2 കൊരിന്ത്യഗാറാര് 5:4 - സാമി സേദി

⁴ ഈ ഉലഗാത്ത്‌ല് ഇര്‌ക്കാട്ടി എമ്മ അര്‌ക്കപട്ട് മുക്കിമൊരേന്ത് കൊണ്ടു ഇര്‌ക്ക്‌ന്റേമ്. ആന ഇന്നാല് എമ്മ ഇര്‌ക്കുവ ഈ സരിഗലന ഇല്ലാദെ മാഡ്യല്ല, അദ്‌ക്ക് ബദ്‌ല സാമി തരുവ സരിഗലന ഒന്റു ഉഡുപ്പു ഇക്കുവ പാസെ ഇക്ക്യാത്തെ എമ്മ ആസെപഡുവാദ്. അത്തെ അളിന്ത് പോഗാത്ത ഉജുരുന ഉദ്ദാക്ക് ഇക്ക്യാത്തെ എമ്മ ആസെപഡുവാദ്.

2 കൊരിന്ത്യഗാറാര് 5:4 ပူးပေါင်းရင်းမြစ်များ

റോമഗാറാര് 8:23

സാമിനിഗാല് എന്നുവ ദാനന മുദാല് കെ്ഡേസിര്‌ക്കുവ നമ്മാമ് അളിവിര്‌ക്കുവ ഈ സരിഗലാത്ത്‌ലിന്ത് തപ്പിസി കഡാന്ത് സാമി മഗാനാര്‌മ് മഗളാര്‌മ് ആയ ബേ്ണ്ടി കാത്ത്‌കൊണ്ടു മനേസ്സ്‌കുള്ളുക്കു മുട്ടുമുട്ടുത്തു കൊണ്ടു ഇര്‌ക്ക്‌ന്റാമ്.

1 കൊരിന്ത്യഗാറാര് 15:51

നാന് നിമാക്ക് മറേന്ത്‌റ്‌ക്കുവ ഒന്റു സത്ത്യന സൊന്റെ, നമ്മ എല്ലാവാര്‌മ് സാഗമാട്ടാമ്. ആന നമ്മ ദ്‌ഡീരന ഉരുവ മാറ്‌ല.

2 കൊരിന്ത്യഗാറാര് 5:2

ഇന്നാല് ഇര്‌ക്കുവ ഈ സരിഗലാത്ത്‌ല് എമ്മ മുക്കിമൊരേന്ത് കൊണ്ടുത്തെ ഇര്‌ക്കുവദാനാല്‌മ് മേലോഗാത്ത്‌ല സരിഗല കെ്ഡേസ്യ ബേ്ണ്ടി എമ്മ മ്‌ഗ്‌ന്ത ആസെപഡ്‌ന്റേമ്.

2 കൊരിന്ത്യഗാറാര് 5:3

അയി സരിഗല എമാക്ക് കെ്ഡേക്കാട്ടി എമ്മ ബെ്റ് നിഗാലായി താനെ അല്ല, മേലോഗാത്ത്‌ല സരിഗല ഉള്ളവാരായി താനെ ഇര്‌ക്കുവേമ്.

2 പത്ത്‌റോസു 1:13

നാന് ഈ സരിഗലാത്ത്‌ല് പെ്ളേത്ത്‌റ്‌ക്കുവ മാട്ട്‌ക്ക് ഈ കാര്യഗാള്‌ന നിമ്മ നെനേക്ക്യ നിമാക്ക് സൊല്ലി നിമാന ബുദ്ദ്യുള്ളവാര് മാഡുവാദ് സെരിത്തെന്റ് നാന് നെനേക്ക്‌ന്റെ.