദറ്‌മ്മ കൊഡുക്ക്യ ഒരിങ്കി ഇര്‌ക്ക്‌ന്റ്‌റ് എന്റ് നാന് അവാര്‌ക്ക് സൊല്ലിര്‌ക്കുവ പാസെ നിമ്മ ഒരിങ്കി ഇര്‌ക്കുഡൊ.

2 കൊരിന്ത്യഗാറാര് 9:6

ലേസ താനെ ബിത്ത്‌നവാന് ലേസ താനെത്തെ അറുക്കുവാന്, മൊത്തനാക്ക് ബിത്ത്‌നവാന് മൊത്തനാക്ക് അറുക്കുവാന് എന്റ് നെനേത്ത് കൊള്ളുഡൊ.

പിലിപ്പ്യഗാറാര് 4:17

നിമ്മ എനാക്ക് എന്താറ്റ തര്‌ഡൊ എന്റ് ആസെപഡുവാദ്‌നാലെ അല്ല നാന് ഇത്തെ സൊല്ലുവാദ്. നിമ്മ നല്ല കാര്യഗാള് സേത്തി സേത്തി ഗേഗാട്ടി സാമി സേത്തി സേത്തി നിമാക്ക് നല്ലാദ് ഗേവാന്. അത്തെ നിമാക്ക് നല്ലാദ് കെ്ഡേക്കുഡൊ എന്റ് ആസെപഡുവാദ്‌നാലെത്തെ നാന് ഇത്തെ സൊല്ലുവാദ്.