2 കൊരിന്ത്യഗാറാര് 3:5 - സാമി സേദി

⁵ എന്ത്‌ക്കെന്റ് സൊന്ന എമാക്ക് ഇര്‌ക്കുവ തിരമെനാലെ എമ്മ താനെത്തെ ഈ കാര്യഗാള് ഗേന്റേമ് എന്റല്ല എമ്മ സൊല്ലുവാദ്. സാമിത്തെ ഈ കാര്യഗാള്‌ന ഗേയ എമാന തിരമെസാലിഗാള് മാഡ്‌നാദ്.

2 കൊരിന്ത്യഗാറാര് 3:5 ပူးပေါင်းရင်းမြစ်များ

ലൂക്കോസു 21:15

എന്ത്‌ക്കെന്റ് സൊന്ന നിമ്മ് പോട്ടിഗാറാര് ആര്‌ക്ക്‌മ് മുട്ട്യാമ് തിരിക്കി സൊല്ല്യാമ് മുഡ്യാത്ത ദിന്‌സ്‌ല് സൊല്ല്യ മുഡിവ നായഗാള്‌മ് ബുദ്ദിമ് നാന് നിമാക്ക് തരുവെ.

ലൂക്കോസു 24:49

എന്ന് അപ്പാന് നിമാക്ക് തന്റെ എന്റ് ബാക്ക് തന്തിന്താദ്‌ന നാന് നിമാക്ക് സൊല്ലി ബ്‌ഡ്‌വെ. ആന മേലോഗാത്ത്‌ലിന്ത് സക്‌തി നിമാക്ക് ബരമാട്ട്‌ക്ക് നിമ്മ എര്‌സലേമ്‌ല് താനെ കാത്ത്‌റ്‌ക്കുഡൊ>> എന്റ് അവാര്‌ക്ക് സൊന്നാന്.

ഓഗന്നാന് 15:5

നാന് മുന്തിരി കൊഡിമ് നിമ്മ സില്ല്‌ഗാള്‌മ്‌ത്തെ. ഒരുത്താന് എന്ന് കുള്ളുക്കുമു നാന് അവാന് കുള്ളുക്കുമു ഇന്തദാന അയാള് മൊത്തന കായി ബ്‌ഡുവാന്. എനാന തളളി നിമാക്ക് ഒന്റുമു ഗേയ മുഡ്യാമാട്ട.

റോമഗാറാര് 15:18

എഗുദാരല്ലാത്ത ജാദിഗാള്‌ന സാമി സൊല്ലുപഡിക്ക് നഡാക്ക്‌ന്റവാര് മാഡ്യ ബേ്ണ്ടി ക്‌റ്‌സ്‌ത്ത് ഏസ്സ് എനാന ബെത്ത് ഗേസ്‌ന കാര്യഗാള്‌നാമ് സൊന്ന കാര്യഗാള്‌നാമ് അല്ലാദെ ബേ്റൊന്റുനാമ് പറ്റി നാന് സൊല്ല്യ തുണിവാദില്ലെ.

1 കൊരിന്ത്യഗാറാര് 15:10

ആന സാമി പ്‌ണ്ണ്യാത്ത്‌ല്‌ത്തെ നാന് അപ്പോസുത്തലാന് ആനാദ്. സാമി എനാക്ക് ഗേന്ത പ്‌ണ്ണ്യ ഉവഗര ഇല്ലത്താദ് ആഗാലെ. ബേ്റെ അപ്പോസുത്തലാര്‌ന ബ്‌ഡ നാന് മ്‌ഗ്‌ന്ത പാഡ്‌പട്ട്‌റ്‌ന്റെ. നാന് ഒരുത്താന് താനെ എന്തൊന്റു ഗേന്തേന് എന്റല്ല, സാമി പ്‌ണ്ണ്യാത്ത്‌ല്‌ത്തെ നാന് ഇദെല്ല ഗേന്താദ്.

1 കൊരിന്ത്യഗാറാര് 3:10

സാമി പ്‌ണ്ണ്യാത്ത്‌ല് എനാക്ക് കെ്ഡേത്ത തിരമേല് നാന് അറുവുമു ബുദ്ദിമ് ഇര്‌ക്കുവ മുക്ക്യമാന ഒന്റു കെ്ട്ട് ഗിലാസഗാറാനായി ബേസ്‌മട്ട കെ്ട്ട്‌ന്റെ. ബേ്റൊന്റു ഗിലാസഗാറാന് അദ്‌ന കെ്ട്ടി ഉജാത്ത്‌ന്റാന്. ആന ഒന്റൊന്റു ഗിലാസഗാറാന്‌മ് താന് എത്തെ കെ്ട്ട് ഗിലാസ ഗേന്റാന് എന്റ് സൊക്കന നോഡുഡൊ.

1 കൊരിന്ത്യഗാറാര് 3:6

സാമി കാഡ്‌ന പാസെത്തെ നിമ്മ. അയി കാഡ്‌ക്ക് ബെദേന നാട്ട്‌നവാന്‌ന പാസെത്തെ നാന്, അദ്‌ക്ക് നീര് നലേസ്‌നവാന്‌ന പാസെത്തെ അപ്പലോസു, ആന അയി ബെദേന ബളാത്ത്‌നാദ് സാമിത്തെ.

2 കൊരിന്ത്യഗാറാര് 12:9

ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

2 കൊരിന്ത്യഗാറാര് 2:16

ഈ നല്ല ബാഡെ കെ്ട്ട് പോന്റവാര്‌ക്ക് സാവു ബരുസ്സുവ നാറ്റത്തെ. ആന തപ്പിസി കഡാക്ക്‌ന്റ്‌വാര്‌ക്ക് ഈ ബാഡെ ഉജുരുലിന്ത് ഉജുരു കൊഡുക്കുവ ബാഡെത്തെ. അദ്‌നാലെ ഇദ്‌ന ഗേയ തഗ്‌ദ്യുള്ളവാന് ആര്?

2 കൊരിന്ത്യഗാറാര് 4:7

എന്റാല്‌മ് ഈ ദൊഡ്ഡ സക്‌തി എമ്മ് സൊന്തല്ല, സാമിത്ത്‌ത്തെ എന്റ് കാട്ടി കൊഡുക്ക്യ ബേ്ണ്ടി ഈ സൊത്തു ബില ഇല്ലാത്ത മണ്ണ് സട്ടിന പാസെ ഇര്‌ക്കുവ എമ്മ് നെഞ്ച് കുള്ളുക്കുത്തെ തന്ത്‌റ്‌ക്കുവാദ്.

പിലിപ്പ്യഗാറാര് 2:13

എന്ത്‌ക്കെന്റ് സൊന്ന സാമി ആസെപഡുവാദ്‌ന ഗേയ നിമാക്ക് ആസെ തരുവാദ്‌മ് സാമിത്തെ, അദ്‌ന ഗേയ നിമാക്ക് ബില തരുവാദ്‌മ് സാമിത്തെ.

പിലിപ്പ്യഗാറാര് 4:13

ക്‌റ്‌സ്‌ത്ത് എനാന ബിലപഡുസുവാദ്‌നാലെ ഇത്തെ ബരുവ ഏദ് കാര്യഗാള്‌ക്ക്‌മ് നല്ല ദിന്‌സ്‌ല് ഒത്തുപട്ട് പോയ എനാക്ക് മുഡിമ്.

2 തിമിത്തോസു 2:2

എഞ്ചോ ആള്‌ഗാള്‌ക്ക് മുന്നുക്കു നാന് സൊന്ന കാര്യഗാള്‌ന നീ കേ്ട്ട്‌റ്‌ന്റായി. അദ്‌നൊട്ടുക്കു അഡ്‌ത്തവാര്‌ക്ക് സൊല്ലി കൊഡു. അവാര് നിനാക്ക് നമ്പ്യ മുഡിവ ആള്‌ഗാള്‌മ് ആള്‌ഗാള്‌ന പഡിസ്യ മുഡിവ ആള്‌ഗാള്‌മ് ആയിര്‌ക്കുഡൊ.

ആക്കോവു 1:17

നമാക്ക് ബേ്ഡ്‌മാന എല്ലാ നല്ല ബരഗാള്‌നാമ് തരുവാദ് മേലോഗാത്ത്‌ല് അപ്പാനായിര്‌ക്കുവ സാമിത്തെ. അയി സാമിലിന്ത് നല്ലാദ് കെ്ട്ടാദ് മാറി മാറി ബരാഗേ മാട്ട. അയി സാമില് ഒന്റു കൊറേവെ കാണമാട്ടാമ്.