2 കൊരിന്ത്യഗാറാര് 7:1 - സാമി സേദി

¹ എനാക്ക് മെച്ച്‌പ്‌ഡിത്ത എ്ണേവുഗാറാരെ, ഈ ഒറേപ്പ് നമാക്ക് ഇര്‌ക്കുവാദ്‌നാലെ നമ്മ് സരിഗലനാമ് മനേസ്സ്‌നാമ് കെ്ഡ്‌സുവ എല്ലാ പാവഗാള്‌നാമ് ബ്‌ട്ട്‌തള്ളി നമാന താനെ ബെ്ഡിപ്പ് മാഡുഡൊ. അത്തെ നിമ്മ സാമിക്ക് അഞ്ചി പാവകറെഗാള് ഒന്റുമില്ലാദെ സുത്താപ്പുള്ളവാരായി പെ്ളേന്.

2 കൊരിന്ത്യഗാറാര് 7:1 ပူးပေါင်းရင်းမြစ်များ

മത്തായി 12:33

<<നല്ല മര ആയിന്തദാന നല്ല കായി ബ്‌ഡ്‌മ്, സായി പ്‌ഡിത്ത മര ആയിന്തദാന കുറുഡു കായി ബ്‌ഡ്‌മ്. കായിന നോഡിത്തെ മര ഏദ് എന്റ് നെപ്പ്‌കെ്ഡേസുവാദ്.

മത്തായി 5:48

അദ്‌നാലെ മേലോഗാത്ത്‌ല നിമ്മ് അപ്പാന് എല്ലാ നല്ല ഗുണഗാള്‌മ് തുമ്പിര്‌ക്ക്‌ന്റവാനായി ഇര്‌ക്കുവ പാസെ നിമ്മാമ് എല്ലാ നല്ല ഗുണഗാള്‌മ് തുമ്പിര്‌ക്ക്‌ന്റവാരായി ഇര്‌ന്.>>

മത്തായി 5:8

തമാന ഒന്റേപെ്ട്ട് സാമിക്ക് ബേ്ണ്ടി ഒപ്പിസി കൊഡുത്തവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന അവാര് സാമിന കാണുവാര്.

അപ്പോസുത്തലാര് 9:31

അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്.

റോമഗാറാര് 5:20

മോസെ ബെത്ത സാമിസട്ട ബന്താദോഡത്തെ സാമി സട്ടപഡി നഡാക്കാദെ ഗേവ കാര്യഗാള്‌മ് പെര്‌ഗ്‌നാദ്. ആന പാവ ഗേവ കാര്യഗാള് പെരിഗി ഗുഡി സാമി മന്‌സാന്‌ക്ക് സേത്തി സേത്തി പ്‌ണ്ണ്യ ഗേന്താന്.

1 കൊരിന്ത്യഗാറാര് 6:20

അദ്‌നാലെ സാമിന പെരിമെപഡുസുവ ദിന്‌സ്‌ല് നിമ്മ് സരിഗലാത്ത്‌ല് നിമ്മ പെ്ളേന്.

2 കൊരിന്ത്യഗാറാര് 1:20

സാമി തന്റെന്റ് സൊല്ലിര്‌ക്കുവ എല്ലാ ബാക്ക്‌വരഗാള്‌മ് നമാക്ക് ക്‌റ്‌സ്‌ത്ത്‌നാലെത്തെ കെ്ഡേത്ത്‌റ്‌ക്ക്‌ന്റ്. സാമി അത്തെ ഗേന്ത് തന്താദ്‌നാലെത്തെ നമ്മ ക്‌റ്‌സ്‌ത്ത്‌നാലെ സാമി മദ്‌പ്പ്‌ക്ക് ആമേന് എന്റ് സൊല്ലുവാദ്.

എപസോസുഗാറാര് 2:3

അദുക്കുള നമ്മ് മനേസ്സ്‌ക്ക്‌മ് സരിഗലാക്ക്‌മ് പിര്യര്‌ക്കുവ കാര്യഗാള്‌ന ഗേന്ത് കൊണ്ടു നമ്മാമ് അഡ്‌ത്തവാര്‌ന പാസെ പാവ ഗേന്ത് കൊണ്ടു നഡാന്താമ്. അത്തെ ഗേന്ത് നഡാന്ത് നമ്മ സാമി മൊനേക്ക് ആളായിന്താമ്.

1 തെസെലോനിക്ക്യഗാറാര് 3:13

അത്തെ നമ്മ് ആണ്ടവാന് ഏസ്സ് സാമിക്ക് പട്ട എല്ലാ ആള്‌ഗാളോഡാമ് ബര്‌ഗാട്ടി നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് കണ്ണ്‌ക്ക് നിമ്മ കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് ആയിര്‌ക്ക്യ ആണ്ടവാന് നിമ്മ് നെഞ്ച്‌ന ദയിരപഡുസുഡൊ.

1 തെസെലോനിക്ക്യഗാറാര് 4:7

സാമി നമാന ബ്‌ളിത്ത്‌റ്‌ക്കുവാദ് കേ്ഡ്‌ഗെ്ട്ടവാരായി പെ്ളേക്ക്യല്ല, സുത്താപ്പുള്ളവാരായി പെ്ളേക്ക്യത്തെ.

1 തെസെലോനിക്ക്യഗാറാര് 5:23

നിമ്മ്‌ദി തരുവ സാമി നിമാന ഒന്റേപെ്ട്ട് സുത്താപ്പുള്ളവാര് മാഡുഡൊ. നമ്മ് ആണ്ടവാന് ഏസ്സ് ക്‌റ്‌സ്‌ത്ത് ബര്‌ഗാട്ടി അയാള് മുന്നുക്കു നിമ്മ് നിഗാല്‌നാമ്, ഉജുരുനാമ്, ഉരുവുനാമ് സെറ്റെ ഗുഡി കുറ്റകൊറേവു ഇല്ലത്തദായി സാമി നിമാന സൂസാരിത്ത് ബെക്കുഡൊ.

എവുറായാര് 12:23

നിമ്മ ബന്ത്‌റ്‌ക്കുവാദ് മേലോഗാത്ത്‌ല് പേര് എ്ള്‌ദി ബെത്ത്‌റ്‌ക്കുവ സാമിത്ത് തലെകോഡി മക്കാള് കൂഡുവ പട്ട്‌ക്ക്‌ത്തെ. എല്ലാ ആള്‌ഗാള്‌നാമ് തമ്മ ഗേന്താദ്‌ക്ക് തഗ്‌ന്ത ദിന്‌സ്‌ല് ബിദിക്കുവ സാമി പട്ട്‌ക്ക്‌മ്, സാമി ഒന്റേപെ്ട്ട് കൊറേവില്ലത്തവാര് മാഡി തീത്ത നേര്‌മെഗാറാര് നിഗാല്‌ഗാള് പട്ട്‌ക്ക്‌മ്‌ത്തെ നിമ്മ ബന്ത്‌റ്‌ക്കുവാദ്.

എവുറായാര് 12:28

അദ്‌നാലെ ഗ്‌ഡ്‌ഗ്‌ഡ ആഡ്‌സ്യ മുഡ്യാത്ത ഒന്റു രാജ്യ നമാക്ക് കെ്ഡേക്കുവാദ്‌നാലെ സാമിക്ക് നമ്മ നണ്ണ്യുള്ളവാര് ആയിര്‌ക്കുഡൊ. അദ്‌താനേമല്ല, സാമിക്ക് മെച്ച്‌പട്ട ദിന്‌സ്‌ല് സാമിന നമ്മ കുമ്മുഡുഡൊ. സാമിക്ക് അഞ്ചിമ് മദ്‌പ്പ് കൊഡുത്തുമു സാമിന കുമ്മുഡുഡൊ.

എവുറായാര് 4:1

സാമി എ്ളേക്ക്യ ബെക്കുവ പട്ട്‌ക്ക് നമാന എത്തുസുവാന് എന്നുവ ബാക്ക് ഇന്നാല്‌മ് നമാക്ക് ഇര്‌ക്ക്‌ന്റ്. അദ്‌നാലെ നിമ്മ് കൂട്ടാത്ത്‌ല് ആര്‌മ് അയി എ്ളേക്കുവ പട്ട്‌ക്ക് എജ്ജാത്തവാര് ആഗാദിര്‌ക്ക്യ ബേ്ണ്ടി നിമ്മ നോഡി കൊള്ളുനു.

എവുറായാര് 6:9

ആന എമാക്ക് മെച്ച്‌പ്‌ഡിത്തവാരെ, എമ്മ ഈ ദിന്‌സ്‌ല് നിമാക്ക് സൊന്നാല്‌മ് സാമി നിമാന കാപാറ്റ്‌നാദ്‌നാലെ കെ്ഡേത്ത്‌റ്‌ക്കുവ മ്‌ഗ്‌ന്ത കാര്യഗാള് നിമാക്ക് ഇര്‌ക്ക്‌ന്റ് എന്റ് എമാക്ക് ഒറേപ്പിര്‌ക്ക്‌ന്റ്.

ആക്കോവു 4:8

സാമിന ബ്‌ട്ട് പ്‌റ്‌ന്ത് പോഗാദിര്‌ക്കുഡൊ എന്റ്‌മ് ഉലഗാത്ത്‌ല പെ്ളേപ്പ്‌ന പാസെ പെ്ളേക്കുഡൊ എന്റ്‌മ് ആസെപട്ടദാന നിമ്മ പാവ ഗേന്റവാര്‌ത്തെ. അദ്‌നാലെ നിമ്മ് മനേസ്സ്‌ല കവാഡ്‌നെല്ല ഇല്ലാദെമാഡി സാമിക്ക് ബേ്ണ്ടി പെ്ളേത്തദാന സാമി നിമാക്ക് ബേ്ഡ്‌മാനാദെല്ല ഗേന്ത് തരുവാന്.

1 പത്ത്‌റോസു 1:17

കച്ചി പ്‌ഡിക്കാദെ അവനവാന് ഗേവ ഗിലാസാക്ക് തഗ്‌ന്ത പാസെ ഒന്റൊന്റാള്‌നാമ് ബിദിക്ക്‌ന്റവാന്‌നാത്തെ അപ്പാന് എന്റ് നിമ്മ സൊല്ലുവദാന പരദേസിഗാളായി പെ്ളേക്കുവ ഇന്ന്യുള്ള നിമ്മ് പെ്ളേപ്പ് ബക്‌ത്യോഡ പെ്ളേന്.

1 പത്ത്‌റോസു 1:22

നിമ്മ സത്ത്യാക്ക് കെ്ട്ട്‌പട്ട് നഡാക്കുവാദ്‌നാലെ ഇന്നാല് നിമ്മ നിമാന താനെ സുത്താപ്പുള്ളവാര് മാഡ്‌ന്റ്റ്. അദ്‌നാലെ നിമ്മ ഏസ്സ്‌ന നമ്പിര്‌ന്റവാരോഡ മനേസ്സാറ സീവാന്‌ബെത്ത് കൊണ്ടുമു ആങ്കീങ്ക് ഉജുരുക്കുജുര സീവാന്‌ബെത്ത് കൊണ്ടുമു നഡാന്.

1 പത്ത്‌റോസു 2:11

എനാക്ക് മെച്ച്‌പ്‌ഡിത്തവാരെ, നിമ്മ അന്ന്യ നാഡ്‌ഗാറാര്‌മ് നോഡ്യ ബന്തവാര്‌നാമ് പാസെത്തെ. അദ്‌നാലെ നിമ്മോഡിര്‌ക്കുവ നിഗാല് കുട്ടിക്ക് പോട്ടി നിന്റ് ജുദ്ദ ഗേവ സരിഗല ആസെപഡുവ പാവ ഗേവ കാര്യഗാള്‌ലിന്ത് നിമ്മ ഒയിന്ത് നില്ല്‌ന് എന്റ് നാന് നിമാക്ക് ബുദ്ദി സൊന്റെ.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.

1 ഓഗന്നാന് 1:7

ആന സാമി ബെ്ള്‌സാത്ത്‌ലിര്‌ക്കുവ പാസെ നമ്മാമ് ബെ്ള്‌സാത്ത്‌ല് പെ്ളേക്ക്യ ആസെപട്ടദാന നമാക്ക് ആങ്കീങ്ക് നല്ല എ്ണേവിര്‌ക്ക്‌മ്. അത്തെ എ്ണേവിര്‌ക്കാട്ടി ഗേവ എല്ലാ പാവാനാമ് സാമിമഗാന് ഏസ്സ് സോരെ തീത്ത് നമാന ബെ്ഡിപ്പ് മാഡ്‌മ്.

1 ഓഗന്നാന് 1:9

നമ്മ ഗേന്ത പാവാന നേരെ സാമിക്ക് സൊന്നദാന സാമി നമ്മ് പാവാന മനേസ്സാറാമ് നായപലഗരാമ് പൊറുത്തു തന്ത് നമ്മ ഗേന്ത എല്ലാ പാവനാമ് ഇല്ലാദെ മാഡുവാന്.

1 ഓഗന്നാന് 3:3

അയാള് തനി ഉരുവാന കാണ്‌ല എന്റ്‌മ് അയാള്‌ന പാസെ ആവാമെന്റ്‌മ് നെഞ്ചഡെ ബെത്ത്‌റ്‌ന്റവാനെല്ല ക്‌റ്‌സ്‌ത്ത് കുറ്റകൊറേവു ഇല്ലത്തവാന് ആയിര്‌ക്കുവ പാസെ തനാന താനെ കുറ്റകൊറേവു ഇല്ലത്തവാന് മാഡികൊണ്ട്‌റ്‌ന്റാന്.