2 കൊരിന്ത്യഗാറാര് 8:21 - സാമി സേദി

²¹ ആണ്ടവാന് കണ്ണ്‌ക്ക് താനേമല്ല, മന്‌സാന് കണ്ണ്‌ക്ക്‌മ് സെരി ആയിര്‌ക്കുവ കാര്യ ഗേഡൊ എന്നുവാദ്‌ത്തെ എമ്മ് ഓരാട്ട.

2 കൊരിന്ത്യഗാറാര് 8:21 ပူးပေါင်းရင်းမြစ်များ

മത്തായി 23:5

തമ്മ ഗേവ ഗിലാസഗാളെല്ല മന്‌സാര് കാണ്യ ബേ്ണ്ടിത്തെ അവാര് ഗേവാദ്. സാമി സൊല്ലുസുലാക്കന എ്ള്‌ദി ഇക്കി ബെത്ത്‌റ്‌ക്കുവ പെ്ട്ടിന ദൊഡ്ഡാദ് മാഡി തലേക്ക് കെ്ട്ടി ബെക്ക്‌ന്റാര്. തമ്മ ഇക്കുവ ജൊഗേക്ക് കുത്തി മൂട്ടുവ താനെന നീ്ട്ട മാഡ്‌ന്റാര്.

മത്തായി 5:16

അദേപാസെ നിമ്മ ഗേവ നല്ല കാര്യഗാള്‌ന കണ്ട് മേലോഗാത്ത്‌ല നിമ്മ് അപ്പാന് സാമിന അഡ്‌ത്തവാര് പെരിമെപഡ്യ നിമ്മ് ബെ്ള്‌സ അവാര് മുന്നുക്കു അഡിക്കുഡൊ.>>

മത്തായി 6:1

<<നിമ്മ് സട്ട്‌മെ്ട്ട്‌പഡി ഗേവ കാര്യഗാള്‌ന ആള്‌ഗാള് കാണ്യ ബേ്ണ്ടി നിമ്മ അവാര് കണ്ണ്‌മുന്നുക്കു ഗേഗാദേന്. അത്തെ ഗേന്തദാന മേലോഗാത്ത്‌ല നിമ്മ് അപ്പാന് കയിലിന്ത് നിമാക്ക് കൂലി കെ്ഡേക്കമാട്ട.

മത്തായി 6:4

അന്നാപ്പ്‌ത്തെ അദ് സൂഗാന ഗേവാദാമ്. അത്തെ നിമ്മ സൂഗാന ഗേവാദ്‌ന കാണുവ നിമ്മ് അപ്പാനാന സാമി നിമാക്ക് കൂലി തരുവാന്.>>

റോമഗാറാര് 12:17

ആര്‌ക്ക്‌മ് കെ്ട്ടാദ്‌ക്ക് ബദ്‌ല കെ്ട്ടാദ് ഗേഗാദെ എല്ലാ ആള്‌ഗാള് കണ്ണ്‌ക്ക് പ്‌ഡിക്കുവ കാര്യഗാള് ഗേയ ഓരാഡ്‌ന്.

റോമഗാറാര് 14:18

ഇത്തെ ഗേന്ത് കൊണ്ടു ക്‌റ്‌സ്‌ത്ത്‌ന കുമ്മുഡി നഡാക്ക്‌ന്റവാന് സാമിന പിര്യപഡ്‌സ്‌ന്റവാന്‌മ് ആള്‌ഗാള്‌ലിന്ത് പേര് കെ്ഡേസ്‌നവാന്‌മ്‌ത്തെ.

2 കൊരിന്ത്യഗാറാര് 2:17

ആണ്ടവാന് സേദിന ബിറ്റ് മുദാലുണ്ടാക്കുവ ബേ്റെ എഞ്ചോ ആള്‌ഗാള് ഇര്‌ക്ക്‌ന്റാര്. എമ്മ അത്തവ ആള്‌ഗാള് അല്ല. സാമി എമാന സൊല്ലി ബ്‌ട്ട്‌റ്‌ക്കുവാദ്‌നാലെ ക്‌റ്‌സ്‌ത്ത് ഗിലാസഗാറാരായി സാമി കണ്ണ്‌ക്ക് എമ്മ മനേസ്സാറ നായനൊഡിന്റേമ്.

2 കൊരിന്ത്യഗാറാര് 8:20

എമ്മ ഇത്തെല്ല ഗേവാദ് എമ്മ ദറ്‌മ്മ സേത്തുവ കാര്യാത്ത്‌ല് ബേ്റെ ആര്‌മ് എമാന പറ്റി കുറ്റ സൊല്ലാദെ ഇര്‌ക്ക്യ ബേ്ണ്ടിത്തെ.

2 കൊരിന്ത്യഗാറാര് 8:22

അദ്‌നാലെ അവാരോഡൊപ്പ ബേ്റൊന്റു ഏസ്സ്‌ഗാറാന്‌ന എമ്മ സൊല്ലി ബ്‌ഡ്‌ന്റേമ്. എമ്മ സോദണെ ഗേന്ത ഗളിഗേലെല്ല അയാള് സുറുസുറുപ്പുള്ളവാന് എന്റ് കാട്ടി തന്ത്‌റ്‌ന്റാന്. അദ്‌താനേമല്ല, നിമ്മ സേത്തുവ ഈ ദറ്‌മ്മ കാര്യാത്ത്‌ല് അയാള്‌ക്ക് നല്ല ഒറേപ്പുള്ളാദ്‌നാലെ അയാള്‌നാമ് ഇവാരോഡൊപ്പ സേത്തി ബ്‌ഡ്‌ന്റേമ്.

പിലിപ്പ്യഗാറാര് 4:8

കഡേസില്, ഏസ്സ്‌ഗാറാരെ, നാന് ഒന്റു കാര്യ ഗുഡി നിമാക്ക് സൊന്റെ. നിമ്മ സത്ത്യമാന കാര്യഗാള്‌ന പറ്റിമ്, എല്ലാവാര്‌മ് നല്ലാദെന്റ് സൊല്ലുവ കാര്യഗാള്‌ന പറ്റിമ്, ആര്‌മ് കുറ്റ സൊല്ലാത്ത കാര്യഗാള്‌ന പറ്റിമ്, എല്ലാവാര്‌ക്ക്‌മ് മെച്ച്‌പ്‌ഡിത്ത കാര്യഗാള്‌ന പറ്റിമ്, എല്ലാവാര്‌മ് പെരിമെപഡുവ കാര്യഗാള്‌ന പറ്റിമ്‌ത്തെ നെനേക്കുഡൊ.

1 തെസെലോനിക്ക്യഗാറാര് 5:22

എല്ലാ ദിന്‌സ്‌ല് ഗേവ കെ്ട്ട കാര്യഗാള്‌നാമ് തള്ള്‌ന്.

1 തിമിത്തോസു 3:7

മൂപ്പാന്‌ന ഏസ്സ്‌ഗാറാര് കൂട്ട താനെ അല്ല, ഏസ്സ്‌ഗാറാരല്ലത്തവാര് ഗുഡി മദ്‌സുഡൊ. അന്നാപ്പ് അയാള്‌ക്ക് കെ്ട്ട പേര് ബരാമ്‌മാട്ട, സെയിത്താന് സദിക്ക് അയാള് സിക്കാമ്‌മാട്ടാന്.

1 തിമിത്തോസു 5:14

അദ്‌നാലെ ബയിസ്സാഗാത്ത മ്‌ണ്ടേസ്യാര്‌ഗാള് മറിസി ആളാന് സേന്ത് മക്കാള്‌മറി പ്‌റാത്തി ബീ്ഡ്‌കാര്യഗാള് നോഡി നഡാത്തുഡൊ എന്റ് നാന് ആസെപഡ്‌ന്റെ. അത്തെ ഗേന്തദാന പോട്ടിഗാറാര്‌ക്ക് നമാന പറ്റി കുറ്റ സൊല്ല്യ എ്ഡെ കെ്ഡേക്കാദാമ്.

1 പത്ത്‌റോസു 2:12

എഗുദാരല്ലാത്ത ജാദിഗാള് പട്ട്‌ല് നിമ്മ നലമായി പെ്ളേക്കുഡൊ. അത്തെ നിമ്മ കെ്ട്ട കാര്യഗാള് ഗേന്റവാര് എന്റ് സൊല്ലുന്റവാര് നിമ്മ ഗേവ നല്ല കാര്യഗാള്‌ന കണ്ട് സാമി ബരുവ നാള് സാമിന ദൊഡ്ഡവാന് എന്റ് സൊല്ലുവാര്.