2 കൊരിന്ത്യഗാറാര് 5:12 - സാമി സേദി

¹² എമ്മ പിന്നേമ് എമാന താനെ നിമ്മ് മുന്നുക്കു ബെത്ത് പെരിമെപഡ്യ നോഡുവാദില്ലെ. അദ്‌ക്ക് ബദ്‌ല മനേസ്സ്‌ന നോഡാദെ ആള്‌ന നോഡികൊണ്ടു പെരിമെപഡ്‌ന്റവാര്‌ക്ക് എമാന പറ്റി ബദ്‌ല് സൊല്ലുവ കാര്യഗാള് നിമാക്ക് ഗേന്ത് തര്യാത്തെ എമ്മ നോഡുവാദ്.

2 കൊരിന്ത്യഗാറാര് 5:12 ပူးပေါင်းရင်းမြစ်များ

2 കൊരിന്ത്യഗാറാര് 1:14

ഇന്നാല് എമ്മ എത്തവാള്‌ഗാള് എന്റ് നിമാക്ക് എമാന പറ്റി പാദിക്കെന്റാല് തെരിന്റ്. ആന ഇന്നി പോഗപോഗ നിമാക്ക് എമാന പറ്റി സൊക്കാന നെപ്പ്‌കെ്ഡേക്ക്‌മ് എന്റ് എമാക്ക് നെഞ്ചഡെ ഇര്‌ക്ക്‌ന്റ്. അദ്‌നാലെ ആണ്ടവാന് ഏസ്സ് ക്‌റ്‌സ്‌ത്ത് ബരുവ നാള്‌ല് എമ്മ നിമാന പറ്റി പെരിമെപഡ്‌വ പാസെ നിമ്മാമ് എമാന പറ്റി പെരിമെപഡുവുറു.

2 കൊരിന്ത്യഗാറാര് 10:12

തമ്മാത്തെ ദൊഡ്ഡവാര് എന്റ് നെനേക്ക്‌ന്റവാരോഡ എ്ണേയഗൊ ഇല്ലെ അവാര്‌ക്ക് എ്ണേത്ത് നോഡ്യഗൊ എമ്മ ഒഗേവാദില്ലെ. അവാര് തമ്മ് നെനേപ്പ്‌ല് തമ്മ നല്ലവാര് എന്റ് കണാക്ക് മാഡ്‌ന്റാര്. അദ്‌നാലെ അവാര് ബുദ്ദില്ലത്തവാര്‌ത്തെ.

2 കൊരിന്ത്യഗാറാര് 10:18

തനാന താനെ ദൊഡ്ഡവാന് എന്റ് സൊല്ലുന്റവാനല്ല, ആണ്ടവാന് മദ്‌സ്‌ന്റവാന്‌ക്ക്‌ത്തെ മദ്‌പ്പ് ഇര്‌ക്ക്‌ന്റ്.

2 കൊരിന്ത്യഗാറാര് 10:7

നിമ്മ കണ്ണ്‌ക്ക് കാണുവ കാര്യഗാള്‌നത്തെ നോഡുന്റുറു. താന് ക്‌റ്‌സ്‌ത്ത്‌ക്കുള്ളവാന്‌ത്തെ എന്റ് ആരാറ്റ നെനേക്കുവദാന എമ്മാമ് ക്‌റ്‌സ്‌ത്ത്‌ക്കുള്ളവാര്‌ത്തെ എന്റ് അയാള് തെരിഡൊ.

2 കൊരിന്ത്യഗാറാര് 10:8

ആണ്ടവാന് എമാക്ക് അദിഗര തന്ത്‌റ്‌ക്കുവാദ് നിമ്മ് നമ്പിക്കേന കെ്ഡിസ്യല്ല, അദ്‌ന ഒറേപ്പ് മാഡ്യത്തെ. ഈ അദിഗരാത്ത്‌ല് നാന് സെറ്റെ പെരിമെപട്ടാല്‌മ് നാണഗെ്ഡമാട്ടെ.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 3:1

ബേ്റെ ആള്‌ഗാള് ഗേവ പാസെ എമ്മ നിമ്മ് പട്ട്‌ക്ക് ബര്‌ഗാട്ടി എമാന പറ്റി ഉജാത്തി കാട്ടുവ എ്ള്‌ത്ത് ആരാറ്റോഡ ബാങ്കി ബരുഡൊ എന്റ്‌റ്‌ന്റ? അല്ല ബേ്റെ ആള്‌ഗാള് പട്ട്‌ക്ക് എമ്മ പോഗാട്ടി നിമ്മോഡിന്ത് അത്തവ എ്ള്‌ത്ത് ബാങ്കി പോഡൊ എന്റ്‌റ്‌ന്റ?

2 കൊരിന്ത്യഗാറാര് 6:4

എമ്മ ഗേവ ഗിലാസാത്ത്‌ല്‌മ് എമ്മ സൊല്ലുവ നായാത്ത്‌ല്‌മ് എമ്മ സാമിത്ത് നല്ല ഗിലാസഗാറാര് എന്റ് കാട്ടി കൊഡുക്കുന്റേമ്. എമാക്ക് ബന്ത കൊഡിമെഗാള്‌നാമ് ബുദ്ദിമുട്ടുഗാള്‌നാമ് തഡേസഗാള്‌നാമ് പൊറിമോഡ താങ്ക്‌നേമ്.

പിലിപ്പ്യഗാറാര് 1:26

അത്തെ ഈ ജെയില്‌ലിന്ത് നാന് നിമ്മ് പട്ട്‌ക്ക് തിരിഗി ബര്‌ഗാട്ടി ക്‌റ്‌സ്‌ത്ത് ഏസ്സ് എനാക്ക് ബേ്ണ്ടി ഗേന്ത കാര്യഗാള്‌ന നെനേത്ത് നിമ്മ ക്‌റ്‌സ്‌ത്ത് ഏസ്സ്‌ന സേത്തി സേത്തി പെരിമെപഡുവുറു.