2 കൊരിന്ത്യഗാറാര് 6:6 - സാമി സേദി6 എമ്മ കവാഡില്ലാത്തവാര് ആയിമ്, അറുവുള്ളവാര് ആയിമ്, പൊറിമുള്ളവാര് ആയിമ്, ഗവപഡ്‌ന്റവാര് ആയിമ്, സീവാന് ഉള്ളവാര്‌മ് ആയിമ്, സാമിനിഗാല് ഉള്ളവാര് ആയിമ് പെ്ളേത്ത് സാമിത്ത് നല്ല ഗിലാസഗാറാര് എന്റ് കാട്ടി കൊഡുക്കുന്റേമ്. എമ്മ എല്ലാ ആള്‌ഗാളോഡാമ് സാമി സീവാന്‌ല്‌ത്തെ നഡാന്ത്‌പ്‌ഡിത്ത് ഗേന്തേമ്. အခန်းကိုကြည့်ပါ။ |
2 കൊരിന്ത്യഗാറാര് 6:6
41 ပူးပေါင်းရင်းမြစ်များ
നാന് നിമാന ഒന്റു കാര്യ കേ്ള്‌ക്ക്‌ന്റെ, നിമാക്ക് സാമിനിഗാല് ബന്താദ് മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്താദ്‌നാലെഗ ഇല്ലെ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന കേ്ട്ട് അദ്‌ന നമ്പ്‌നാദ്‌നാലെത്തേഗ? കണ്ടിപ്പായിമ് ക്‌റ്‌സ്‌ത്ത്‌ന നമ്പ്‌നാദ്‌നാലെത്തെ സാമിനിഗാല് നിമാക്ക് ബന്താദ്.
നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.
ആന നാന് എന്ത്‌ന പഡ്‌സ്‌നേന് എന്റ്‌മ്, നാന് എത്തെ പെ്ളേത്തിന്തേന് എന്റ്‌മ്, നാന് എന്ത് ഗേയ ബേ്ണ്ടി ആസെപട്ടിന്തേന് എന്റ്‌മ്, നാന് എത്ത്‌റാക്ക് സാമിന നമ്പിന്തേന് എന്റ്‌മ്, നാന് എത്ത്‌റ പൊറിമെഗാറാന് ആയിന്തേന് എന്റ്‌മ്, അഡ്‌ത്തവാരോഡ എത്ത്‌റാക്ക് സീവാന്‌ബെ്ത്ത് നഡാന്തേന് എന്നുവാദ്‌നാമ്, നാന് എന്ത്‌നെല്ല താങ്കിന്തേന് എന്റ്‌മ്,
ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.
ကြော်ငြာတွေ