2 കൊരിന്ത്യഗാറാര് 4:10 - സാമി സേദി

¹⁰ ഏസ്സ് ഉജുരു എമ്മ് സരിഗലാത്ത്‌ല് ഇര്‌ക്ക്‌ന്റ് എന്റ് കാട്ട്യ ബേ്ണ്ടി ഏസ്സ് സാഗാട്ടി പട്ട കജട്ടന പാസെ എമ്മ കജട്ട പഡ്‌ന്റേമ്.

2 കൊരിന്ത്യഗാറാര് 4:10 ပူးပေါင်းရင်းမြစ်များ

ഓഗന്നാന് 14:19

സെറ്റെ കളിന്തദാന ഉലഗാത്ത്‌ല ആള്‌ഗാള് എനാന കാണമാട്ടാര്. ആന നിമ്മാഗൊ എനാന കാണുവുറു, നാന് പെ്ളേക്കുവാദ്‌നാലെ നിമ്മാമ് പെ്ളേക്കുവുറു.

റോമഗാറാര് 6:5

ക്‌റ്‌സ്‌ത്ത് സത്ത സാവുക്കു നമ്മാമ് എ്ണേവദാന, അയാള് സാവുലിന്ത് ഉജുര്‌ളാഗ്‌ന പാസെ നമ്മാമ് ഉജുര്‌ളാഗ്‌ല.

റോമഗാറാര് 6:8

നമ്മ ക്‌റ്‌സ്‌ത്തോഡൊപ്പ സത്താദ്‌നാലെ അയാളോഡൊപ്പ പെ്ളേക്ക്‌ല എന്റ് നമ്മ നമ്പ്‌ന്റാമ്.

റോമഗാറാര് 8:36

<<നിനാക്ക് ബേ്ണ്ടി എമ്മ ഉജുരുക്കു ബരുവ ആവാത്ത്‌ഗാള്ന നാള്‌ക്ക് താങ്കി കൊണ്ടു ഇര്‌ക്ക്‌ന്റേമ്, അറ്‌ക്ക്യ ബെത്ത്‌റ്‌ക്കുവ കൊറ്യാഡ്‌ഗാള്‌ന പാസെത്തെ എമാന നെനേക്ക്‌ന്റാര്>> എന്റ് എ്ള്‌ദിര്‌ക്ക്‌ന്റല്ല.

2 കൊരിന്ത്യഗാറാര് 1:5

ക്‌റ്‌സ്‌ത്ത് പട്ട കൊഡിമെഗാള് എമ്മ് പെ്ളേപ്പ്‌ല് പെരിഗി ബരുവ പാസെ ക്‌റ്‌സ്‌ത്ത്‌ന ബെത്ത് സാമി എമാന പിരാക്കുവാദ്‌മ് പെരിഗി ബന്റ്.

2 കൊരിന്ത്യഗാറാര് 1:9

കൊല്ല്യ ബേ്ണ്ടി ബിദിത്ത്‌റ്‌ക്കുവ ആള്‌ഗാള് എന്റ് എമ്മ എമാന പറ്റി താനെ നെനേക്കുവാദ്‌ക്കായി ബന്ത്‌ദ്. ആന എമാക്ക് ബന്ത ഈ കജട്ടഗാള്‌ന തീര്‌ക്ക്യ എമാക്ക് എന്തൊന്റു ഗേയ മുഡിമ് എന്റ് നെനേക്കാദെ സത്തവാര്‌ന ഉജുര്‌ളാക്ക്‌ന സാമിക്ക് താനെ അണ്ട്‌നേമ്.

2 കൊരിന്ത്യഗാറാര് 13:4

ഒന്റുക്കുമു തഗ്‌ദി ഇല്ലത്തവാന്‌ന പാസെത്തെ അയാള് കുരുസുലു സത്താദ്. ആന ഇന്നാല് സാമി സക്‌തില് അയാള് പെ്ളേക്ക്‌ന്റാന്. ക്‌റ്‌സ്‌ത്തോഡ ഇര്‌ക്കുവാദ്‌നാലെ എമ്മാമ് അയാള്‌ന പാസെ ഒന്റുക്കുമു മുഡ്യാത്തവാര് ആയിര്‌ന്റേമ്. ആന ക്‌റ്‌സ്‌ത്തോഡ എ്ണേന്ത്‌റ്‌ക്കുവ എമ്മ സാമി സക്‌തില് നിമാക്ക് ബേ്ണ്ടി പെ്ളേക്ക്‌ന്റേമ്.

2 കൊരിന്ത്യഗാറാര് 4:11

ഏസ്സ് ഉജുരു അളിന്ത് പോവ നമ്മ് സരിഗലാത്ത്‌ല് ഇര്‌ക്ക്‌ന്റ് എന്റ് കാട്ട്യ ബേ്ണ്ടി ഉജുരോഡ ഇര്‌ക്ക്‌ന്റവാരാന എമ്മ ഉജുരുക്കു ബരുവ ആവാത്ത്‌ഗാള്‌ന ഏസ്സ്‌ക്ക് ബേ്ണ്ടി ഒപ്പ താങ്കി കൊണ്ടു ഇര്‌ക്ക്‌ന്റേമ്.

ഗലാത്ത്യഗാറാര് 6:17

എനാന ഇന്ന്യെന്റാല്‌മ് ആര്‌മ് തൊന്തറെപഡ്‌സ ബേ്ഡ, എന്ത്‌ക്കെന്റ് സൊന്ന നാന് ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി കജട്ട പട്ട ബണ്ട്‌ഗാള് എന്ന് സരിഗലാത്ത്‌ല് ഇര്‌ക്ക്‌ന്റ്.

കൊലേസ്യഗാറാര് 1:24

അദ്‌നാലെ ഏസ്സ്‌ഗാറാര് കൂട്ട ആയിര്‌ക്കുവ നിമാക്ക് ബേ്ണ്ടി നാന് പട്ട കജട്ടന നെനേത്ത് നാന് പിര്യപൊങ്കുന്റെ. എന്ത്‌ക്കെന്റ് സൊന്ന ഏസ്സ്‌ഗാറാര് കൂട്ട എന്നുവ തന്ന് സരിഗലാക്ക് ബേ്ണ്ടി ക്‌റ്‌സ്‌ത്ത് പട്ട കൊഡിമെഗാള്‌ക്ക് നാന്‌മ് പങ്ക്‌ഗാറാന് ആന്റെ.

2 തിമിത്തോസു 2:11

ഇത്തെ ഒന്റു സൊല്ലു ഇര്‌ക്ക്‌ന്റ്: ഇദ് നേര്‌മ് നമ്പ്യ മുഡിവാദ്‌മ്‌ത്തെ. അദ് എത്തെ എന്റ് സൊന്ന: നമ്മ അയാളോഡ സത്തിന്തദാന നമ്മ അയാളോഡ പെ്ളേക്ക്‌ല.

1 പത്ത്‌റോസു 4:13

ആന ക്‌റ്‌സ്‌ത്ത് പട്ട കൊഡിമെഗാള്‌ക്ക് നിമ്മ പങ്ക്‌ഗാറാര് ആവാദ്‌നാലെ നിമ്മ പിര്യപൊങ്കുന്. അത്തെ നിമ്മ കൊഡിമെ പട്ടദാന ക്‌റ്‌സ്‌ത്ത് തനാക്കിര്‌ക്കുവ മദ്‌പ്പ്‌ല് തിരിഗി ബര്‌ഗാട്ടി നിമാക്ക്‌മ് ദൊഡ്ഡ പിര്യ ബര്‌മ്.

1 പത്ത്‌റോസു 4:14

ക്‌റ്‌സ്‌ത്ത്‌ന നമ്പി നഡാക്കുവാദ്‌നാലെ നിമ്മ നാണഗെ്ട്ടദാന നിമ്മ ബാഗ്യകേ്ട്ടവാര്‌ത്തെ. എന്ത്‌ക്കെന്റ് സൊന്ന മദ്‌പ്പുള്ള നിഗാലാന സാമിനിഗാല് നിമ്മ് മനേസ്സ്‌കുളാക്ക് ഇര്‌ക്ക്‌ന്റല്ല.

ബെ്ളിപട്ട കാര്യ 1:17

നാന് അയാള്‌ന കണ്ടാദ്‌മ് ഉജുരുപോന പാസെ ആയി അയാള് കാല്‌ക്ക് ബ്‌ന്തെ. അദുക്കുള അയാള് ബല കയിന എന്ന് കുദ്ദാക്ക് ബെത്ത് ഇത്തെ സൊന്നാന്: <<അഞ്ചബേ്ഡ, നാന്‌ത്തെ ആദിലവാന്‌മ് കഡേസിലവാന്‌മ്.