2 കൊരിന്ത്യഗാറാര് 3:17 - സാമി സേദി

¹⁷ ആണ്ടവാന് നിഗാല്‌ത്തെ, ആണ്ടവാന് നിഗാല് ഇര്‌ക്കുവ പട്ട്‌ല് ആണ്ടവാന് ആസെപഡി നഡാക്ക്യ തഡേസ ഒന്റുമില്ലെ.

2 കൊരിന്ത്യഗാറാര് 3:17 ပူးပေါင်းရင်းမြစ်များ

ഓഗന്നാന് 6:63

ഉജുരു തരുവാദ് സാമിനിഗാല്‌ത്തെ. മന്‌സാന് സരിഗല ഒന്റുക്കുമു ഉവഗരപഡുവാദില്ലെ. നാന് നിമാക്ക് സൊന്ന നായഗാള്‌ത്തെ നിമാക്ക് ഉജുരു തരുവ സാമിനിഗാല്.

ഓഗന്നാന് 8:32

അന്നാപ്പ് നിമാക്ക് സത്ത്യ എന്തെന്റ് തെരിമ്. അയി സത്ത്യ നിമാന അഡിമേലിന്ത് ബ്‌ഡ്‌സ്‌മ്>> എന്റ് സൊന്നാന്.

റോമഗാറാര് 8:2

ക്‌റ്‌സ്‌ത്ത് ഏസ്സ്‌ല് ഒന്റായിര്‌ക്കുവാദ്‌നാലെ നമാക്ക് സാമിനിഗാല് തരുവ പുദ്യ പെ്ളേപ്പ് കെ്ഡേത്തിര്‌ക്ക്‌ന്റ്. അത്തെ പാവാക്ക്‌മ് സാവുക്കുമു ആളാക്കി ബെത്ത്‌റ്‌ക്കുവ സട്ടാത്ത്‌ലിന്ത് സാമിനിഗാല് നമാന ബ്‌ഡിസിര്‌ക്ക്‌ന്റ്.

1 കൊരിന്ത്യഗാറാര് 15:45

<<മുദാല് മന്‌സാന് ആദാമ് ഉജുരുള്ളവാനായി തീന്താന്>> എന്റ് സാമി ബൊക്കുലു എ്ള്‌ദിര്‌ക്ക്‌ന്റല്ല. ആന കഡേസില ആദാമ് ഉജുരുന കൊഡുക്കുന്റവാന് ആനാന്.

2 കൊരിന്ത്യഗാറാര് 3:18

ഇത്തെ നമാന മറേത്ത്‌റ്‌ക്കുവ മറെന ആണ്ടവാന് ജറേത്ത് തള്ള്‌ന്റാന്. അത്തെ നമ്മ അയാള്‌ന സൊക്കാന നെപ്പ്‌കെ്ഡേസി കൊണ്ടു മദ്‌പ്പ്‌ക്ക് മേല് മദ്‌പ്പുള്ളവാരായി അയാള് ഉരുവാന പാസെ ആയി കൊണ്ടു ഇര്‌ക്ക്‌ന്റാമ്. ഇത്തെ നമാന മാഡുവാദ് ആണ്ടവാന് നിഗാല്‌ത്തെ.

2 കൊരിന്ത്യഗാറാര് 3:6

സാമി മന്‌സാരോഡ ബെത്ത പുദ്യ ഒപ്പന്താക്ക് എമാന ഗിലാസഗാറാര് മാഡ്‌നാന്. ഈ ഒപ്പന്ത എ്ള്‌ദി ബെത്ത സട്ടല്ല. സാമി തന്ന് നിഗാല്‌ന കൊഡുക്കുവ ഒപ്പന്തത്തെ ഇദ്. എ്ള്‌ദി ബെത്ത സട്ട സാവു ബര്‌സ്സ്‌ന്റ്. ആന സാമിനിഗാല് ഒപ്പന്ത ഉജുരുന കൊഡുക്കുന്റു.

ഗലാത്ത്യഗാറാര് 4:6

നിമ്മ തന്ന് പ്‌ള്ളെഗാള് ആനാദ്‌നാലെ സാമി തന്ന് മഗാന് നിഗാല്‌ന നമ്മ് മനേസ്സ്‌കുളാക്ക് സൊല്ലി ബ്‌ട്ട്‌റ്‌ന്റാന്. അയി നിഗാല് നമ്മ് മനേസ്സ്‌ലിര്‌ക്കുവാദ്‌നാലെ നമാക്ക് സാമിന അപ്പാ, എന്നപ്പാ, എന്റ് ബ്‌ളിക്ക്യ മുഡിന്റ്.

ഗലാത്ത്യഗാറാര് 5:1

അഡിമെഗാളാഗാദെ പെ്ളേക്ക്യത്തെ ക്‌റ്‌സ്‌ത്ത് നമാന ബ്‌ഡ്‌സ്‌നാദ്. പിന്നേമ് നിമ്മ മോസെ ബെത്ത സാമി സട്ടാക്ക് അഡിമെഗാളാഗാദെ ഒറേത്ത് നില്ല്‌ന്.

ഗലാത്ത്യഗാറാര് 5:13

ഏസ്സ്‌ഗാറാരാന എന്ന് എ്ണേവുഗാറാരെ, നിമ്മ ആങ്കീങ്ക് സീവാന്‌ബെത്ത് കയിതാങ്കി നഡാക്ക്യ ബേ്ണ്ടി സട്ടഗാള്‌ക്ക് അഡിമ്യായിന്ത നിമാന അയി അഡിമേലിന്ത് ഏസ്സ് ക്‌റ്‌സ്‌ത്ത് ബ്‌ഡ്‌സ്‌നാന്. അത്തെ ഇര്‌ക്കുവ നിമ്മ ഇന്നി സരിഗലസുഗാക്ക് ബേ്ണ്ടി പാവ ഗേഗാദേന്.

2 തിമിത്തോസു 1:7

നമാന അഞ്ചിക്കെ പ്‌ഡ്‌സി ഒന്റുമു ഗേയ ബ്‌ഡാദെ ബെക്കുവ നിഗാല്‌നല്ല സാമി നമാക്ക് തന്താദ്. മനേസ്സ്‌ക്ക് ദയിര തര്യാമ് അഡ്‌ത്തവാരോഡ സീവാന്‌ബെത്ത് നഡാക്ക്യാമ് കെ്ട്ട ആസെഗാള്‌ക്ക് ആളാഗാത്തവാനായി ഇര്‌ക്ക്യാമ് കയിതാങ്കുവ നിഗാല്‌നാത്തെ സാമി നമാക്ക് തന്താദ്.