2 കൊരിന്ത്യഗാറാര് 3:8 - സാമി സേദി

⁸ അത്ത്യാന സാമിനിഗാല് പുദ്യ ഒപ്പന്ത അദ്‌ന ബ്‌ഡ എത്ത്‌റാഗോ ബെ്ഡിപ്പുള്ളാദ് ആയിര്‌ക്ക്‌മ്. എന്ത്‌ക്കെന്റ് സൊന്ന ഈ ഒപ്പന്ത ഉജുരുന കൊഡുക്കുന്റു.

2 കൊരിന്ത്യഗാറാര് 3:8 ပူးပေါင်းရင်းမြစ်များ

ഓഗന്നാന് 1:17

മോസെ ബെത്ത സാമിസട്ട മോസെ കയിലിന്ത് നമാക്ക് കെ്ഡേത്ത്‌ദ്. ആന സാമി ഗവാമ് സത്ത്യാമ് ഏസ്സ് ക്‌റ്‌സ്‌ത്ത്‌നാലെ നമാക്ക് കെ്ഡേത്ത്‌റ്‌ക്ക്‌ന്റ്.

ഓഗന്നാന് 7:39

തനാന നമ്പ്‌ന്റവാന്‌ക്ക് കെ്ഡേക്ക്യ പോവ സാമിനിഗാല്‌ന പറ്റിത്തെ ഏസ്സ് ഇത്തെ സൊന്നാദ്. അന്ന മാട്ട് ഏസ്സ്‌ക്ക് മദ്‌പ്പ് കെ്ഡേക്കാദിന്തനാലെ നമ്പ്‌ന്റവാര്‌ക്ക് സാമിനിഗാല് കെ്ഡേക്കാദിന്ത്‌ദ്.

1 കൊരിന്ത്യഗാറാര് 3:16

സാമിബീ്ഡ് എന്നുവാദ് നിമ്മാത്തെ എന്റ്‌മ് സാമിനിഗാല് നിമ്മോഡ ഇര്‌ക്ക്‌ന്റ് എന്റ്‌മ് നിമാക്ക് തെരിമല്ല?

2 കൊരിന്ത്യഗാറാര് 11:4

എന്ത്‌ക്കെന്റ് സൊന്ന ബേ്റെ ഒന്റൊരുത്താന് ബന്ത് എന്ത്‌ന സൊന്നാല്‌മ് നിമ്മ അദ്‌ന കേ്ള്‌ക്ക്‌ന്റ്‌റ്. അവാര് സൊല്ലുവ ഏസ്സ് ആരെന്റൊ അവാര് സൊല്ലുവ നിഗാല് ഏദെന്റൊ അവാര് സൊല്ലുവ സേദി നല്ല സേദി എന്റൊ പൊല്ല സേദി എന്റൊ നിമ്മ നെപ്പ്‌കെ്ഡേസാദെ അദ്‌നെല്ല കാദ്‌ക്ക് ഇക്ക്‌ന്റ്‌റ്.

2 കൊരിന്ത്യഗാറാര് 3:17

ആണ്ടവാന് നിഗാല്‌ത്തെ, ആണ്ടവാന് നിഗാല് ഇര്‌ക്കുവ പട്ട്‌ല് ആണ്ടവാന് ആസെപഡി നഡാക്ക്യ തഡേസ ഒന്റുമില്ലെ.

2 കൊരിന്ത്യഗാറാര് 3:6

സാമി മന്‌സാരോഡ ബെത്ത പുദ്യ ഒപ്പന്താക്ക് എമാന ഗിലാസഗാറാര് മാഡ്‌നാന്. ഈ ഒപ്പന്ത എ്ള്‌ദി ബെത്ത സട്ടല്ല. സാമി തന്ന് നിഗാല്‌ന കൊഡുക്കുവ ഒപ്പന്തത്തെ ഇദ്. എ്ള്‌ദി ബെത്ത സട്ട സാവു ബര്‌സ്സ്‌ന്റ്. ആന സാമിനിഗാല് ഒപ്പന്ത ഉജുരുന കൊഡുക്കുന്റു.

2 കൊരിന്ത്യഗാറാര് 3:7

ആന കല്ല് പലഗെഗാള്‌ക്ക് കൊത്തി എ്ള്‌ദി തന്ത സട്ടാന മീ്റി നഡാന്താദാന അദ് സാവു ബര്‌സ്സ്‌ന്റ്. ആന ഈ സട്ടാന മോസെ എ്ഡ്‌ത്ത് ബര്‌ഗാട്ടി ഇസ്‌റവേല് ആള്‌ഗാള്‌ക്ക് നോഡ്യ മുഡ്യാത്തത്ത്‌റ ബെ്ഡിപ്പ് മോസെ മോന്തേല് ഇന്ത്‌ദ്. പ്‌റ അയി ബെ്ഡിപ്പ് കൊറേന്ത് കൊണ്ടേ ഇന്ത്‌ദ്.

2 കൊരിന്ത്യഗാറാര് 3:9

പള്യ ഒപ്പന്ത ആള്‌ഗാള്‌ന കുറ്റഗാറാര് എന്റ് ബിദിക്ക്‌ന്റ്. അദ്‌ക്ക് മദ്‌പ്പ് ഇര്‌ക്ക്‌ന്റ്. ആന പുദ്യ ഒപ്പന്ത ആള്‌ഗാള്‌ന നേര്‌മെഗാറാര് മാഡ്‌ന്റ്. അദ് എത്ത്‌റാഗോ മദ്‌പ്പുള്ളാദ്‌ത്തെ.

ഗലാത്ത്യഗാറാര് 3:14

സാമി അവുറഗാമ്‌ക്ക് കൊഡുത്ത ബാക്ക്‌വരഗാള്‌ന ക്‌റ്‌സ്‌ത്ത് ഏസ്സ്‌നാലെ എല്ലാ ജാദിഗാള്‌ക്ക് കെ്ഡേക്ക്യ ബേ്ണ്ടിമ് സാമി കൊഡുക്കുന്റെ എന്റ് സൊല്ലിന്ത തന്ന് നിഗാല്‌ന നമ്മ നമ്പുവാദ്‌നാലെ കെ്ഡേസ്‌നവാരായ ബേ്ണ്ടിമ്‌ത്തെ ക്‌റ്‌സ്‌ത്ത് ഇത്തെ ഗേന്താദ്.

ഗലാത്ത്യഗാറാര് 5:5

ആന ക്‌റ്‌സ്‌ത്ത്‌ന നമ്പുവാദ്‌നാലെ സാമി എമാന നേര്‌മെഗാറാന് മാഡ്‌നാന് എന്റ് സാമിനിഗാല് എമാക്ക് ഒറേപ്പ് തന്റ്. അദ്‌ക്ക് ബേ്ണ്ടി എമ്മ നെഞ്ചഡെബെത്ത് കാത്ത്‌റ്‌ക്ക്‌ന്റേമ്.

എപസോസുഗാറാര് 2:18

അദ് എത്തെന്റ് സൊന്നദാന സാമിപ്‌ള്ളെഗാള്, സാമിപ്‌ള്ളെഗാളല്ലത്തവാര് എന്റ് സൊല്ലുവ അന്ന്യ ജാദിഗാള് എന്റ് റാഡായി പ്‌റ്‌ന്തിന്ത നമ്മൊട്ടുക്കുമു അയി സേദിന നമ്പുവാദ്‌നാലെ ഒന്റേ സാമിനിഗാല്‌ല് അപ്പാനായിര്‌ക്കുവ സാമിക്ക് എ്ണേവ ബാഗ്യ നമാക്ക് കെ്ഡേത്ത്‌ദ്.

2 തെസെലോനിക്ക്യഗാറാര് 2:13

ആണ്ടവാന് സീവാന്‌ബെത്ത് ഏസ്സ്‌ഗാറാര് ആയിര്‌ക്ക്‌ന്റവാരെ, സാമിനിഗാല് നിമാന കവാഡില്ലാത്തവാര് മാഡ്യ ബേ്ണ്ടിമ് നിമ്മ സത്ത്യന നമ്പി തപ്പിസി കഡാക്ക്യ ബേ്ണ്ടിമ്‌ത്തെ മുദാല് താനെ സാമി നിമാന തെരിന്തെ്ഡ്‌ത്ത്‌റ്‌ക്കുവാദ്. അദ്‌നാലെ നിമാക്ക് ബേ്ണ്ടി എമ്മ ഒപ്പ സാമിക്ക് നണ്ണി സൊന്റേമ്.

1 പത്ത്‌റോസു 1:2

അപ്പാന് സാമി മുന്നുക്കെ തെരിന്തിന്ത പാസെ സാമിനിഗാല്‌ന ബെത്ത് സാമിക്ക് പട്ടവാര് മാഡ്‌നവാര്‌മ് അയാള് സൊല്ലുപഡിക്ക് ഇര്‌ക്ക്യ ബേ്ണ്ടി ഏസ്സ് ക്‌റ്‌സ്‌ത്ത് സോരെന തളിത്ത് സുത്താപ്പുള്ളവാര് മാഡ്‌നവാര്‌മ്‌ത്തെ നിമ്മ. നിമാക്ക് സേത്തി സേത്തി സാമി പ്‌ണ്ണ്യാമ് കെ്ഡേക്കുഡൊ, നിമ്മ നല്ല നിമ്മ്‌ദ്യായിമ് ഇര്‌ക്കുഡൊ.