2 കൊരിന്ത്യഗാറാര് 6:4 - സാമി സേദി4 എമ്മ ഗേവ ഗിലാസാത്ത്‌ല്‌മ് എമ്മ സൊല്ലുവ നായാത്ത്‌ല്‌മ് എമ്മ സാമിത്ത് നല്ല ഗിലാസഗാറാര് എന്റ് കാട്ടി കൊഡുക്കുന്റേമ്. എമാക്ക് ബന്ത കൊഡിമെഗാള്‌നാമ് ബുദ്ദിമുട്ടുഗാള്‌നാമ് തഡേസഗാള്‌നാമ് പൊറിമോഡ താങ്ക്‌നേമ്. အခန်းကိုကြည့်ပါ။ |
2 കൊരിന്ത്യഗാറാര് 6:4
48 ပူးပေါင်းရင်းမြစ်များ
എന്ത്‌ക്കെന്റ് സൊന്ന എമ്മ പഡുവ ഈ കജട്ടഗാള് സ്‌ന്ന്‌സ്‌ന്നാദ്‌മ് സെറ്റെ നേര ഇര്‌ക്കുവാദ്‌മ്‌ത്തെ. ആന ഈ കജട്ടഗാളെല്ല ഒന്റേപെ്ട്ട് മ്‌ഗ്‌ന്താദ്‌മ് എന്നാല്‌ക്ക്മ്‌ ഇര്‌ക്കുവാദ്‌മാന മദ്‌പ്പ്‌ക്ക് എമാന പങ്ക്‌ഗാറാര് മാഡ്‌ന്റ്. അയി മദ്‌പ്പ്‌ന ഇന്നാല്‌ല കജട്ടഗാള്‌ക്ക് എ്ണേത്ത് ബെത്ത് നോഡ്യ പോന ഈ കജട്ടഗാള് ഒന്റുമല്ല.
നിമ്മ പട്ട ഈ ദുക്കന ബെത്ത് സാമി നിമാക്ക് എന്ത് ഗുണ ഗേന്ത്‌റ്‌ന്റാന് എന്റ് നോഡുനു. അയി ദുക്ക നിമാന സുറുസുറുപ്പുള്ളവാര് മാഡ്‌റ്റ്. നിമ്മ തപ്പ് ഗേഗാത്തവാരായി പെ്ളേക്ക്യ പഡിത്ത്‌റ്, തപ്പ് ഗേവാദ്‌ന ബെ്റ്‌ക്ക്യാമ് അദ് ഗേഗാദിര്‌ക്ക്യാമ് പഡിത്ത്‌റ്, സാമിന പിര്യപഡിസ്യാമ് അയാള്‌ക്ക് ബേ്ണ്ടി പെ്ളേക്ക്യാമ് പഡിത്ത്‌റ്, തപ്പ് ഗേന്റവാര്‌ന ദെ്ണ്ടിക്ക്യാമ് പഡിത്ത്‌റ്. ഇത്തെ നിമ്മ എല്ലാ കാര്യഗാള്‌മ് നലമായി ഗേയ പഡിത്ത്‌റ്.
ആന നീ സാമിക്ക് പട്ടവാന് ആയിര്‌ക്കുവാദ്‌നാലെ ഈ കാര്യഗാളെല്ല ഒന്റുമു ഗേഗാദിര്‌ക്കുഡൊ. അദ്‌ക്ക് ബദ്‌ല സാമി ഗേയ സൊന്ന പാസെ കാര്യഗാള് ഗേഡൊ, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്കുഡൊ, സാമിന മലെന പാസെ നമ്പി നഡാക്കുഡൊ, അഡ്‌ത്തവാരോഡ സീവാന്‌ബെത്ത് നഡാക്കുഡൊ, എല്ലാ കജട്ടഗാള്‌നാമ് പൊറിമോഡ താങ്കുഡൊ, അഡ്‌ത്തവാരോഡ നിദാനത്തോഡ നഡാന്ത്‌പ്‌ഡിത്ത് ഗേഡൊ. ഇദെല്ല നീ മ്‌ഗ്‌ന്ത സുറുസറുപ്പോഡ ഗേഡൊ.
തമാക്ക് ഇര്‌ക്കുവ നമ്പിക്കെനാലെ തമ്മ എത്തെ പെ്ളേത്താര് എന്റ് നമാക്ക് സൊല്ലി തന്ത ഈ ദൊഡ്ഡ ഒന്റു കൂട്ട ആള്‌ഗാള് നമാക്ക് സുറ്റുമു ഇര്‌ക്ക്‌ന്റാര്. അദ്‌നാലെ നമ്മ് ബട്ടേല് തഡേസ ആയി നിന്റ്‌റ്‌ക്കുവ എല്ലാദ്‌നാമ് നമാന സട്ടന പിന്ന്‌കാല് മെ്ട്ട്യ ബെക്കുവ പാവഗാള്‌നാമ് ബ്‌ട്ട്‌തള്ളി നമാക്ക് ഓഡ്യ ബെത്ത്‌റ്‌ക്കുവ ഓട്ടന ഒറേത്ത മുഡിവോഡ ഓഡി മുഡിക്ക്‌ഗാന്.
നാന് ഏസ്സ്‌ഗാറാന് ആയിര്‌ക്കുവ നിമ്മ് ഓഗന്നാന്‌ത്തെ. ഏസ്സ് പിന്ന്‌മേലെ പോന്റവാനായി നാന് നിമ്മൊപ്പ കജട്ട പട്ട്‌മ് നിമ്മൊപ്പ സാമി ആളുവ കാലാക്ക് പട്ടവാനായിമ് നിമ്മൊപ്പ പൊറിമോഡ താങ്കിമ് ഇര്‌ക്ക്‌ന്റേന്. സാമി സൊല്ലുസുലാക്കാന സൊന്നാദ്‌നാലേമ് ഏസ്സ്‌ന പറ്റി സൊന്നാദ്‌നാലേമ് സുറ്റുമു നീര് ഇര്‌ക്കുവ പത്ത്‌മോസു എന്നുവ എ്ഡേല് നാന് ഇന്തിന്തേന്.
ကြော်ငြာတွေ