2 കൊരിന്ത്യഗാറാര് 7:10 - സാമി സേദി

¹⁰ എന്ത്‌ക്കെന്റ് സൊന്ന ഉലഗാത്ത്‌ല കാര്യഗാള്‌ക്ക് ബേ്ണ്ടി ഒരുത്താന് ദുക്ക പട്ട അയി ദുക്ക അയാള്‌ക്ക് സാവു ബര്‌സ്സ്‌ന്റ്. ആന സാമി നെനേത്ത പാസെ ദുക്കപഡുവ ഒരുത്താന് തപ്പ് ഗേവാദ്‌ന തെ്റിന്ത് തള്ളി സാമിസാരി തിര്‌ഗ്‌ന്റാന്. അദ് അയാള്‌ന തപ്പിസി കഡാക്ക്യ ബെക്ക്‌ന്റ്.

2 കൊരിന്ത്യഗാറാര് 7:10 ပူးပေါင်းရင်းမြစ်များ

മത്തായി 26:75

അദുക്കുള, <<കോയി കൂഗാത്ത മുദാല് നീ മൂറു ജമ്പ് എനാന തെര്യാഗേ തെര്യ എന്റ് സൊല്ലുവായി>> എന്റ് ഏസ്സ് സൊന്ന നായന നെനേത്ത് പത്ത്‌റോസു ബെ്ളിഗെ പോയി മ്‌ഗ്‌ന്ത ദുക്കത്തോഡ കേ്യിന്താന്.

ലൂക്കോസു 15:10

അദേപാസെത്തെ പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗുവ ഒന്റു പാവ ഗേന്റവാന്‌ന നെനേത്ത് സാമിദൂദാര് പട്ട്‌ല് പിര്യപൊങ്കുവാര് എന്റ് നാന് നിമാക്ക് സൊന്റെ.>>

ലൂക്കോസു 18:13

ആന കന്ത്യ കെ്ട്ടുവ കാസ് പിരിക്ക്‌ന്റവാന് ദൂരാത്ത്‌ലിന്ത് കൊണ്ടു മേലോഗന നോഡ്യ ഗുഡി നെനേക്കാദെ ദുക്കപട്ട് കൊണ്ടു: <ദെയിവമേ, പാവ ഗേന്ത് നഡാക്കുവ എനാന നീ ഗവപഡുഡോമെ> എന്റ് സൊന്നാന്.

അപ്പോസുത്തലാര് 11:18

ഇദ്‌ന കേ്ട്ട പ്‌റ അവാര് കുറ്റ സൊല്ലാലെ. <<പാവ ഗേവാദ്‌ന തെ്റിന്ത് തള്ളി നലമായി പെ്ളേക്ക്യ സാമി എഗുദാരല്ലാത്ത ജാദിഗാള്‌ക്ക്‌മ് ബാഗ്യ കൊഡുത്താനല്ല>> എന്റ് സൊല്ലി അവാര് സാമിന ഉജാത്തി സൊന്നാര്.

അപ്പോസുത്തലാര് 3:19

അദ്‌നാലെ നിമ്മ ഗേവ കാര്യഗാള് പാവ എന്റ് തെരിന്ത് അദ്‌ന തള്ളി ഇന്നി ഗേഗാദെ ഇര്‌ക്കുഡൊ, പ്‌റ സാമിസാരി ബരുഡൊ. അന്നാപ്പ് സാമി നിമ്മ് പാവാക്ക് പൊറിമെ തരുവാന്. നിമ്മ അത്തെ ഗേന്തദാന,

2 കൊരിന്ത്യഗാറാര് 12:21

എമ്മ ഈ ഗഡി ബര്‌ഗാട്ടി നിമ്മ് മുന്നുക്കു ബെത്ത് സാമി എനാന മാനഗെ്ഡ്‌സുവാനൊ എന്റ്‌മ് നാന് അഞ്ച്‌ന്റെ. കെ്ട്ട പെ്ളേപ്പ്, ബേസ്യാഡി നഡാക്കുവാദ്, കാമാക്ക് കണ്ണില്ലാദെ കണ്ടപഡിക്ക് നഡാക്കുവാദ്‌ഗാള്‌ക്കെല്ല സിക്കി സാമിസാരി തിര്‌ഗാദെ ഇര്‌ക്ക്‌ന്റവാര്‌ന പറ്റി ദുക്കപഡുവ ഗെദി ബരുമൊ എന്റ്‌മ് നാന് അഞ്ച്‌ന്റെ.

2 കൊരിന്ത്യഗാറാര് 7:9

അയി കാര്യാത്ത്‌ല് നാന് ഇന്നാല് പിര്യപഡ്‌ന്റെ. നാന് നിമാന ദുക്കപഡ്‌സ്‌നാദ്‌നാലെ അല്ല, സാമി നെനേത്ത്‌റ്‌ക്കുവ പാസെ നിമ്മ പട്ട ദുക്ക നിമാന തപ്പ് ഗേവാദ്‌ന തെ്റിന്ത് തള്ളി സാമിസാരി തിരിഗ്യ ബെത്ത്‌ദ്. അദ്‌നാലെ നാന് പിര്യപഡ്‌ന്റെ. സാമി നിമാന പറ്റി ആസെപട്ട പാസെ നിമ്മ ആനാദ്‌നാലെ അദ്‌ല് ഒന്റു നജ്‌ട്ടാമില്ലെ.

എവുറായാര് 12:17

ഏസ്സാവു ഇത്തെ ഗേന്ത പ്‌റ അപ്പാനോഡിന്ത് കെ്ഡേക്കുവ ബാക്ക്‌വര കെ്ഡേസ്യ ബേ്ണ്ടി ആസെപട്ടാന്. ആന കെ്ഡേക്കാലെ. അയാള് കേ്സ്യോഡ അദ്‌ക്കായി ബേ്ണ്ട്‌നാന്. എന്റാല്‌മ് താന് അത്തെ ഗേന്താദ്‌ന നെനേത്ത് ദുക്കപഡ്യ ബട്ടെ കെ്ഡേക്കാലെ എന്റെല്ല നിമാക്ക് തെരിമല്ല.