2 കൊരിന്ത്യഗാറാര് 5:7 - സാമി സേദി

⁷ ആണ്ടവാന് എമാക്ക് പുദ്യ ഒന്റു സരിഗല തരുവാന് എന്നുവ നമ്പിക്കോഡാത്തെ എമ്മ പെ്ളേക്കുവാദ്. അല്ലാദെ കണ്ണ്‌ല് കാണുവ കാര്യഗാള്‌ന നോഡി കൊണ്ടല്ല.

2 കൊരിന്ത്യഗാറാര് 5:7 ပူးပေါင်းရင်းမြစ်များ

1 കൊരിന്ത്യഗാറാര് 13:12

ഇന്നാല് നമ്മ കന്നാഡില് കാണുവ പാസെ മാഗെമാഗ്യ കാണ്‌ന്റാമ്, അയി നാള്‌ക്ക് നേരെ നേരെ കാണ്യാമ്. എനാക്ക് ഇന്നാല് ലേസ അളാവുലുത്തെ തെരിന്റ്, ആന തെഗേന്ത അളാവുലു സാമിക്ക് എനാന തെരിവ പാസെ അയി നാള്‌ല് എനാക്ക്‌മ് എല്ലാമ് സൊക്കാന തെരിമ്.

2 കൊരിന്ത്യഗാറാര് 1:24

നിമ്മ് നമ്പിക്കെ എത്തവ ദിന്‌സ്‌ല് ആയിര്‌ക്കുഡൊ എന്റ് അദിഗര കാട്ട്‌ന്റവാരല്ല എമ്മ. നിമ്മ പിര്യപിര്യാത്ത് ഇര്‌ക്ക്യ ബേ്ണ്ടി നിമ്മോഡൊപ്പ ഗിലാസ ഗേന്റവാര്‌ത്തെ എമ്മ. നിമ്മ് നമ്പിക്കേല് നിമ്മ ഒറേത്ത് ഇര്‌ക്ക്‌ന്റ്‌റ് എന്റ് എമാക്ക് തെരിമ്.

2 കൊരിന്ത്യഗാറാര് 4:18

അദ്‌നാലെ എമ്മ ഇന്നാല് കാണുവാദ്‌നല്ല, കാണ്യ മുഡ്യാത്താദ്‌ക്ക്‌ത്തെ കാത്ത്‌കൊണ്ടു ഇര്‌ക്കുവാദ്. എന്ത്‌ക്കെന്റ് സൊന്ന ഈ കാണുവാദെല്ല സെറ്റെ നേരാക്ക് ഇര്‌ക്കുവാദ്‌ത്തെ. കാണ്യ മുഡ്യാത്താദ് അള്യാദെ എന്നാല്‌ക്ക്‌മ് ഇര്‌ക്ക്‌മ്.

ഗലാത്ത്യഗാറാര് 2:20

ഇന്നി നാനല്ല ക്‌റ്‌സ്‌ത്ത്‌ത്തെ എന്ന് പെ്ളേപ്പ്‌ന നഡാത്തുവാദ്. ഇന്നി ഉജുരോഡിര്‌ക്കുവ കാല മാട്ട്‌ക്ക്‌മ് എന്നോഡ സീവാന്‌ബെത്ത് എനാക്ക് ബേ്ണ്ടി ഉജുരുന തന്ത സാമി മഗാന് ക്‌റ്‌സ്‌ത്ത്‌ന നമ്പികൊണ്ടുത്തെ നാന് പെ്ളേക്കുവെ.

എവുറായാര് 10:38

ആന എന്ന് കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്. ആരാറ്റ പിന്ന്‌കാല് മെ്ട്ടി പോന അയാള്‌ന നാന് പിര്യപഡമാട്ടെ.>>

1 പത്ത്‌റോസു 1:8

ഏസ്സ് ക്‌റ്‌സ്‌ത്ത്‌ന നിമ്മ ഇന്നമാട്ട്‌ക്ക് കാണാദിന്താല്‌മ് നിമ്മ അയാളോഡ സീവാന്‌ബെത്ത്‌റ്‌ന്റ്‌റ്. ഇന്നാല് നിമ്മ കാണാദിന്താല്‌മ് അയാള്‌ന നമ്പികൊണ്ടു സൊല്ലി തീര്‌ക്ക്യ മുഡ്യാത്താദ്‌മ് എത്ത്‌റാഗോ ദൊഡ്ഡാദ്‌ക്ക്‌മ് ഇര്‌ക്കുവ പിര്യാത്ത്‌ല് നിമ്മ പിര്യപഡ്‌ന്.

1 പത്ത്‌റോസു 5:9

ഉലഗാത്ത്‌ല് എല്ലാ സാരിമ് ഇര്‌ക്കുവ ഏസ്സ്‌ഗാറാര് ഇദേ കൊഡിമെത്തെ പട്ട്‌കൊണ്ടു ഇര്‌ക്ക്‌ന്റാര്. അദ്‌നാലെ നിമ്മ നമ്പിര്‌ക്കുവ നമ്പിക്കേല് ഒറേപ്പുള്ളവാരായി ഇന്ത് നിമ്മ് പോട്ടിഗാറാന് സെയിത്താന്‌ക്ക് അഡിമെപഡാദെ ഇര്‌ക്കുഡൊ.