2 കൊരിന്ത്യഗാറാര് 6:1 - സാമി സേദി

¹ സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

2 കൊരിന്ത്യഗാറാര് 6:1 ပူးပေါင်းရင်းမြစ်များ

മത്തായി 23:37

<<എര്‌സലേമെ, എര്‌സലേമെ, നീ സാമിദാസ്‌ഗാള്‌ന കൊന്റവാള്‌മ് നിന്ന് പട്ട്‌ക്ക് സൊല്ലി ബ്‌ട്ട സേദിഗാറാര്‌ക്ക് കല്ലെ്റിന്തവാള്‌മ്‌ത്തെ. കോയി തന്ന് കുഞ്ചിഗാള്‌ന ഇ്റാക്കെ കുളാക്ക് സേത്തി ബെക്കുവ പാസെ നിന്ന് ജനഗാള്‌ന സേത്തി ബെക്ക്യ എനാക്ക് എത്ത്‌റാഗോ മനേസ്സിന്ത്‌ദ്. ആന നിനാക്ക് മനേസ്സിര്‌ക്കാലെ.

അപ്പോസുത്തലാര് 11:23

അയാള് ആങ്ക് എജ്ജി സാമി അവാര്‌ക്ക് കൊഡുത്ത്‌റ്‌ക്കുവ ബരഗാള്‌ന കണ്ട് പിര്യപട്ടാന്. നിമാക്ക് ഏസ്സോഡ ഇര്‌ക്കുവ നമ്പിക്കെ എന്നാല്‌ക്ക്‌മ് കമ്മി ആഗാദെ ഇര്‌ക്കുഡൊ എന്റ്‌മ്, മനേസ്സാറ ആണ്ടവാന്‌ക്ക് ബേ്ണ്ടി പെ്ളേക്കുഡൊ എന്റ്‌മ് അയാള് അവാര്‌ക്ക് സൊന്നാന്.

അപ്പോസുത്തലാര് 14:3

എന്റിന്ത് ഗുഡി പവുലോസുമു ബറ്‌ണവാസ്‌മ് ആണ്ടവാന്‌ന പറ്റി ദയിരത്തോഡ നായ സൊല്ലികൊണ്ടു എഞ്ചോ കാല അദ്‌ല് താനെ ഇന്താര്. ആണ്ടവാന് അവാര്‌ക്ക് അദിസ്യഗാള്‌മ് അഡ്യാളഗാള്‌മ് ഗേവാദ്‌ക്കുള്ള സക്‌തി കൊഡുത്താന്. അത്തെ സാമി തനാക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ തന്ന് സേദിന സത്ത്യ എന്റ് കാട്ട്‌നാന്.

റോമഗാറാര് 12:1

അദ്‌നാലെ ഏസ്സ്‌ഗാറാരെ, സാമിക്ക് നമ്മോഡിര്‌ക്കുവ ഗവാന ബെത്ത് നോഡി നാന് നിമാക്ക് ബുദ്ദി സൊല്ലി പഡുസുവാദ് എന്തെന്റ് സൊന്ന: സാമിക്ക് മെച്ച്‌പ്ഡിത്ത്‌റ്‌ക്കുവാദ്‌മ് സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ക്കുവാദ്‌മാന ഉജുരുള്ള പലി മാഡി നിമാന സാമിക്ക് ഒപ്പിസി കൊഡുനു. ഇദ്‌ത്തെ നേര്‌മാന സാമി കുമ്മുഡ.

1 കൊരിന്ത്യഗാറാര് 3:9

നിമ്മാത്തെ സാമി കാഡ്, എമ്മ അദ്‌ല് സാമിക്ക് ബേ്ണ്ടി ഗിലാസ ഗേവ ബെ്റ് ഗിലാസഗാറാര്‌ത്തെ. നിമ്മാത്തെ സാമിബീ്ഡ്.

2 കൊരിന്ത്യഗാറാര് 10:1

നിമ്മ് പട്ട്‌ല് ഇര്‌ക്കാട്ടി തണിമെ ഉള്ളവാന്‌മ് ദൂര ഇര്‌ക്കാട്ടി നിമ്മോഡ ദയിര കാട്ട്‌ന്റവാന്‌മ് എന്റ് ലേസ ആള്‌ഗാള് എനാന പറ്റി സൊന്റാര്. അത്തവാള് ആയിര്‌ക്കുവ പവുലോസു എന്നുവ നാന് ക്‌റ്‌സ്‌ത്ത്‌ക്ക് ഇര്‌ക്കുവ തണിമോഡാമ് നിദാനത്തോഡാമ് നിമാക്ക് സൊല്ലുവാദ് എന്തെന്റ് സൊന്ന,

ഗലാത്ത്യഗാറാര് 2:21

നമാന നേര്‌മെഗാറാര് മാഡ്യ ബേ്ണ്ടി സാമി പട്ട ഗവാന നാന് ബേ്ഡ എന്റ് തള്ളാഗേ മാട്ടെ. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ഒരുത്താന്‌ന നേര്‌മെഗാറാനായി തങ്കാരിക്കുവദാന ക്‌റ്‌സ്‌ത്ത് സത്താദ് ബെ്റ്‌ദ്യാന്റല്ല.>>

ഗലാത്ത്യഗാറാര് 3:4

നിമ്മ ക്‌റ്‌സ്‌ത്ത്‌ന നമ്പ്‌നാദ്‌നാലെ ഇഞ്ച്‌ക്കെല്ല കജട്ട പട്ടാദ് ബെ്റ്‌ദേത്തെന്റ് നിമ്മ നെനേക്ക്‌ന്റ്‌റ? അദ് കണ്ടിപ്പായിമ് ബെ്റ്‌ദ്യായി പോഗമാട്ട.

1 തെസെലോനിക്ക്യഗാറാര് 3:5

അദ്‌നാലെ നിമാന പറ്റ്യുള്ള സേദി തെര്യാദെ എനാക്ക് മുട്ടുമുട്ടാഗാട്ടി സാമിന നമ്പി പെ്ളേക്കുവ നിമ്മ് പെ്ളേപ്പ്‌ന പറ്റി തെര്യ ബേ്ണ്ടി നാന് ആള് ബ്‌ട്ടെ. എന്ത്‌ക്കെന്റ് സൊന്ന, സോദണെ ഗേന്റവാന് ഈ കൊഡിമേന ബെത്ത് നിമാന സോദണെ ഗേന്താനൊ, ഇല്ലെ എമ്മ പട്ടപാഡ് ബെ്റ്‌ദാറ്റൊ എന്റ് നാന് അഞ്ചിക്കെപട്ടെ.

തീത്തോസു 2:11

എല്ലാ ആള്‌ഗാള്‌നാമ് കാപാറ്റ്യ ഒന്റു ബട്ടെ മാഡി തന്ത് താന് ഗവപട്ടാദ്‌ന സാമി നമാക്ക് കാട്ടി തന്ത്‌റ്‌ന്റാന്.

എവുറായാര് 12:15

സാമി ഗേന്ത്‌റ്‌ക്കുവ പ്‌ണ്ണ്യ കെ്ഡേക്കാത്തവാര് ആഗാദെ ഇര്‌ക്ക്യ നിമ്മ എല്ലാവാര്‌മ് നോഡുഡൊ. ആര്‌മ് കീ്ട്ട്‌ഗ ബെത്ത് അദ്‌ന ദൊഡ്ഡാദ് മാഡാദെ ഇര്‌ക്ക്യ നോഡുഡൊ. അത്തവാള്‌ക്ക് എഞ്ചോ ആള്‌ഗാള്‌ന കെ്ഡിസ്യ മുഡിമ്.

എവുറായാര് 12:25

അദ്‌നാലെ സാമി നായ സൊല്ലുഗാട്ടി അയാള് സൊല്ലുവാദ്‌ന തള്ളാദെ ഇര്‌ക്ക്യ നോഡുനു. ബൂമില് ബെത്ത് നായ നൊഡിന്തവാന് സൊന്നാദ്‌ന തള്ള്‌നവാര് തപ്പിസി കഡാക്കാലെ. അത്ത്യാന മേലോഗാത്ത്‌ലിന്ത് നായ നൊഡിന്റവാന് സൊല്ലുവാദ്‌ന തള്ള്‌ന തപ്പിസി കഡാക്ക്യ മുഡ്യാഗേ മാട്ട.

എവുറായാര് 4:1

സാമി എ്ളേക്ക്യ ബെക്കുവ പട്ട്‌ക്ക് നമാന എത്തുസുവാന് എന്നുവ ബാക്ക് ഇന്നാല്‌മ് നമാക്ക് ഇര്‌ക്ക്‌ന്റ്. അദ്‌നാലെ നിമ്മ് കൂട്ടാത്ത്‌ല് ആര്‌മ് അയി എ്ളേക്കുവ പട്ട്‌ക്ക് എജ്ജാത്തവാര് ആഗാദിര്‌ക്ക്യ ബേ്ണ്ടി നിമ്മ നോഡി കൊള്ളുനു.

1 പത്ത്‌റോസു 4:10

സാമിക്ക് പല ദിന്‌സ് ബരഗാള് ഇര്‌ക്ക്‌ന്റ്, അദ്‌ന നലമായി നോഡി നഡാത്ത്‌ന്റവാര് ആയിര്‌ക്കുവ നിമാക്ക് ഒന്റൊന്റാള്‌ക്ക്‌മ് കെ്ഡേത്ത അയി ബരഗാള്‌ന ബെത്ത് കൊണ്ടു അഡ്‌ത്തവാര്‌ക്ക് നല്ലാദ് ഗേന്.