2 കൊരിന്ത്യഗാറാര് 4:14 - സാമി സേദി

¹⁴ ആണ്ടവാന് ഏസ്സ്‌ന ഉജുര്‌ളാക്ക്‌ന സാമി ഏസ്സോഡൊപ്പ എമനാമ് ഉജുര്‌ളാക്കുവാന് എന്റ്‌മ് നിമ്മോഡൊപ്പ എമാന തന്ന് മുന്നുക്കു എ്ഡ്‌ത്ത് ബരുവാന് എന്റ്‌മ് എമാക്ക് തെരിന്റ്.

2 കൊരിന്ത്യഗാറാര് 4:14 ပူးပေါင်းရင်းမြစ်များ

ലൂക്കോസു 21:36

അദ്‌നാലെ നഡാക്ക്യ പോവ ഈ കാര്യഗാള്‌ലിന്ത് തപ്പിസി കഡാക്ക്യാമ് മന്‌സാനായി പ്‌റാന്തവാന് മുന്നുക്കു നില്ല്യ തഗ്‌ദ്യുള്ളവാര് ആയ ബേ്ണ്ടിമ് നിമ്മ ഏദ്‌ഗളിഗേമ് പരേസികൊണ്ടു സൂസാരിത്തിര്‌ന്.>>

അപ്പോസുത്തലാര് 2:24

ആന ഏസ്സ്‌ക്ക് ബന്ത സാവുലിന്ത് സാമി ഏസ്സ്‌ന ഉജുര്‌ളാക്ക്‌നാന്. സാവുക്കു ഇര്‌ക്കുവ അദിഗരാത്ത്‌ലിന്ത്‌മ് സാമി അയാള്‌ന ബ്‌ഡ്‌സ്‌നാന്. എന്ത്‌ക്കെന്റ് സൊന്ന സാവു അയാള്‌ന അഡിമെ മാഡി ബെക്ക്യ നോഡുറ്റു, ആന മുഡ്യാലെ.

അപ്പോസുത്തലാര് 2:32

ഈ ഏസ്സ്‌ന സാമി സാവുലിന്ത് ഉജുര്‌ളാക്ക്‌നാന്. ഏസ്സ് ഉജുരു ഇ്ളാഗ്‌നാദ്‌ന കണ്ട എമാക്ക് അദ്‌ന നിമാക്ക് സൊല്ലി തര്യ മുഡിവു.

റോമഗാറാര് 8:11

സാമി ഏസ്സ്‌ന സത്തവാര്‌ലിന്ത് ഉജുര്‌ളാക്ക്‌നാന്. അയി സാമിനിഗാല് നിമ്മോഡിര്‌ക്കുവദാന, ക്‌റ്‌സ്‌ത്ത് ഏസ്സ്‌ന സത്തവാര് പട്ട്‌ലിന്ത് ഉജുര്‌ളാക്ക്‌ന സാമി നിമ്മോഡിര്‌ക്കുവ തന്ന് നിഗാല്‌ന ബെത്ത് അളിന്ത് പോവ നിമ്മ് സരിഗലാക്ക്‌മ് ഉജുരു കൊഡുക്കുവാന്.

1 കൊരിന്ത്യഗാറാര് 6:14

ആണ്ടവാന് ഏസ്സ്‌ന സാമി ഉജുര്‌ളാക്ക്‌ന പാസെ നമാനാമ് തന്ന് സക്‌തില് ഉജുര്‌ളാക്കുവാന്.

2 കൊരിന്ത്യഗാറാര് 11:2

എന്ത്‌ക്കെന്റ് സൊന്ന സാമിക്ക് നിമാന പറ്റി ഇര്‌ക്കുവ അര്‌ക്കത്തെ എനാക്ക്‌മ് ഇര്‌ക്കുവാദ്. ഒന്റു കന്നി പെ്ണ്ണ്‌ന ഒന്റൊരുത്താന്‌ക്ക് കൊഡുക്ക്യ ബാക്ക് കൊഡുത്ത്‌റ്‌ക്കുവ പാസെ ക്‌റ്‌സ്‌ത്ത് എന്നുവ ഒന്റേ ഒന്റു മാപ്‌ളേക്ക് നിമാന കുറ്റ ഇല്ലാത്ത കന്നിപെ്ണ്ണ് ആയി കൊഡുക്ക്യ ബാക്ക് കൊഡുത്ത്‌റ്‌ക്ക്‌ന്റെ.

കൊലേസ്യഗാറാര് 1:22

ആന ഏസ്സ് മന്‌സാനായി സത്താദ്‌നാലെ സാമി നിമാന കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് കെ്ട്ടെ്ണ്ണ ഇല്ലത്തവാര്‌മ് മാഡി തനാക്ക് എ്ണേവുഗാറാര് മാഡി ബെത്ത്‌റ്‌ന്റാന്.

കൊലേസ്യഗാറാര് 1:28

അദ്‌നാലെ എമ്മ ക്‌റ്‌സ്‌ത്ത്‌ന പറ്റി എല്ലാ ആള്‌ഗാള്‌ക്ക്‌മ് സൊല്ലി കൊണ്ടേ ഇര്‌ന്റേമ്. സാമി എമാക്ക് തന്ത്‌റ്‌ക്കുവ എല്ലാ ബുദ്ദിനാമ് ബെത്ത് ഏസ്സ്‌ന പാസെ ആയ അറുവു കൊഡുക്ക്യ ഉള്ളവാര്‌ക്ക് അറുവു കൊഡുത്തു കൊണ്ടുമു ബുദ്ദി സൊല്ലി കൊഡുക്ക്യ ഉള്ളവാര്‌ക്ക് ബുദ്ദി സൊല്ലി കൊഡുത്തു കൊണ്ടുമു ഗേന്റേമ്.

1 തെസെലോനിക്ക്യഗാറാര് 4:14

എന്ത്‌ക്കെന്റ് സൊന്ന ഏസ്സ് സത്തിന്ത് ഉജുര്‌ളാഗ്‌നാന് എന്റ് നമ്മ നമ്പ്‌ന്റാമ്. അത്തെ നമ്പ്‌നദാന ഒറേപ്പായി സാമി സത്തവാര്‌നാമ് ഏസ്സ്‌ന ബെത്ത് ഉജുര്‌ളാക്കി അയാളോഡ ബരുസ്സുവാന് എന്റ് നമ്മ നെഞ്ചഡെ ബെത്ത്‌റ്‌ക്ക്‌ന്റാമ്.

ആക്കോവു 5:15

ആണ്ടവാന് ഏസ്സ് ഗേന്ത ദൊഡ്ഡ കാര്യഗാള്‌ന നമ്പികൊണ്ടു പരേസ്‌ഗാട്ടി ഏസ്സ് സാമി അയാള് നോയിന തെ്ള്‌സ്‌ന്റാന്. അയാള് എന്താറ്റ കുറ്റ ഗേന്തിന്ത അദ്‌നാമ് ഏസ്സ് സാമി പൊറുത്തു കൊഡുക്കുവാന്.

ജൂദാന് 1:24

നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.