2 കൊരിന്ത്യഗാറാര് 5:13 - സാമി സേദി

¹³ എമ്മ ബുദ്ദിബോദ ഇല്ലത്തവാര്‌ന പാസെ ഗേവദാന അദ് സാമിക്ക് ബേ്ണ്ടിത്തെ. എമ്മ ബുദ്ദിബോദ ഉള്ളവാര്‌ന പാസെ ഗേവദാന അദ് നിമാക്ക് ബേ്ണ്ടിത്തെ.

2 കൊരിന്ത്യഗാറാര് 5:13 ပူးပေါင်းရင်းမြစ်များ

മര്‌ക്കോസു 3:21

അയാള് ബീ്ഡ്‌ഗാറാര്‌ക്ക് ഇദ് തെരിന്ത്‌ദ്. ഏസ്സ്‌ക്ക് പിരാന്ത് ആയിര്‌ന്റ് എന്റ് സൊല്ലി ബീ്ഡ്‌ഗാറാര് അയാള്‌ന പ്‌ഡിത്ത് പോയ ബന്താര്.

റോമഗാറാര് 12:3

നിമ്മ എത്തവാള്‌ഗാള് എന്റ് നിമാക്കെ തെരിമ്. ആന അദ്‌ന ബ്‌ഡ നിമ്മ ദൊഡ്ഡവാര് എന്റ് നെനേക്കാദെ സാമി ഒന്റൊന്റാള്‌ക്ക് തന്ത്‌റ്‌ക്കുവ നമ്പിക്കേക്ക് തഗ്‌ന്ത പാസെ ബുദ്ദ്യുള്ളവാരായി നെനേക്കുഡൊ എന്റ് സാമി എനാക്ക് ഗേന്ത പ്‌ണ്ണ്യാത്ത്‌ല് നിമാക്ക് സൊന്റെ.

2 കൊരിന്ത്യഗാറാര് 11:1

സെറ്റെ നേരാക്ക് നാന് ബുദ്ദില്ലത്തവാന്‌ന പാസെ നായനൊഡിവാദ്‌ന നിമ്മ സെറ്റെ പൊറുക്കുഡൊ എന്റ് നാന് ആസെപഡ്‌ന്റെ. ഇ്, സെറ്റെ പൊറുക്കുഡൊ.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 12:6

നാന് പെരിമെപട്ടാല്‌മ് നാന് ബുദ്ദിഗെ്ട്ടവാന് ആഗമാട്ടെ. എന്ത്‌ക്കെന്റ് സൊന്ന നാന് സൊല്ലുവാദ് സത്ത്യത്തെ. നാന് സൊല്ലുവാദ്‌ന കേ്ട്ട്‌മ് നാന് ഗേവാദ്‌ന കണ്ട്‌മ് അല്ലാദെ ആര്‌മ് എനാന പെരിമെപഡുഡൊ എന്റ് നാന് ആസെപഡുവാദില്ലെ.

2 കൊരിന്ത്യഗാറാര് 7:12

നാന് അയി എ്ള്‌ത്ത് എ്ള്‌ദ്‌നാദ് കൊഡിമെ ഗേന്തവാന്‌ന നെനേത്ത് കൊണ്ടൊ കൊഡിമെ പട്ടവാന്‌ന നെനേത്ത് കൊണ്ടൊ അല്ല. എമ്മ് കാര്യാത്ത്‌ല് നിമ്മ എത്ത്‌റ സുറുസുറുപ്പു കാട്ട്‌ന്റ്‌റ് എന്റ് നിമ്മ സാമി കണ്ണ്‌ക്ക് കാട്ടി കൊഡുക്ക്യ ബേ്ണ്ടിത്തെ എമ്മ അയി എ്ള്‌ത്ത് എ്ള്‌ദ്‌നാദ്.

കൊലേസ്യഗാറാര് 1:24

അദ്‌നാലെ ഏസ്സ്‌ഗാറാര് കൂട്ട ആയിര്‌ക്കുവ നിമാക്ക് ബേ്ണ്ടി നാന് പട്ട കജട്ടന നെനേത്ത് നാന് പിര്യപൊങ്കുന്റെ. എന്ത്‌ക്കെന്റ് സൊന്ന ഏസ്സ്‌ഗാറാര് കൂട്ട എന്നുവ തന്ന് സരിഗലാക്ക് ബേ്ണ്ടി ക്‌റ്‌സ്‌ത്ത് പട്ട കൊഡിമെഗാള്‌ക്ക് നാന്‌മ് പങ്ക്‌ഗാറാന് ആന്റെ.

1 തെസെലോനിക്ക്യഗാറാര് 1:5

എന്ത്‌ക്കെന്റ് സൊന്ന, എമ്മ നിമാക്ക് സൊന്ന നല്ല സേദി ബെ്റ് നായല്ല, അദ്‌ക്ക് ബദ്‌ല സക്‌ത്യോഡാമ്, സാമിനിഗാല്‌ല്‌മ്, അയി സേദി നേര്‌ത്തെ എന്നുവ ഒറേപ്പോഡാമ്‌ത്തെ സൊന്നാദ്. നിമാക്ക് ഉവഗരപഡുവാദ്‌ക്ക് തഗ്‌ന്ത ദിന്‌സ്‌ല് നിമ്മ് പട്ട്‌ല് എമ്മ എത്തെ പെ്ളേത്തേമ് എന്റ് നിമാക്ക് താനെ തെരിമല്ല.

2 തിമിത്തോസു 2:10

അദ്‌നാലെ സാമി തെരിന്തെ്ഡ്‌ത്ത ആള്‌ഗാള് ക്‌റ്‌സ്‌ത്ത് ഏസ്സ്‌ന നമ്പി തപ്പിസി കഡാക്ക്യാമ് എന്നാല്‌ക്ക്‌മ് മദ്‌പ്പോഡാമ് അമ്‌സത്തോഡാമ് ഇര്‌ക്ക്യ നാന് ഈ കജട്ടഗാളെല്ല താങ്ക്‌ന്റേന്.