2 കൊരിന്ത്യഗാറാര് 5:20 - സാമി സേദി

²⁰ അത്തെ ക്‌റ്‌സ്‌ത്ത്‌ക്ക് ബേ്ണ്ടി നായ സൊല്ല്യ ക്‌റ്‌സ്‌ത്ത് തനാക്ക് ബദ്‌ലായി എമാന എ്ഡ്‌ത്ത് ബെത്ത്‌റ്‌ന്റാന്. അദ്‌നാലെ സാമ്യോഡ രാജി കൂഡുനു എന്റ് എമ്മ ക്‌റ്‌സ്‌ത്ത്‌ക്ക് ബേ്ണ്ടി നിമാന ബേ്ണ്ടി കൊള്ളുന്റേമ്.

2 കൊരിന്ത്യഗാറാര് 5:20 ပူးပေါင်းရင်းမြစ်များ

ലൂക്കോസു 10:16

എന്ന് സൊല്ലുപഡി നഡാക്ക്‌ന്റവാര് ആയിര്‌ക്കുവ നിമ്മ സൊല്ലുവ നായന കേ്ള്‌ക്ക്‌ന്റവാന് നാന് സൊല്ലുവ നായന കേ്ള്‌ക്ക്‌ന്റാന്. നിമാന ഗെരേഗത്തവാന് എനനാമ് ഗെരേവാദില്ലെ. എനാന ഗെരേഗത്തവാന് എനാന സൊല്ലി ബ്‌ട്ടവാന്‌നാമ് ഗെരേവാദില്ലെ.>>

ലൂക്കോസു 14:23

അദുക്കുള അയി പണ്ണാഡി തന്ന് ഗിലാസഗാറാന്‌ക്ക്: <നീ പട്ടണാത്ത്‌ല പെര്‌വട്ടേക്ക്‌റാഗാമ് സില്ല് ബട്ടേക്ക്‌റാഗാമ് പോയി കണ്ണ്‌ക്ക് കണ്ടവാര്‌നെല്ല നത്തിനറാട്ടി കൂട്ടി ബന്ത് ബീ്ഡ്‌ക്ക് തുമ്പുസു.

ഓഗന്നാന് 20:21

ഏസ്സ് പിന്നേമ് അവാര്‌ക്ക്: <<നിമ്മ നിമ്മ്‌ദ്യായി ഇര്‌ന്, അപ്പാന് സാമി എനാന സൊല്ലി ബ്‌ട്ട പാസെ നാന്‌മ് നിമാന സൊല്ലി ബ്‌ഡ്‌ന്റെ>> എന്റ് സൊന്നാന്.

റോമഗാറാര് 5:10

നമ്മ സാമിക്ക് പോട്ടിഗാറാര് ആയിര്‌ക്കാട്ടി താനെ സാമി തന്ന് മഗാന്‌ന സായ ബെത്താദ്‌നാലെ സാമിമ് നമ്മാമ് രാജി കൂഡുനാമ്. അത്തെ സാമ്യോഡ രാജി കൂഡുന പ്‌റ ക്‌റ്‌സ്‌ത്ത്‌ക്കിര്‌ക്കുവ ഉജുരുനാലെ നമ്മ തപ്പിസി കഡാക്കുവാദ് എത്ത്‌റാഗോ ഒറേപ്പുള്ള കാര്യത്തെ.

2 കൊരിന്ത്യഗാറാര് 12:10

അദ്‌നാലെ ക്‌റ്‌സ്‌ത്ത്‌ക്ക് ബേ്ണ്ടി കൊറേവുള്ളവാന് ആയിര്‌ക്ക്യാമ്, നാണഗെ്ഡ്യാമ്, കജട്ടപഡ്യാമ്, കൊഡിമെപഡ്യാമ്, ബുദ്ദിമുട്ടുപഡ്യാമ് നാന് പിര്യ ഉള്ളവാന്‌ത്തെ. എന്തെക്കെന്റ സൊന്ന കൊറേവു ഉള്ളവാന് ആയിര്‌ക്കാട്ടി താനെ ക്‌റ്‌സ്‌ത്ത് സക്‌തിനാലെ നാന് സക്‌ത്യുള്ളവാന്‌ത്തെ.

2 കൊരിന്ത്യഗാറാര് 3:6

സാമി മന്‌സാരോഡ ബെത്ത പുദ്യ ഒപ്പന്താക്ക് എമാന ഗിലാസഗാറാര് മാഡ്‌നാന്. ഈ ഒപ്പന്ത എ്ള്‌ദി ബെത്ത സട്ടല്ല. സാമി തന്ന് നിഗാല്‌ന കൊഡുക്കുവ ഒപ്പന്തത്തെ ഇദ്. എ്ള്‌ദി ബെത്ത സട്ട സാവു ബര്‌സ്സ്‌ന്റ്. ആന സാമിനിഗാല് ഒപ്പന്ത ഉജുരുന കൊഡുക്കുന്റു.

2 കൊരിന്ത്യഗാറാര് 5:11

അദ്‌നാലെ എമ്മ ആണ്ടവാന്‌ക്ക് അഞ്ചി ബക്‌ത്യുള്ളവാര് ആയിര്‌ക്ക്‌ന്റേമ് എന്റ് തെരിവാദ്‌നാലെ അഡ്‌ത്തവാര്‌നാമ് ബക്‌ത്യുള്ളവാര് മാഡ്യ എമ്മ ഓരാഡ്‌ന്റേമ്. എമ്മ എത്തവ ആള്‌ഗാള് എന്റ് സാമിക്ക് നലമായി തെരിമ്. അദേപാസെത്തെ നിമാക്ക്‌മ് എമാന പറ്റി നലമായി തെരിമ് എന്റ് എമ്മ നെനേക്ക്‌ന്റേമ്.

2 കൊരിന്ത്യഗാറാര് 6:1

സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

എപസോസുഗാറാര് 6:20

എന്ത്‌ക്കെന്റ് സൊന്ന സാമി ആളുവ കാലന പറ്റി സൊല്ലി നഡാക്ക്‌ന്റവാന് ആനാല്‌മ് നാന് ഇന്നാല് ജെയില്‌ല് ഇര്‌ക്ക്‌ന്റെ. ഇദ്‌ലിന്ത് കൊണ്ടുമു അദ്‌ന പറ്റി ദയിരമായി സൊല്ല്യ എനാക്ക് ബേ്ണ്ടി പരേസ്‌ന്.

1 തെസെലോനിക്ക്യഗാറാര് 4:8

അദ്‌നാലെ ആരാറ്റ ഈ പഡുസുവ കാര്യഗാള്‌ന ബെലേക്കെ്ഡ്‌ക്കാദെ ഇന്തദാന അയാള് മന്‌സാന്‌ന അല്ല തന്ന് നിഗാല്‌ന നിമാക്ക് തരുവ സാമിനത്തെ ബെലേക്കെ്ഡ്‌ക്കാദെ ഇര്‌ക്കുവാദ്.