2 കൊരിന്ത്യഗാറാര് 4:9 - സാമി സേദി

⁹ എമ്മ കൊഡിമെപഡ്‌ന്റവാര് ആനാല്‌മ് സാമി എമാന കയി ബ്‌ഡുവാലെ, എമാന അഡിത്ത് നുറുക്കുന്റാര്, ആന എമ്മ അളിന്ത് പോവാലെ.

2 കൊരിന്ത്യഗാറാര് 4:9 ပူးပေါင်းရင်းမြစ်များ

ഓഗന്നാന് 15:20

<ഗിലാസഗാറാന് തന്ന് പണ്ണാഡിന ബ്‌ഡ ദൊഡ്ഡവാനല്ല> എന്റ് നിമാക്ക് സൊന്ന നായന നെനേത്ത്‌റ്‌ന്. അവാര് എനാന കൊഡിമെപഡ്‌സ്‌നാര്, അത്ത്യാന നിമാനാമ് കൊഡിമെപഡുസുവാര്, അവാര് എന്ന് സൊല്ലുപഡി നഡാന്തിന്തദാന നിമ്മ് സൊല്ലുപഡിമ് നഡാക്കുവാര്.

റോമഗാറാര് 8:35

ക്‌റ്‌സ്‌ത്ത് നമ്മോഡ ബെത്ത്‌റ്‌ക്കുവ സീവാന്‌ലിന്ത് ആര്‌ക്ക് നമാന പ്‌റ്‌ക്ക്യ മുഡിമ്? കജട്ടഗാള്‌ക്കൊ, സങ്കഡഗാള്‌ക്കൊ, കൊഡിമെഗാള്‌ക്കൊ, പജിപട്ടിണിക്കൊ, ഉഡുപ്പുസഡ്‌പ്പ് ഇല്ലാത്ത ഗെദിഗാള്‌ക്കൊ, ആവാത്ത്‌ഗാള്‌ക്കൊ, ബാള്‌ക്കൊ നമാന പ്‌റ്‌ക്ക്യ മുഡിമ? മുഡ്യാഗേ മാട്ട.

2 കൊരിന്ത്യഗാറാര് 7:6

എന്റാല്‌മ് ദുക്കപട്ട് ഇര്‌ക്ക്‌ന്റവാര് മനേസ്സ്‌ന ദയിരപഡുസുവ സാമി തീത്തോസുന ബ്‌ട്ട് എമനാമ് ദയിരപഡ്‌സ്‌നാന്.

2 തിമിത്തോസു 3:12

ആന ക്‌റ്‌സ്‌ത്ത് ഏസ്സ്‌ന നമ്പി സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്യ ആസെപഡ്‌ന്റവാര്‌ക്ക് ഒട്ടുക്കു കൊഡിമെഗാള് ബര്‌മ്.

എവുറായാര് 13:5

പണാക്ക് ബേ്ണ്ടി ആസെപട്ട് പെ്ളേക്കുവാദ്‌ന തള്ള്‌ന്. നിമാക്ക് ഇന്നാല് ഇര്‌ക്കുവാദ് മദി എന്റ് നെനേത്ത് പെ്ളേന്. എന്ത്‌ക്കെന്റ് സൊന്ന <<നാന് നിമാന ഒന്റു നാള്‌മ് തള്ളമാട്ടെ, നിമാന ഒന്റു നാള്‌മ് കയി ബ്‌ഡാമ് മാട്ടെ>> എന്റ് സാമി സൊല്ലിര്‌ക്ക്‌ന്റാനല്ല.