2 കൊരിന്ത്യഗാറാര് 8:3 - സാമി സേദി

³ ആര്‌മ് സൊല്ലാദെ താനെ തമാക്ക് മുഡിന്തളാവുക്കുമു അദ്‌ക്ക് മീ്റിമ് അവാര് ദറ്‌മ്മ കൊഡുത്താര് എന്റ് എനാക്ക് താനെ തെരിമ്.

2 കൊരിന്ത്യഗാറാര് 8:3 ပူးပေါင်းရင်းမြစ်များ

മര്‌ക്കോസു 14:8

ഇവാള് തനാക്ക് ഗേയ മുഡിന്താദ്‌ത്തെ ഗേന്ത്‌റ്‌ന്റാള്. എന്ന് സാവുന പാത്ത്യ ബേ്ണ്ടി എന്ന് സാവുക്കു എ്ണ്ണെ പൂസി ഒരുക്കുവ കാര്യന മുദാല് താനെ അവാള് ഗേന്ത്‌റ്‌ന്റാള്.

അപ്പോസുത്തലാര് 11:29

എഗുദാല് ഇന്ത ഏസ്സ്‌ഗാറാര്‌ന കയിതാങ്ക്യ തമാക്ക് മുഡിന്തളാവുക്കു എന്തൊന്റു കൊഡുത്തു ബ്‌ഡ്യ അന്തോക്ക്യാല ഏസ്സ് സൊല്ലുപഡി നഡാക്ക്‌ന്റവാര് മുഡിവെ്ഡ്‌ത്താര്.

റോമഗാറാര് 10:2

സാമിന പറ്റ്യുള്ള കാര്യഗാള്‌ല് അവാര് സുറുസുറുപ്പുള്ളവാര്‌ത്തെ എന്റ് എനാക്ക് ഒറേപ്പായി സൊല്ല്യ മുഡിമ്. ആന നേര്‌മാന അറുവുന ബെത്തല്ല അവാര് അയി സുറുസുറുപ്പു കാട്ടുവാദ്.

1 കൊരിന്ത്യഗാറാര് 16:2

നിമ്മ ഒന്റൊന്റാള്‌ക്ക്‌മ് നിമാക്ക് മുഡിന്തളാവുക്കുള്ള പണ ബാരബാര മുദാല് നാള് എ്ഡ്‌ത്ത് സേത്തി ബെയിന്. അത്തെ സേത്തി ബെത്തദാന നാന് ബര്‌ഗാട്ടി പണ പിരിക്കുവ തേവി ബരമാട്ട.

1 കൊരിന്ത്യഗാറാര് 9:17

നാന് എന്ന് മനേസ്സാറ ഈ ഗിലാസ ഗേവദാന എനാക്ക് കൂലി കെ്ഡേക്കുവാദ്‌ക്കുള്ള തഗ്‌ദി ഇര്‌ക്ക്‌ന്റ്. ഇദ് നാന് എന്ന് പിര്യാക്ക് തെരിന്തെ്ഡ്‌ത്താദല്ല. ആന സാമി ഈ കാര്യ ഗേയ തന്താദ്‌നാലെ നാന് അദ്‌ന ഗേയ കഡാമെ പട്ടവാന്‌ത്തെ.

ഗലാത്ത്യഗാറാര് 4:15

അദുക്കുളെല്ല നിമാക്ക് ദൊഡ്ഡ പിര്യ ഇന്ത്‌ദ്. നിമാക്ക് മുഡിവദാന നിമ്മ് കണ്ണ്‌ബെദെന ബീസാക്ക് സൊളോണ്ട്യെ്ഡ്‌ത്ത് എനാക്ക് തന്ത്‌റ്‌ക്കുവുറു എന്റ് എനാക്ക് നിമാന പറ്റി നേര്‌മായി സൊല്ല്യ മുഡിമ്. അയി പിര്യ ഇന്നാല് ഏങ്ക് പോറ്റു?

പിലിപ്പ്യഗാറാര് 2:13

എന്ത്‌ക്കെന്റ് സൊന്ന സാമി ആസെപഡുവാദ്‌ന ഗേയ നിമാക്ക് ആസെ തരുവാദ്‌മ് സാമിത്തെ, അദ്‌ന ഗേയ നിമാക്ക് ബില തരുവാദ്‌മ് സാമിത്തെ.

കൊലേസ്യഗാറാര് 4:13

അയാള് നിമാക്ക്‌മ്, ലവുദിക്ക്യഗാറാര്‌ക്ക്‌മ്, ഇയരപൊലിഗാറാര്‌ക്ക്‌മ് ബേ്ണ്ടി പരേസി കൊണ്ടേ ഇര്‌ക്ക്‌ന്റാന് എന്റ് എനാക്ക് കണ്ടിപ്പായി സൊല്ല്യ മുഡിമ്.

1 തെസെലോനിക്ക്യഗാറാര് 2:8

നിമ്മ എമാക്ക് മെച്ച്‌പ്‌ഡിത്തവാര് ആയിന്ത്‌റ്. അദ്‌നാലെ സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ താനേമല്ല, നിമാക്ക് ബേ്ണ്ടി എമ്മ് ഉജുരുന തന്ത് ഗുഡി സീവാന്‌പഡ്യ എമ്മ ഒരിങ്കിന്തേമ്.

പിലെമോനു 1:14

എന്റാല്‌മ് നിനാന കേ്ള്‌ക്കാദെ എനാക്ക് ഈ കാര്യ ഗേയ മനേസ്സില്ലെ. എനാന കയിതാങ്ക്യ ബേ്ണ്ടി നാന് എന്താറ്റ ഗേയ സൊന്നദാന അദ് നിനാക്ക് മനേസ്സിന്തദാനത്തെ ഗേഡൊ. അല്ലാദെ നാന് സൊന്നാദ്‌ക്ക് ബേ്ണ്ടി ഗേഗാദെ.

1 പത്ത്‌റോസു 4:11

നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.

1 പത്ത്‌റോസു 5:2

സാമിന നമ്പി നഡാക്ക്‌ന്റവാര് കൂട്ടന സാമി നിമ്മ് കയിക്ക് നോഡ്യ തന്ത്‌റ്‌ക്ക്‌ന്റാന്. അദ് ആരാറ്റ നത്തുവ നത്ത്‌ക്ക് ബേ്ണ്ടി ഗേഗാദെ സാമി ആസെപഡുവ പാസെ മനേസ്സാറ ഗേന്. ഇത്തെ ഗേഗാട്ടി എന്താറ്റ ഉവഗര കെ്ഡേക്ക്‌മെന്റ് നെനേത്ത് ഗേഗാദെ അവാര്‌ന കയിതാങ്ക്യ ബേ്ണ്ടി ഒരുക്ക ഉള്ളവാര് ആയിര്‌ക്കുഡൊ.