2 കൊരിന്ത്യഗാറാര് 8:12 - സാമി സേദി

¹² നിമാക്ക് കൊഡുക്ക്യ മുഡിവാദ്‌ന നിമ്മ പിര്യപിര്യാത്തോഡ കൊഡുനു. അത്തെ കൊഡുത്തദാന സാമിക്ക് മെച്ച്‌പ്‌ഡിക്ക്‌മ്.

2 കൊരിന്ത്യഗാറാര് 8:12 ပူးပေါင်းရင်းမြစ်များ

മത്തായി 25:17

അദേപാസെ റാഡ് താലന്ത് കെ്ഡേസ്‌നവാന്‌മ് അദ്‌ന ഏവര മാഡി ബേ്റെ റാഡ് താലന്ത് ഗുഡി കെ്ഡേസ്‌നാന്.

മത്തായി 25:22

പ്‌റ റാഡ് താലന്ത് കെ്ഡേസ്‌വാന് അദ്‌ന ബെത്ത് കെ്ഡേസ്‌ന ബേ്റെ റാഡ് താലന്ത്‌ന ഗുഡി എ്ഡ്‌ത്ത് ബന്ത്: <പണ്ണാഡ്യെ, നീ എനാക്ക് റാഡ് താലന്തല്ല നോഡി നഡാത്ത്യ തന്താദ്. നാന് അദ്‌ന ബെത്ത് റാഡ് താലന്ത് ഗുഡി അദിഗ കെ്ഡേസിര്‌ക്ക്‌ന്റെ> എന്റ് സൊന്നാന്.

ലൂക്കോസു 16:10

സ്‌ന്ന കാര്യ ഗേവാദ്‌ല് നമ്പ്യ മുഡിന്റവാന് ദൊഡ്ഡ കാര്യ ഗേവാദ്‌ല്‌മ് നമ്പ്യ മുഡിന്റവാന് ആയിര്‌ക്കുവാന്. സ്‌ന്ന കാര്യ ഗേവാദ്‌ല് നേരെമൊറെ ഗേഗാത്തവാന് ദൊഡ്ഡ കാര്യ ഗേവാദ്‌ല്‌മ് നേരെമൊറെ ഗേഗാത്തവാന് ആയിര്‌ക്കുവാന്.

2 കൊരിന്ത്യഗാറാര് 8:11

അദ്‌നാലെ ഇന്നാല് ദറ്‌മ്മ സേത്ത്യ പ്‌ഡിത്താദ്‌ന സേത്തി മുഡിന്. അത്തെ നിമാക്ക് മുദാലെ ഇന്ത സുറുസുറുപ്പുക്കു തഗ്‌ന്ത പാസെ നിമ്മ കൊഡുനു. നിമാക്ക് മുഡിന്തളാവുക്കു കൊഡുനു.

2 കൊരിന്ത്യഗാറാര് 8:13

നിമാന ബുദ്ദിമുട്ടുസി കൊണ്ടു എഗുദാര് നാഡ്‌ല സാമിപ്‌ള്ളെഗാള്‌ക്ക് ദറ്‌മ്മ ഗേഡൊ എന്റല്ല, എല്ലാവാര്‌മ് ഒരേ സമ ഉള്ളവാര് ആയിര്‌ക്കുഡൊ എന്റ്‌ത്തെ നാന് ആസെപഡുവാദ്.

2 കൊരിന്ത്യഗാറാര് 8:19

അദ്‌താനേമല്ല, എമ്മ ഈ ദറ്‌മ്മന എ്ഡ്‌ത്ത് പോഗാട്ടി എമ്മോഡൊപ്പ ബര്യ ഏസ്സ്‌ഗാറാര് കൂട്ട അയാള്‌ന തെരിന്തെ്ഡ്‌ത്ത്‌റ്‌ന്റാര്. എമ്മ എ്ഡ്‌ത്ത് പോവ ഈ ദറ്‌മ്മ ആണ്ടവാന്‌ന മദ്‌സുവാദ്‌മ് ദറ്‌മ്മ സേത്തുവ കാര്യാത്ത്‌ല് എമാക്ക് ഇര്‌ക്കുവ സുറുസുറുപ്പുള്ള മനേസ്സ്‌ന കാട്ടുവാദ്‌മ്‌ത്തെ.

2 കൊരിന്ത്യഗാറാര് 9:7

ഒന്റൊന്റാള്‌മ് അവനവാന് കൊഡുക്ക്യ നെനേത്തിന്ത പാസെ താനെ ദറ്‌മ്മ കൊഡുക്കുഡൊ. സങ്കഡത്തോഡഗൊ ഇല്ലെ ആരാറ്റ നത്തുവ നത്താക്ക് ബേ്ണ്ട്യൊ കൊഡുക്ക ബേ്ഡ. പിര്യപിര്യാത്തോഡ ദറ്‌മ്മ കൊഡുക്കുന്റവാന്‌ന സാമി സീവാന്‌പഡ്‌ന്റാന്.

1 പത്ത്‌റോസു 4:10

സാമിക്ക് പല ദിന്‌സ് ബരഗാള് ഇര്‌ക്ക്‌ന്റ്, അദ്‌ന നലമായി നോഡി നഡാത്ത്‌ന്റവാര് ആയിര്‌ക്കുവ നിമാക്ക് ഒന്റൊന്റാള്‌ക്ക്‌മ് കെ്ഡേത്ത അയി ബരഗാള്‌ന ബെത്ത് കൊണ്ടു അഡ്‌ത്തവാര്‌ക്ക് നല്ലാദ് ഗേന്.