2 കൊരിന്ത്യഗാറാര് 4:8 - സാമി സേദി

⁸ എമ്മ എല്ലാ ദിന്‌സ് കജട്ടഗാള്‌മ് പഡ്‌ന്റേമ്, എന്റാല്‌മ് എമ്മ ഒഗേന്റവാര് ആവാദില്ലെ. അര്‌ക്കപഡ്‌ന്റവാര് ആനാല്‌മ് എമ്മ സോറ്റു പോവാദില്ലെ.

2 കൊരിന്ത്യഗാറാര് 4:8 ပူးပေါင်းရင်းမြစ်များ

ഓഗന്നാന് 14:18

നാന് നിമാന ദബാര്യായി ബ്‌ഡമാട്ടെ, നാന് നിമ്മ് പട്ട്‌ക്ക് പിന്നേമ് ബരുവെ.

1 കൊരിന്ത്യഗാറാര് 10:13

പൊദുവുലു മന്‌സാര്‌ഗാള്‌ക്ക് ബരുവ സോദണെഗാള്‌ത്തെ നിമാക്ക് ബന്ത്‌ദ്. നിമാക്ക് താങ്ക്യ മുഡ്യാത്തത്ത്‌റ സോദണെ ബര്യ സാമി ബ്‌ഡമാട്ടാന്. എന്ത്‌ക്കെന്റ് സൊന്ന സാമി നമ്പ്യ മുഡിന്റവാന്‌ത്തെ. നിമാക്ക് സോദണെ ബര്‌ഗാട്ടി അദ്‌ന താങ്കി തപ്പിസി കഡാക്ക്യ സാമി നിമാന ബിലപഡുസുവാന്.

2 കൊരിന്ത്യഗാറാര് 12:10

അദ്‌നാലെ ക്‌റ്‌സ്‌ത്ത്‌ക്ക് ബേ്ണ്ടി കൊറേവുള്ളവാന് ആയിര്‌ക്ക്യാമ്, നാണഗെ്ഡ്യാമ്, കജട്ടപഡ്യാമ്, കൊഡിമെപഡ്യാമ്, ബുദ്ദിമുട്ടുപഡ്യാമ് നാന് പിര്യ ഉള്ളവാന്‌ത്തെ. എന്തെക്കെന്റ സൊന്ന കൊറേവു ഉള്ളവാന് ആയിര്‌ക്കാട്ടി താനെ ക്‌റ്‌സ്‌ത്ത് സക്‌തിനാലെ നാന് സക്‌ത്യുള്ളവാന്‌ത്തെ.

2 കൊരിന്ത്യഗാറാര് 6:12

എമ്മ നിമ്മോഡ അരെ മനേസ്സോഡ നഡാന്ത്‌പ്‌ഡിത്ത് ഗേഗാലെ. നിമ്മാത്തെ എമ്മോഡ അരെ മനേസ്സോഡ നഡാന്ത്‌പ്‌ഡിത്ത് ഗേന്താദ്.

2 കൊരിന്ത്യഗാറാര് 6:4

എമ്മ ഗേവ ഗിലാസാത്ത്‌ല്‌മ് എമ്മ സൊല്ലുവ നായാത്ത്‌ല്‌മ് എമ്മ സാമിത്ത് നല്ല ഗിലാസഗാറാര് എന്റ് കാട്ടി കൊഡുക്കുന്റേമ്. എമാക്ക് ബന്ത കൊഡിമെഗാള്‌നാമ് ബുദ്ദിമുട്ടുഗാള്‌നാമ് തഡേസഗാള്‌നാമ് പൊറിമോഡ താങ്ക്‌നേമ്.

2 കൊരിന്ത്യഗാറാര് 7:5

എമ്മ മക്കെദോന്യാക്ക് എജ്ജി ഗുഡി എമാക്ക് അദ്‌ല് നിമ്മ്‌ദ്യായി ഇര്‌ക്ക്യ മുഡ്യാലെ. എന്ത്‌ക്കെന്റ് സൊന്ന എമാക്ക് എല്ലാ ദിന്‌സ്‌ല് ബുദ്ദിമുട്ടുഗാള് ഇന്ത്‌ദ്. ബെ്ളിഗെ ബേ്റെ ആള്‌ഗാളോഡ മല്ല്, മനേസ്സ്‌കുളാക്ക് അഞ്ചിക്കെ.

ഗലാത്ത്യഗാറാര് 4:20

നാന് നിമ്മൊപ്പ ഇന്നാല് ഇന്തിന്ത സെരിത്ത്യായിന്ത്‌ദ്. അത്തെ ഇന്തിന്തദാന നാന് ഇത്തെ നായനൊഡ്യ ആസെപട്ട്‌റ്‌ക്കമാട്ടെ. എന്ത്‌ക്കെന്റ് സൊന്ന നാന് നിമാന നെനേത്ത് അത്ത്‌റാക്ക്‌മ് അര്‌ക്കപഡ്‌ന്റെ.