2 കൊരിന്ത്യഗാറാര് 9:11 - സാമി സേദി

¹¹ ഒപ്പ ദറ്‌മ്മ ഗേവ പളാക്ക ഉള്ളവാര് ആയിര്‌ക്ക്യ സാമി നിമാക്ക് ബേ്ഡ്‌മാനദെല്ല തരുവാന്. എമ്മ നിമ്മോഡിന്ത് സേത്തുവ ഈ ദറ്‌മ്മ കെ്ഡേക്ക്‌ന്റവാര് നിമ്മ ഗേവ ദറ്‌മ്മാക്ക് ബേ്ണ്ടി സാമിക്ക് നണ്ണി സൊല്ലുവാര്.

2 കൊരിന്ത്യഗാറാര് 9:11 ပူးပေါင်းရင်းမြစ်များ

മത്തായി 20:15

എനാക്കിര്‌ക്കുവാദ്‌ന എന്ന് മനേസ്സ്‌ക്ക് പ്‌ഡിത്ത പാസെ ഗേയ എനാക്ക് ഉരിമെ ഇല്ലേഗ? നാന് നല്ലവാന് ആനാദ്‌നാലെ നിനാക്ക് കണ്ണ്‌കഡ്യ?> എന്റ് സൊന്നാന്.

മത്തായി 25:17

അദേപാസെ റാഡ് താലന്ത് കെ്ഡേസ്‌നവാന്‌മ് അദ്‌ന ഏവര മാഡി ബേ്റെ റാഡ് താലന്ത് ഗുഡി കെ്ഡേസ്‌നാന്.

റോമഗാറാര് 12:8

ബുദ്ദിനായ സൊല്ലി കൊഡുക്കുവ ബര കെ്ഡേത്തവാന് ബുദ്ദിനായ സൊല്ലി കൊഡുക്കുഡൊ. ദാന ഗേവാദ്‌ക്കുള്ള ബര കെ്ഡേത്തവാന് മനേസ്സാറ ദാന ഗേഡൊ, തലെവാന് ആയിര്‌ക്ക്യ ബര കെ്ഡേത്തവാന് സുറുസുറുപ്പോഡ അയി കാര്യഗാള് ഗേഡൊ. ഗവ പഡുവ ബര കെ്ഡേത്തവാന് അഡ്‌ത്തവാര്‌ക്ക് ഗേവ കാര്യഗാള്‌ന പിര്യപിര്യാത്തോഡ ഗേഡൊ.

1 കൊരിന്ത്യഗാറാര് 1:5

അത്തെ ക്‌റ്‌സ്‌ത്ത് ഏസ്സ്‌നാലെ എല്ലാ കാര്യാത്ത്‌ല്‌മ് നിമ്മ മ്‌ഗ്‌ന്തവാര് ആന്‌റ്. മുക്ക്യമായിമ് എല്ലാ നായാത്ത്‌ല്‌മ് അറുവുലുമു നിമ്മ മ്‌ഗ്‌ന്തവാര് ആന്‌റ്.

2 കൊരിന്ത്യഗാറാര് 1:11

അദ്‌ക്ക് ബേ്ണ്ടി നിമ്മൊട്ടുക്കു എമാക്ക് പരേസ്‌ന്റ്‌റല്ല. അത്തെ മൊത്തന ആള്‌ഗാള് എമാക്ക് ബേ്ണ്ടി പരേസ്‌ഗാട്ടി സാമി എമാക്ക് പ്‌ണ്ണ്യ ഗേവാന്. അദ്‌ന കണ്ട് അയി മൊത്തന ആള്‌ഗാള് എമാക്ക് ബേ്ണ്ടി സാമിക്ക് നണ്ണി സൊല്ലുവാര്.

2 കൊരിന്ത്യഗാറാര് 4:15

ഇദെല്ലാമ് നിമാക്ക് നല്ലാദ് ബര്യ ബേ്ണ്ടിമ് ആണ്ടവാന് പ്‌ണ്ണ്യ സേത്തി സേത്തി ആള്‌ഗാള്‌ക്ക് കെ്ഡേക്ക്യ ബേ്ണ്ടിമ് ഉദാവ്യാന്റ്. അത്തെ അവാര് ഒട്ടുക്കു സേത്തി സേത്തി സാമിക്ക് നണ്ണി സൊല്ലുവാര്.

2 കൊരിന്ത്യഗാറാര് 8:16

നിമ്മ് കാര്യാത്ത്‌ല് എനാക്ക് ഇര്‌ക്കുവ അദേ സുറുസുറുപ്പുന തീത്തോസു മനേസ്സ്‌ക്ക്‌മ് കൊഡുത്ത സാമിക്ക് നാന് നണ്ണി സൊന്റെ.

2 കൊരിന്ത്യഗാറാര് 8:19

അദ്‌താനേമല്ല, എമ്മ ഈ ദറ്‌മ്മന എ്ഡ്‌ത്ത് പോഗാട്ടി എമ്മോഡൊപ്പ ബര്യ ഏസ്സ്‌ഗാറാര് കൂട്ട അയാള്‌ന തെരിന്തെ്ഡ്‌ത്ത്‌റ്‌ന്റാര്. എമ്മ എ്ഡ്‌ത്ത് പോവ ഈ ദറ്‌മ്മ ആണ്ടവാന്‌ന മദ്‌സുവാദ്‌മ് ദറ്‌മ്മ സേത്തുവ കാര്യാത്ത്‌ല് എമാക്ക് ഇര്‌ക്കുവ സുറുസുറുപ്പുള്ള മനേസ്സ്‌ന കാട്ടുവാദ്‌മ്‌ത്തെ.

2 കൊരിന്ത്യഗാറാര് 9:12

നിമ്മ ഗേവ ഈ ദറ്‌മ്മ സാമിക്ക് പട്ടവാര് ബുദ്ദിമുട്ടുന തീര്‌ക്ക്‌ന്റ്. അദ്‌താനേമല്ല എഞ്ചോ ആള്‌ഗാള് സേത്തി സേത്തി സാമിക്ക് നണ്ണി സൊല്ല്യാമ് അദ്‌നാലെ മുഡിന്റ്.