2 കൊരിന്ത്യഗാറാര് 5:1 - സാമി സേദി

¹ ഉലഗാത്ത്‌ല ബീ്ഡ്‌ന പാസെ ഇര്‌ക്കുവ എമ്മ് സരിഗല അളിന്ത് പോനാല്‌മ് സാമി കയില് മാഡ്‌നാദ്‌മ് എന്നാല്‌ക്ക്‌മ് അളിന്ത് പോഗാത്താദ്‌മാന ഒന്റു ബീ്ഡ് എമാക്ക് മേലോഗാത്ത്‌ല് ഇര്‌ക്ക്‌ന്റ് എന്റ് എമാക്ക് തെരിമ്.

2 കൊരിന്ത്യഗാറാര് 5:1 ပူးပေါင်းရင်းမြစ်များ

മര്‌ക്കോസു 14:58

<< <മന്‌സാന് കെ്ട്ട്‌ന ഈ സാമിബീ്ഡ്‌ന പിരിങ്കി മൂറു നാള് കുള്ളുക്കു മന്‌സാന് കെ്ട്ടാത്ത ബേ്റെ ഒന്റുന കെ്ട്ടുവെ> എന്റ് ഇയാള് സൊന്നാദ്‌ന എമ്മ കേ്ട്ട്‌റ്‌ക്ക്‌ന്റേമ്.>>

അപ്പോസുത്തലാര് 7:48

ആന അവാന്‌ന ബ്‌ഡ ദൊഡ്ഡവാന് ആര്‌മ് . ഇല്ലെ ഈ സാമി മന്‌സാന് മാഡ്‌ന ബീ്ഡ്‌ല് ഇര്‌ക്കുവാദില്ലെ. സാമിദാസ് ഇത്തെ സൊന്റാന്,

1 കൊരിന്ത്യഗാറാര് 3:9

നിമ്മാത്തെ സാമി കാഡ്, എമ്മ അദ്‌ല് സാമിക്ക് ബേ്ണ്ടി ഗിലാസ ഗേവ ബെ്റ് ഗിലാസഗാറാര്‌ത്തെ. നിമ്മാത്തെ സാമിബീ്ഡ്.

2 കൊരിന്ത്യഗാറാര് 4:7

എന്റാല്‌മ് ഈ ദൊഡ്ഡ സക്‌തി എമ്മ് സൊന്തല്ല, സാമിത്ത്‌ത്തെ എന്റ് കാട്ടി കൊഡുക്ക്യ ബേ്ണ്ടി ഈ സൊത്തു ബില ഇല്ലാത്ത മണ്ണ് സട്ടിന പാസെ ഇര്‌ക്കുവ എമ്മ് നെഞ്ച് കുള്ളുക്കുത്തെ തന്ത്‌റ്‌ക്കുവാദ്.

2 കൊരിന്ത്യഗാറാര് 5:4

ഈ ഉലഗാത്ത്‌ല് ഇര്‌ക്കാട്ടി എമ്മ അര്‌ക്കപട്ട് മുക്കിമൊരേന്ത് കൊണ്ടു ഇര്‌ക്ക്‌ന്റേമ്. ആന ഇന്നാല് എമ്മ ഇര്‌ക്കുവ ഈ സരിഗലന ഇല്ലാദെ മാഡ്യല്ല, അദ്‌ക്ക് ബദ്‌ല സാമി തരുവ സരിഗലന ഒന്റു ഉഡുപ്പു ഇക്കുവ പാസെ ഇക്ക്യാത്തെ എമ്മ ആസെപഡുവാദ്. അത്തെ അളിന്ത് പോഗാത്ത ഉജുരുന ഉദ്ദാക്ക് ഇക്ക്യാത്തെ എമ്മ ആസെപഡുവാദ്.

കൊലേസ്യഗാറാര് 2:11

നിമ്മ ഏസ്സ് ക്‌റ്‌സ്‌ത്ത്‌ന നമ്പി പെ്ളേക്ക്‌ന്റവാര് ആഗാട്ടി പാവ ഗേന്ത് കൊണ്ടു പെ്ളേത്തിന്ത നിമ്മ് മുന്നുക്കുല പെ്ളേപ്പ്‌ന അഡ്യോഡ പ്‌ഡിങ്കി തള്ളി ഏസ്സോഡ പുദ്യ പെ്ളേപ്പ് പെ്ളേക്ക്യ ഒപ്പന്ത ബെത്ത്‌റ്.

2 തിമിത്തോസു 1:12

അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്.

എവുറായാര് 11:10

എന്ത്‌ക്കെന്റ് സൊന്ന എത്തവ ദിന്‌സ്‌ല് പട്ടണ മാഡുഡൊ എന്റ് സാമി താനെ മുഡിവാക്കിന്താദ്‌മ് സാമി താനെ മാഡ്‌നാദ്‌മ് ആന എന്നാല്‌ക്ക്‌മ് ഇര്‌ക്കുവ പട്ടണാക്ക് ബേ്ണ്ടി അവുറഗാമ് കാത്ത് കൊണ്ടിന്താന്.

എവുറായാര് 9:11

ആന ഇന്നാല് നമാക്കിര്‌ക്കുവ നല്ല കാര്യഗാള്‌ക്ക് ദൊഡ്ഡ പൂസാര്യായി ക്‌റ്‌സ്‌ത്ത് ബന്ത്‌റ്‌ന്റാന്. മ്‌ഗ്‌ന്താദ്‌മ് ഒന്റു കൊറേവുമു ഇല്ലത്താദ്‌മാന ഗുഡുസുലുക്കു അയാള് നൊഗേന്ത്‌റ്‌ക്ക്‌ന്റാന്. അയി ഗുഡുസുലു കയില് താനെ മാഡാത്താദ്‌മ് എന്റ് സൊന്ന ഈ ബൂമില് ദ്‌ട്ടിസി ബെത്ത്‌റ്‌ക്കുവാദ്‌ല് പഡാത്താദ്‌മ്‌ത്തെ.

എവുറായാര് 9:24

എന്ത്‌ക്കെന്റ് സൊന്ന മന്‌സാന് ഉണ്ടാക്ക്‌നാദ്‌മ് മേലോഗാത്ത്‌ല് ഇര്‌ക്കുവാദ്‌ന പാസെ ഉള്ളാദ്‌മാന നെലെ പട്ട്‌ക്കല്ല മേലോഗാക്ക്‌ത്തെ ക്‌റ്‌സ്‌ത്ത് പോയിര്‌ന്റാന്. അയാള് നമാന കയിതാങ്ക്യ ബേ്ണ്ടി ഇന്നാല് സാമി മുന്നുക്കു നിന്റ്‌റ്‌ക്ക്‌ന്റാന്.

2 പത്ത്‌റോസു 3:11

അത്തെ ഇദൊട്ടുക്കു അളിന്ത് പോയ ഇര്‌ക്കുവാദ്‌നാലെ നിമ്മ എത്ത്‌റ കുറ്റ സൊല്ല്യ മുഡ്യാത്ത ദിന്‌സ്‌ല് പെ്ളേക്ക്‌ന്റവാര്‌മ് ബക്‌ത്യോഡ പെ്ളേക്ക്‌ന്റവാര്‌മ് ആയിര്‌ക്കുഡൊ?

1 ഓഗന്നാന് 3:14

സാവുക്കാളായിന്ത നമ്മ ആങ്കീങ്ക് സീവാന്‌ബെത്ത് നഡാക്കുവാദ്‌നാലെ സാഗാത്ത ഉജുരുക്കു ആളായിര്‌ന്റാമ് എന്റ് നമാക്ക് തെരിമ്. സീവാന്‌ബെത്ത് നഡാക്കാത്തവാന് ഇന്നാല്‌മ് സാവുക്കു ആളായിര്‌ന്റാന്.

1 ഓഗന്നാന് 3:19

ഇത്തെ ഗേന്തദാന നമ്മ സത്ത്യ സാമിക്ക് പട്ടവാരെന്റ് നമാക്ക് തെരിമ്. അദ്‌നാലെ നമ്മ് മനേസ്സ് നമാന കുറ്റഗാറാരെന്റ് സൊല്ലമാട്ട. അത്തെ നമാക്ക് സാമി പട്ട്‌ല് ദയിരത്തോഡ ഇര്‌ക്ക്യ മുഡിമ്. എന്ത്‌ക്കെന്റ് സൊന്ന സാമി സൊല്ലുവാദ്‌ത്തെ നമ്മ് മനേസ്സ് സൊല്ലുവാദ്‌ന ബ്‌ഡ ദൊഡ്ഡാദ്. അദേപാസെ സാമി എല്ലാമ് തെരിന്റവാന്‌മ്‌ത്തെ.

1 ഓഗന്നാന് 3:2

എനാക്ക് മെച്ച്‌പ്‌ഡിത്തവാരെ, നമ്മ ഇന്നാല് സാമി പ്‌ള്ളെഗാള്‌ത്തെ. നമ്മ എത്തെ ആവാമെന്റ് ഇന്നിമ് പുരുപ്പില്ലെ. അയാള് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ അയാള് തനി ഉരുവാന കാണുവാദ്‌നാലെ നമ്മ അയാള്‌ന പാസെ ആവാമെന്റ് നമാക്ക് തെരിമ്.