2 കൊരിന്ത്യഗാറാര് 4:6 - സാമി സേദി6 <<ഇ്റ്‌ട്ട്‌ലിന്ത് ബെ്ള്‌സ ബരുഡൊ>> എന്റ് സൊന്ന സാമി താനെത്തെ ഈ ബെ്ള്‌സാന എമ്മ് മനേസ്സ്‌ക്ക് തന്താദ്. അദ്‌നാലെത്തെ ഏസ്സ് ക്‌റ്‌സ്‌ത്ത് മൂഞ്ചിലിര്‌ക്കുവ സാമി മദ്‌പ്പ്‌ത്ത് അറുവു എമാക്ക് കെ്ഡേത്താദ്. အခန်းကိုကြည့်ပါ။ |
2 കൊരിന്ത്യഗാറാര് 4:6
35 ပူးပေါင်းရင်းမြစ်များ
മഗാന് അപ്പാന് മദ്‌പ്പ്‌ക്ക് ഇര്‌ക്കുവ ബെ്ഡിപ്പ്‌ന കാട്ട്‌ന്റവാന്‌മ് സാമി ഏദ് ദിന്‌സ്‌ല് ഇര്‌ക്ക്‌ന്റാനൊ അദേപാസെ ഇര്‌ക്ക്‌ന്റവാന്‌മ്‌ത്തെ. മഗാന് തന്ന് സൊല്ലുസുലാക്കാക്ക് ഇര്‌ക്കുവ സക്‌തിനാലെ ഈ അണ്ടസരാസരന താങ്കിര്‌ന്റവാന്‌മ്‌ത്തെ. മന്‌സാര് പാവാന തീത്ത് തള്ള്‌ന പ്‌റ അയാള് മേലോഗാത്ത്‌ല് മദ്‌പ്പുള്ള സാമി ബല സാരി ആള്യ കുക്കാന്ത്‌റ്‌ന്റാന്.
ഒന്റു ഗളിഗേല് സത്ത്യന കണ്ട് മേലോഗാത്ത്‌ലിന്ത് കെ്ഡേക്കുവ ബരഗാള് കെ്ഡേസി പെ്ളേത്തവാര്‌മ് സാമിനിഗാല്‌ന ഒന്റു പങ്കായി കെ്ഡേസ്‌നവാര്‌മ് ആനവാര് നമ്പിക്കേന ബ്‌ട്ട് തള്ള്‌നദാന അവാര്‌ന പിന്നെ എത്തെ മറിസി സാമിസാരി തിരിക്ക്യ മുഡിമ്? അവാര് സാമി സൊല്ലുസുലാക്ക എത്ത്‌റ നല്ലാദ് എന്റ്‌മ് ബര്യ ഇര്‌ക്കുവ ഉലഗാക്ക് ഇര്‌ക്കുവ സക്‌തി എത്ത്‌റ ദൊഡ്ഡാദ് എന്റ്‌മ് തെരിന്തവാര്‌ത്തെ. എന്റിന്ത് ഗുഡി തമ്മ് നമ്പിക്കേന ബ്‌ട്ട്‌റ്‌ക്കുവ അവാര്‌ന മറിസിമ് സാമിസാരി തിരിക്ക്യ മുഡ്യാമാട്ട. എന്ത്‌ക്കെന്റ് സൊന്ന അവാര് സാമി മഗാന്‌ന പിന്നേമ് കുരുസുക്കു സേത്തി ആണി അഡിത്ത്‌മ് എല്ലാര്‌ക്ക് എദ്‌ക്ക അയാള്‌ന മാനാമ് ഗെ്ഡ്‌സ്‌ന്റാര്.
നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.
സാമിദാസ്‌ഗാള് സൊന്ന സേദില്‌മ് നമാക്ക് നല്ല ഒറേപ്പിര്‌ക്ക്‌ന്റ്. അദ്‌നാലെ നിമ്മ അദ്‌ന ബെലെ ഉള്ള ദൊഡ്ഡ കാര്യായി കാണ്യ ബേ്ണ്ടി നല്ല ഓരാഡുഡൊ. എന്ത്‌ക്കെന്റ് സൊന്ന, അദ് ക്‌റ്‌സ്‌ത്ത് ബരമാട്ട്‌ക്ക് ഇ്റ്‌ട്ട്‌റ്‌ക്കുവ എ്ഡേല് ഒന്റു ബ്‌ളാക്കായി കത്തി കൊണ്ട്‌റ്‌ക്ക്‌ന്റ്, അയാള് ഒന്റു ബെ്ഡിബെ്ള്ളിന പാസെ നിമ്മ് മനേസ്സ്‌ല് കത്തി കൊണ്ട്‌റ്‌ക്കുഡൊ.
ကြော်ငြာတွေ