2 കൊരിന്ത്യഗാറാര് 3:10 - സാമി സേദി

¹⁰ അദ്‌നാലെ പള്യ ഒപ്പന്തന ബ്‌ഡ പുദ്യ ഒപ്പന്താക്ക് അദിഗ മദ്‌പ്പ് ഇര്‌ക്ക്‌ന്റ്.

2 കൊരിന്ത്യഗാറാര് 3:10 ပူးပေါင်းရင်းမြစ်များ

അപ്പോസുത്തലാര് 26:13

അത്തെ പോഗാട്ടി രാജാവെ, ബട്ടേല് ബെത്ത് ഉച്ചി നേരാത്ത്‌ല് നേരകാല്‌ന ബ്‌ഡ ദൊഡ്ഡ ഒന്റു ബെ്ള്‌സന നാന് കണ്ടെ. അദ് ബാന്‌ലിന്ത് ബന്ത് എനാക്ക്‌മ് എന്നോഡ ബന്തിന്തവാര്‌ക്ക് സുറ്റുമു അഡിത്ത്‌ദ്.

2 കൊരിന്ത്യഗാറാര് 3:11

ഇല്ലാദാവ പള്യ ഒപ്പന്താക്ക് ഇത്ത്‌റ മദ്‌പ്പ് ഇന്തദാന എന്നാല്‌ക്ക്‌മ് ഇര്‌ക്കുവ ഒപ്പന്ത എത്ത്‌റാഗോ ദൊഡ്ഡ മദ്‌പ്പ് ഉള്ളാദ് ആയിര്‌ക്ക്‌മ്.

2 കൊരിന്ത്യഗാറാര് 3:9

പള്യ ഒപ്പന്ത ആള്‌ഗാള്‌ന കുറ്റഗാറാര് എന്റ് ബിദിക്ക്‌ന്റ്. അദ്‌ക്ക് മദ്‌പ്പ് ഇര്‌ക്ക്‌ന്റ്. ആന പുദ്യ ഒപ്പന്ത ആള്‌ഗാള്‌ന നേര്‌മെഗാറാര് മാഡ്‌ന്റ്. അദ് എത്ത്‌റാഗോ മദ്‌പ്പുള്ളാദ്‌ത്തെ.

2 പത്ത്‌റോസു 1:17

<<ഇവാന് എനാക്ക് മെച്ച്‌പ്‌ഡിത്ത മഗാന്: ഇവാന്‌ന എനാക്ക് പിര്യപ്‌ഡിത്ത്‌റ്‌ക്ക്‌ന്റ്>> എന്നുവ ഒന്റു ജദ്ദ ദൊഡ്ഡ മദ്‌പ്പോഡ ഇര്‌ക്കുവ സാമിലിന്ത് ബര്‌ഗാട്ടി അപ്പാനാന സാമിലിന്ത് അയാള്‌ക്ക് മാനാമ് മദ്‌പ്പ്‌മ് കെ്ഡേത്ത്‌ദ്.

ബെ്ളിപട്ട കാര്യ 22:5

അദ്‌ല് ഇന്നി ജാമ ഇര്‌ക്കമാട്ട. സാമ്യാന ആണ്ടവാന് അവാര്‌ക്ക് ബ്‌ളാക്ക് ആയിര്‌ക്കുവാദ്‌നാലെ ബ്‌ളാക്ക് ബെ്ള്‌സാഗൊ നേര ബെ്ള്‌സാഗൊ അവാര്‌ക്ക് തേവില്ലെ. അവാര് എന്നാല്‌ക്ക്‌മ് രാജാവുഗാള്‌ന പാസെ ആളുവാര്.