2 കൊരിന്ത്യഗാറാര് 6:11 - സാമി സേദി

¹¹ കൊരിന്ത്യ പട്ടണാത്ത്‌ല് ഇര്‌ക്കുവ എന്ന് എ്ണേവുഗാറാരെ, എമ്മ നിമാന നല്ല സീവാന്‌പഡുവാദ്‌നാലെ എമ്മ ഒന്റുനാമ് ഒളുസാദെ നിമാക്ക് സൊല്ലി തന്ത്‌റ്‌ക്ക്‌ന്റേമ്.

2 കൊരിന്ത്യഗാറാര് 6:11 ပူးပေါင်းရင်းမြစ်များ

അപ്പോസുത്തലാര് 18:1

അദ്‌ക്ക് പ്‌റ പവുലോസു ആദാന്‌സ്‌ലിന്ത് കൊരിന്ത്യ പട്ടണാക്ക് പോനാന്.

അപ്പോസുത്തലാര് 18:8

എഗുദാര് പരേസുവ ബീ്ഡ് അദിഗാരി ക്‌റ്‌സ്‌പോസുമു അയാള് ബീ്ഡ്‌ലവാര്‌മ് ഒട്ടുക്കു ആണ്ടവാന്‌ന നമ്പ്‌നാര്. കൊരിന്ത്യാല് ഇര്‌ക്കുവ എഞ്ചോ ആള്‌ഗാള്‌മ് പവുലോസു സൊന്ന നായന കേ്ട്ട് നമ്പി നീര്‌ക്ക് മുളുഗുനാര്.

2 കൊരിന്ത്യഗാറാര് 12:15

നിമാന കയിതാങ്ക്യ ബേ്ണ്ടി നാന് എനാക്ക് ഇര്‌ക്കുവാദ്‌ന ഒട്ടുക്കുമു നാന് പിര്യപിര്യാത്ത് സിലാവു മാഡുവെ. അദ്‌താനേമല്ല നിമാന കയിതാങ്ക്യ ബേ്ണ്ടി നാന് എനാന താനേമ് പിര്യപിര്യാത്ത് ഒപ്പിസി തരുവെ. നാന് നിമാന അദിഗ സീവാന്‌പഡുവാദ്‌നാലെ നിമ്മ സെറ്റെന്റാല് എനാന സീവാന്‌പഡുവുറ?

2 കൊരിന്ത്യഗാറാര് 2:4

നിമാന നെനേത്ത് എനാക്ക് സെര്യാന സങ്കഡാമ് മനേസ്സ്‌ല് നല്ല ബാരാമ് ബന്താദ്‌നാലെ കേ്സ്യോഡ നാന് നിമാക്ക് എ്ള്‌ദ്‌നാദ് നിമാന ദുക്കപഡിസ്യല്ല, നാന് നിമാന എത്ത്‌റ സീവാന്‌ബെത്ത് നഡാക്ക്‌ന്റെ എന്റ് നിമ്മ തെര്യ ബേ്ണ്ടിത്തെ.

ഗലാത്ത്യഗാറാര് 3:1

ബുദ്ദില്ലാത്ത ഗലാത്ത്യാരെ, ഏസ്സ് ക്‌റ്‌സ്‌ത്ത് കുരുസുലു സത്താദ്‌ന പറ്റി നിമാക്ക് സൊക്കാന സൊല്ലി തന്തിന്ത് ഗുഡി ആര് നിമാന മന്ത്‌റ ഗേന്ത് മയാക്ക്‌നാദ്?

ഗലാത്ത്യഗാറാര് 4:12

ഏസ്സ്‌ഗാറാരാന എന്ന് എ്ണേവുഗാറാരെ, എഗുദ ജാദിക്ക് പട്ട നാന് എഗുദാര് സട്ട്‌മെ്ട്ട്‌ഗാള്‌ന തള്ളി നാന് നിമാന പാസെ ആനേന്. അദേപാസെത്തെ നിമ്മാമ് എനാന പാസെ ആന് എന്റ് നാന് ബേ്ണ്ടികൊള്ളുന്റെ. നിമ്മ എനാക്കൊന്റു കുറ്റാമ് ഗേഗാലെ.

എപസോസുഗാറാര് 6:19

അദ്‌താനേമല്ല, സാമ്യോഡ പിര്യപിര്യാത്തിര്‌ക്ക്യ ബെക്കുവ ഈ നല്ല സേദില് ഇന്നമാട്ട്‌ക്ക് ആര്‌ക്ക്‌മ് സൊക്കാന തെര്യാദിര്‌ക്കുവ കാര്യഗാള്‌ന തെരിന്ത് അദ്‌ന ദയിരത്തോഡ അഡ്‌ത്തവാര്‌ക്ക് സൊല്ല്യ എനാക്ക് ബേ്ണ്ടിമ് പരേസ്‌ന്.

എപസോസുഗാറാര് 6:8

ഗിലാസഗാറാന് ആനാല്‌മ് സെരി പണ്ണാഡി ആനാല്‌മ് സെരി ഒന്റൊന്റാള്‌മ് അവനവാന് ഗേവ ഗിലാസാന എത്ത്‌റാക്ക് സൊക്കാന ഗേന്റാരൊ അദ്‌ക്ക് തഗ്‌ന്ത കൂലിത്തെ ക്‌റ്‌സ്‌ത്തോഡിന്ത് കെ്ഡേസ്യ പോന്റാര്.

പിലിപ്പ്യഗാറാര് 1:8

ക്‌റ്‌സ്‌ത്ത് ഏസ്സ് നിമ്മോഡ ഉജുരുക്കുജുര സീവാന്‌ബെത്ത്‌റ്‌ക്കുവ പാസെ നാന്‌മ് നിമ്മോഡ സീവാന്‌ബെത്ത്‌റ്‌ക്കുവാദ്‌നാലെ നിമാന ബന്ത് കാണുഡൊ എന്റ് എനാക്ക് അറാക്കെ്ഡ്‌ക്ക്‌ന്റ്. അയി കാര്യ സാമിക്ക് തെരിന്റ്.

പിലിപ്പ്യഗാറാര് 4:15

ഏസ്സ്‌ന നമ്പിര്‌ക്കുവ പിലിപ്യാരെ, നാന് മുദാല് ഏസ്സ്‌ന പറ്റി സൊല്ലുവ നല്ല സേദിന നിമാക്ക് സൊല്ലി തന്ത പ്‌റ മക്കെദോന്യ നാഡ്‌ലിന്ത് പോഗാട്ടി നിമ്മല്ലാദെ ബേ്റൊന്റു ഏസ്സ്‌ഗാറാര് കൂട്ടാമ് എന്ന് സിലാവുക്കു തന്ത് എനാന കയിതാങ്കാലെന്റ് നിമാക്ക് താനെ തെരിമല്ല.

ബെ്ളിപട്ട കാര്യ 22:12

<<ഇദാ നോഡുനു, നാന് സട്ടന ബന്റെ, ഒന്റൊന്റാള്‌ക്ക്‌മ് അവനവാന് ഗേന്താദ്‌ക്ക് തഗ്‌ന്ത പാസെ കൊഡുക്കുവ കൂലി എന്നോഡ ഇര്‌ക്ക്‌ന്റ്.