2 കൊരിന്ത്യഗാറാര് 7:7 - സാമി സേദി7 തീത്തോസു ബന്താദ്‌നാലേമല്ല, നിമ്മ അയാള് മനേസ്സ്‌ന എത്തെ ദയിരപഡ്‌സ്‌ന്‌റ് എന്റ് അയാള് എമാക്ക് സൊന്നാദ്‌മ് എമാന ദയിരപഡ്‌സ്‌റ്റ്. എനാന കാണ്യ നിമ്മ എത്ത്‌റ ആസെപഡ്‌ന്റ്‌റ് എന്റ്‌മ് നിമ്മ എനാന ദുക്കപഡ്‌സ്‌നാദ്‌ന നെനേത്ത് എത്ത്‌റ ദുക്കപഡ്‌ന്റ്‌റ് എന്റ്‌മ് എന്ന് കാര്യാത്ത്‌ല് നിമാക്ക് എത്ത്‌റ പിര്യ ഇര്‌ക്ക്‌ന്റ് എന്റ്‌മ് തീത്തോസു എമാക്ക് സൊന്നാന്. അദ്‌നൊട്ടുക്കു കേ്ള്‌ക്കാട്ടി എനാക്ക് എത്ത്‌റാഗോ പിര്യ ബന്ത്‌ദ്. အခန်းကိုကြည့်ပါ။ |
2 കൊരിന്ത്യഗാറാര് 7:7
34 ပူးပေါင်းရင်းမြစ်များ
ആന എനാക്ക് എന്ത് ബന്താല്‌മ് നാന് നാണഗെ്ഡമാട്ടെ. നാന് ഒപ്പ നല്ല ദയിരത്തോഡത്തെ ഇര്‌ക്കുവെ. നാന് ഉജുരോഡിന്തദാന മുന്നുക്കുല പാസെ ഇന്നാല്‌മ് നാന് ഗേവ എല്ലാ കാര്യാത്ത്‌ല്‌മ് ക്‌റ്‌സ്‌ത്ത്‌ന ഉജാത്തി കാട്ടുവെ. സാവദാന നാന് ക്‌റ്‌സ്‌ത്ത്‌ക്ക് ബേ്ണ്ടി സാവാദ്‌നാലെ ക്‌റ്‌സ്‌ത്ത് പേര്‌ക്ക്‌ത്തെ പെരിമെ കെ്ഡേക്ക്‌മ്. ഇദ്‌ത്തെ നാന് ഒപ്പ ആസെപഡുവാദ്‌മ് നെഞ്ചഡെ ബെത്ത്‌റ്‌ക്കുവാദ്‌മ്.
എനാക്ക് മെച്ച്‌പ്‌ഡിത്തവാരെ, ഏസ്സ് ക്‌റ്‌സ്‌ത്ത്‌ന ബെത്ത് സാമി നമ്മ് പെ്ളേപ്പ്‌ന എത്തെ കാപാറ്റ്‌ന്റാന് എന്നുവ കാര്യന പറ്റി നിമാക്ക് എ്ള്‌ദ്യ ബേ്ണ്ടി നാന് മുദാല് ആസെപട്ടിന്തെ. അത്തെ നാന് ആസെപട്ട്‌റ്‌ക്കാട്ടി ഏസ്സ്‌ന നമ്പി സാമിക്ക് പട്ടവാര് ആനവാര് ഏസ്സ് സൊന്ന നായഗാള്‌ന ഉറുദ്ദ്യായി നമ്പി പെ്ളേക്കുഡൊ എന്നുവ കാര്യന പറ്റി എ്ള്‌ദുവാദ്‌ത്തെ ദൊഡ്ഡ കാര്യ എന്റ് നാന് നെനേത്തെ. അദ്‌നാലെ അദ്‌ന പറ്റി എ്ള്‌ദ്യ നാന് ആസെപട്ടെ.
ကြော်ငြာတွေ