2 കൊരിന്ത്യഗാറാര് 6:17 - സാമി സേദി

¹⁷ <<അദ്‌നാലെ നിമ്മ അവാര്‌ന ബ്‌ട്ട് പ്‌റ്‌ന്ത് ദൂര ഇര്‌ക്കുഡൊ എന്റ് ആണ്ടവാന് സൊന്റാന്. അയിത്ത്യ ആയിര്‌ക്കുവാദ് ഒന്റുനാമ് അണ്ണദേന്, അത്തെ ഇന്തദാന നാന് നിമാന സേത്തി ബെക്കുവെ>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്.

2 കൊരിന്ത്യഗാറാര് 6:17 ပူးပေါင်းရင်းမြစ်များ

അപ്പോസുത്തലാര് 2:40

പത്ത്‌റോസു അവാര്‌ക്ക് എഞ്ചോ നായഗാള്‌ന സൊല്ലി നലമായി പഡ്‌സ്‌നാന്: <<കേ്ഡ്‌ഗെ്ട്ട് നഡാക്കുവ ഈ കാലാത്ത്‌ല ആള്‌ഗാള്‌ക്ക് ബരുവ ദെ്ണ്ടണേലിന്ത് നിമ്മ നിമാന താനെ കാപാറ്റുഡൊ>> എന്റ് പത്ത്‌റോസു അവാര്‌ക്ക് സൊന്നാന്.

റോമഗാറാര് 15:7

അദ്‌നാലെ സാമിക്ക് മദ്‌പ്പ് കെ്ഡേക്ക്യ ബേ്ണ്ടി ക്‌റ്‌സ്‌ത്ത് നിമാന സേത്തി ബെത്ത പാസെ നിമ്മാമ് ആങ്കീങ്ക് സേത്തി ബെക്കുഡൊ.

2 കൊരിന്ത്യഗാറാര് 7:1

എനാക്ക് മെച്ച്‌പ്‌ഡിത്ത എ്ണേവുഗാറാരെ, ഈ ഒറേപ്പ് നമാക്ക് ഇര്‌ക്കുവാദ്‌നാലെ നമ്മ് സരിഗലനാമ് മനേസ്സ്‌നാമ് കെ്ഡ്‌സുവ എല്ലാ പാവഗാള്‌നാമ് ബ്‌ട്ട്‌തള്ളി നമാന താനെ ബെ്ഡിപ്പ് മാഡുഡൊ. അത്തെ നിമ്മ സാമിക്ക് അഞ്ചി പാവകറെഗാള് ഒന്റുമില്ലാദെ സുത്താപ്പുള്ളവാരായി പെ്ളേന്.

ബെ്ളിപട്ട കാര്യ 18:4

അദ്‌ക്ക് പ്‌റ മേലോഗാത്ത്‌ലിന്ത് ഇത്തെ ബേ്റൊന്റു ജദ്ദന ഗുഡി നാന് കേ്ട്ടേന്: <<എന്ന് ആള്‌ഗാളെ, അയി പട്ടണന ബ്‌ട്ട് ബെ്ളിഗെ ബാന്, അത്തെ അവാള് ഗേവ പാവഗാള്‌ക്ക് നിമ്മ പങ്ക്‌ഗാറാര് ആഗമാട്ട്‌റ്, അവാള്‌ക്ക് ബന്ത്‌റ്‌ക്കുവ ദൊഡ്ഡ ദെ്ണ്ടണെഗാള് നിമാക്ക് ബരാമ്‌മാട്ട.