2 കൊരിന്ത്യഗാറാര് 9:2 - സാമി സേദി

² എന്ത്‌ക്കെന്റ് സൊന്ന അവാര്‌ക്ക് ബേ്ണ്ടി ദറ്‌മ്മ സേത്തി കൊഡുക്ക്യ നിമ്മ മനേസ്സുള്ളവാര്‌ത്തെ എന്റ് എനാക്ക് തെരിമ്. അഗായഗാറാര് ആയിര്‌ക്കുവ നിമ്മ പോന ബര്‌സ്സ മുദാല് ദറ്‌മ്മ സേത്തി കൊഡുക്ക്യ മനേസ്സുള്ളവാര്‌ത്തെ എന്റ് നാന് നിമാന പറ്റി മക്കെദോന്യഗാറാര്‌ക്ക് സൊല്ലി പെരിമെപട്ട്‌റ്‌ന്റെ. ദറ്‌മ്മ കൊഡുക്ക്യ ഇര്‌ക്കുവ നിമ്മ് മനേസ്സ്‌ന കണ്ട് അവാര്‌ല് ലേസ ആള്‌ഗാള്‌മ് ദറ്‌മ്മ കൊഡുക്ക്യ മനേസ്സുള്ളവാര് ആനാര്.

2 കൊരിന്ത്യഗാറാര് 9:2 ပူးပေါင်းရင်းမြစ်များ

അപ്പോസുത്തലാര് 18:12

ഗല്ല്യോനു അഗായ ദേസാക്ക് അദിഗാരി ആയി ആണ്ടിന്താന്. അയി ഗളിഗേല് എഗുദാര് ഒന്റായി എ്ണേന്ത് പവുലോസുന പ്‌ഡിത്ത് റോമ കോഡിദിക്ക് എ്ഡ്‌ത്ത് പോനാര്.

അപ്പോസുത്തലാര് 24:17

ഒന്റരെ ബര്‌സ്സാന പ്‌റാത്തെ നാന് എര്‌സലേമ്‌ക്ക് ബന്തെ. അദ് എന്ത്‌ക്കെന്റ് സൊന്ന എന്നാള്‌ഗാള്‌ക്ക് പണ കൊഡുക്ക്യാമ് പലി കൊഡുക്ക്യാമ് ബേ്ണ്ടിത്തെ ബന്താദ്.

റോമഗാറാര് 15:26

എന്ത്‌ക്കെന്റ് സൊന്ന എര്‌സലേമ്‌ല സാമിക്ക് പട്ടവാര്‌ല് ഏ്ളെഗാള് ആയിര്‌ക്ക്‌ന്റവാര്‌ക്ക് ലേസ ദാനഗാള് ഗേഡൊ എന്റ് മക്കെദോന്യഗാറാര്‌മ് അഗായലവാര്‌മ് പിര്യപിര്യാത്ത് മുഡിവു മാഡിര്‌ക്ക്‌ന്റാര്.

1 കൊരിന്ത്യഗാറാര് 16:15

ഏസ്സ്‌ഗാറാരെ, തേപാനോസുമു അയാള് ബീ്ഡ്‌ഗാറാര്‌മ് അഗായ നാഡ്‌ല് ബെത്ത് മുദാല് ഏസ്സ്‌ന നമ്പ്‌നവാര്‌ത്തെ. സാമിക്ക് പട്ടവാര് കാര്യഗാള് നോഡ്യ ബേ്ണ്ടി അവാര് തമാന താനെ ഒപ്പിസി കൊഡുത്ത്‌റ്ന്റവാര്‌മ്‌ത്തെ. ഇദെല്ല നിമാക്ക് തെരിമല്ല.

2 കൊരിന്ത്യഗാറാര് 1:1

സാമി ആസെപഡി ക്‌റ്‌സ്‌ത്ത് ഏസ്സ് അപ്പോസുത്തലാന് ആന പവുലോസുമു ഏസ്സ്‌ഗാറാന് തിമിത്തോസുമു കൊരിന്ത്യ പട്ടണാത്ത്‌ല സാമിഗാറാര് കൂട്ടാക്ക്‌മ് അഗായ നാഡ്‌ല സാമിക്ക് പട്ട എല്ലാവാര്‌ക്ക്‌മ് കൂഡി എ്ള്‌ദുവ എ്ള്‌ത്ത്.

2 കൊരിന്ത്യഗാറാര് 7:14

നാന് അയാള്‌ക്ക് നിമാന പറ്റി സൊല്ലി പെരിമെപട്ടെ. എമ്മ എല്ലാ കാര്യാത്ത്‌ല്‌മ് നിമാക്ക് സത്ത്യന താനെത്തെ സൊല്ലിര്‌ക്ക്‌ന്റേമ്. നിമാന പറ്റി നാന് പെരിമെപട്ട് അയാള്‌ക്ക് സൊന്ന കാര്യഗാള് നേര്‌ത്തെ എന്റ് അയാള് അദ്‌ക്ക് ബര്‌ഗാട്ടി കണ്ടാന്. അദ്‌നാലെ എനാക്ക് നാണപഡുവ ഗെദി ബരാലെ.

2 കൊരിന്ത്യഗാറാര് 7:4

എനാക്ക് നിമാന നല്ല നമ്പിക്കെ ഇര്‌ക്ക്‌ന്റ്. നിമാന പറ്റി നാന് എത്ത്‌റാഗോ പെരിമെപഡ്‌ന്റെ. അദ്‌നാലെ എമാക്ക് ബന്ത എല്ലാ കജട്ടഗാള്‌ല്‌മ് നാന് ദയിര ഉള്ളവാന്‌മ് നല്ല പിര്യപൊങ്കുന്റവാന്‌മ്‌ത്തെ.

2 കൊരിന്ത്യഗാറാര് 8:10

പോന ബര്‌സ്സ താനെ ദറ്‌മ്മ ഗേയ പ്‌ഡിത്ത കാര്യന ഇന്നാല് ഗേന്ത് മുഡിക്കുവാദ് നല്ലാദ് ആയിര്‌ക്ക്‌മ് എന്റ്‌ത്തെ നാന് സൊല്ലുവ നായ. എല്ലാ ഏസ്സ്‌ഗാറാര് കൂട്ടഗാള്‌ക്ക് മുദാല് ദറ്‌മ്മ ഗേയാമ് അത്തെ ഗേയ ആസെപട്ട് ബന്താദ്‌മ് നിമ്മാത്തെ.

2 കൊരിന്ത്യഗാറാര് 8:11

അദ്‌നാലെ ഇന്നാല് ദറ്‌മ്മ സേത്ത്യ പ്‌ഡിത്താദ്‌ന സേത്തി മുഡിന്. അത്തെ നിമാക്ക് മുദാലെ ഇന്ത സുറുസുറുപ്പുക്കു തഗ്‌ന്ത പാസെ നിമ്മ കൊഡുനു. നിമാക്ക് മുഡിന്തളാവുക്കു കൊഡുനു.

2 കൊരിന്ത്യഗാറാര് 8:19

അദ്‌താനേമല്ല, എമ്മ ഈ ദറ്‌മ്മന എ്ഡ്‌ത്ത് പോഗാട്ടി എമ്മോഡൊപ്പ ബര്യ ഏസ്സ്‌ഗാറാര് കൂട്ട അയാള്‌ന തെരിന്തെ്ഡ്‌ത്ത്‌റ്‌ന്റാര്. എമ്മ എ്ഡ്‌ത്ത് പോവ ഈ ദറ്‌മ്മ ആണ്ടവാന്‌ന മദ്‌സുവാദ്‌മ് ദറ്‌മ്മ സേത്തുവ കാര്യാത്ത്‌ല് എമാക്ക് ഇര്‌ക്കുവ സുറുസുറുപ്പുള്ള മനേസ്സ്‌ന കാട്ടുവാദ്‌മ്‌ത്തെ.

2 കൊരിന്ത്യഗാറാര് 8:24

അദ്‌നാലെ നിമാക്ക് ഇര്‌ക്കുവ സീവാന്‌ക്ക് തഗ്‌ന്ത പാസേമ് എമ്മ നിമാന പറ്റി പെരിമെപഡ്‌വ കാര്യഗാള്‌ക്ക് തഗ്‌ന്ത പാസേമ് ഈ ദറ്‌മ്മ സേത്തുവ കാര്യാത്ത്‌ല് നിമ്മ അവാര്‌ക്ക് കാട്ടി കൊഡുക്കുഡൊ. അത്തെ എല്ലാ ഏസ്സ്‌ഗാറാര് കൂട്ടഗാള്‌ക്ക്‌മ് എമ്മ നിമാന പറ്റി സൊല്ലുവാദ് നേര്‌ത്തെ എന്റ് തെരിമ്.

2 കൊരിന്ത്യഗാറാര് 8:8

നാന് നിമാക്ക് ദറ്‌മ്മ ഗേയ ബേ്ണ്ടി കല്‌പനെ ബെത്തല്ല ഇത്തെ സൊല്ലുവാദ്. ബേ്റെ ഏസ്സ്‌ഗാറാര് കൂട്ടഗാള് ദറ്‌മ്മ ഗേവ കാര്യാത്ത്‌ല് സുറുസുറുപ്പു കാട്ടുവ പാസെ നിമ്മ അഡ്‌ത്തവാരോഡ എത്ത്‌റ സീവാന്‌ബെത്ത് നഡാക്ക്‌ന്റ്‌റ് എന്റ് എനാക്ക് തെരിഡൊ. അദ്‌ക്ക് ബേ്ണ്ടിത്തെ നാന് ഇത്തെ സൊല്ലുവാദ്.

1 തെസെലോനിക്ക്യഗാറാര് 1:7

അത്തെ മക്കെദോന്യാല്‌മ് അഗായാല്‌മ് ഏസ്സ്‌ന നമ്പി നഡാക്ക്‌ന്റവാര്‌ക്ക് ഒട്ടുക്കു നിമ്മ പെ്ളേക്കുവാദ്‌ന കണ്ട് പഡിക്ക്യ മുഡിന്ത്‌ദ്.

എവുറായാര് 10:24

സീവാന്‌ബെത്ത് നഡാക്ക്യാമ് നല്ല കാര്യഗാള് ഗേയാമ് ബേ്ണ്ടി ആങ്കീങ്ക് എത്തെ കയി താങ്ക്‌ല എന്റ് നമ്മ നെനേക്ക്‌ഗാന്.