2 കൊരിന്ത്യഗാറാര് 7:3 - സാമി സേദി

³ നിമ്മ കുറ്റഗാറാര് എന്റ് ബിദിക്ക്യ അല്ല നാന് ഇദ്‌ന സൊല്ലുവാദ്. നാന് മുന്നുക്കു സൊന്ന പാസെ എമ്മ നിമാന നല്ല സീവാന്‌പഡുവാദ്‌നാലെ സത്താല്‌മ് പെ്ളേത്താല്‌മ് എമ്മ നിമ്മൊപ്പ ഇര്‌ക്കുവേമ്.

2 കൊരിന്ത്യഗാറാര് 7:3 ပူးပေါင်းရင်းမြစ်များ

2 കൊരിന്ത്യഗാറാര് 11:11

നിമ്മോഡിന്ത് ഒന്റുമു ബാങ്കാത്താദ് നാന് നിമാന സീവാന്‌പഡാത്തനാലെത്തെ എന്റ് നിമ്മ നെനേക്ക്‌ന്റ്‌റ? നാന് നിമാന സീവാന്‌പഡ്‌ന്റെ എന്റ് സാമിക്ക് തെരിമ്.

2 കൊരിന്ത്യഗാറാര് 12:15

നിമാന കയിതാങ്ക്യ ബേ്ണ്ടി നാന് എനാക്ക് ഇര്‌ക്കുവാദ്‌ന ഒട്ടുക്കുമു നാന് പിര്യപിര്യാത്ത് സിലാവു മാഡുവെ. അദ്‌താനേമല്ല നിമാന കയിതാങ്ക്യ ബേ്ണ്ടി നാന് എനാന താനേമ് പിര്യപിര്യാത്ത് ഒപ്പിസി തരുവെ. നാന് നിമാന അദിഗ സീവാന്‌പഡുവാദ്‌നാലെ നിമ്മ സെറ്റെന്റാല് എനാന സീവാന്‌പഡുവുറ?

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

2 കൊരിന്ത്യഗാറാര് 3:2

എമ്മ സാമി ഗിലാസഗാറാര്‌ത്തെ എന്റ് കാട്ട്യ ബേ്റെ എ്ള്‌ത്ത് തേവില്ലെ. എന്ത്‌ക്കെന്റ് സൊന്ന നിമ്മ് പെ്ളേപ്പ്‌ന കാണ്‌ഗാട്ടി എമ്മ സാമിത്ത് നല്ല ഗിലാസഗാറാര് എന്റ് ആള്‌ഗാള്‌ക്ക് പഡിക്ക്യാമ് നെപ്പ്കെ്ഡേസ്യാമ് മുഡിന്റ്.

2 കൊരിന്ത്യഗാറാര് 7:12

നാന് അയി എ്ള്‌ത്ത് എ്ള്‌ദ്‌നാദ് കൊഡിമെ ഗേന്തവാന്‌ന നെനേത്ത് കൊണ്ടൊ കൊഡിമെ പട്ടവാന്‌ന നെനേത്ത് കൊണ്ടൊ അല്ല. എമ്മ് കാര്യാത്ത്‌ല് നിമ്മ എത്ത്‌റ സുറുസുറുപ്പു കാട്ട്‌ന്റ്‌റ് എന്റ് നിമ്മ സാമി കണ്ണ്‌ക്ക് കാട്ടി കൊഡുക്ക്യ ബേ്ണ്ടിത്തെ എമ്മ അയി എ്ള്‌ത്ത് എ്ള്‌ദ്‌നാദ്.

പിലിപ്പ്യഗാറാര് 1:7

നാന് നിമ്മോഡ മനേസ്സാറ സീവാന്‌ബെത്ത് നഡാക്കുവാദ്‌നാലെ നിമാനൊട്ടുക്കു പറ്റി നാന് അത്തെല്ല നെനേക്കുവാദ് സെരിത്തെ. നാന് ഇന്നാല് ജെയില്‌ലിര്‌ക്കാട്ടിമ് അല്ലാദെ താനെ നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേര്‌ത്തെന്റ് കാട്ടി കൊഡുക്കാട്ടിമ് നിമ്മാത്തെ എനാന കയി താങ്ക്‌ന്‌റ്. അദുക്കുള്ള പ്‌ണ്ണ്യ സാമി നമാക്ക് ഗേന്താന്.

1 തെസെലോനിക്ക്യഗാറാര് 2:8

നിമ്മ എമാക്ക് മെച്ച്‌പ്‌ഡിത്തവാര് ആയിന്ത്‌റ്. അദ്‌നാലെ സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ താനേമല്ല, നിമാക്ക് ബേ്ണ്ടി എമ്മ് ഉജുരുന തന്ത് ഗുഡി സീവാന്‌പഡ്യ എമ്മ ഒരിങ്കിന്തേമ്.