2 കൊരിന്ത്യഗാറാര് 3:1 - സാമി സേദി

¹ ബേ്റെ ആള്‌ഗാള് ഗേവ പാസെ എമ്മ നിമ്മ് പട്ട്‌ക്ക് ബര്‌ഗാട്ടി എമാന പറ്റി ഉജാത്തി കാട്ടുവ എ്ള്‌ത്ത് ആരാറ്റോഡ ബാങ്കി ബരുഡൊ എന്റ്‌റ്‌ന്റ? അല്ല ബേ്റെ ആള്‌ഗാള് പട്ട്‌ക്ക് എമ്മ പോഗാട്ടി നിമ്മോഡിന്ത് അത്തവ എ്ള്‌ത്ത് ബാങ്കി പോഡൊ എന്റ്‌റ്‌ന്റ?

2 കൊരിന്ത്യഗാറാര് 3:1 ပူးပေါင်းရင်းမြစ်များ

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 10:12

തമ്മാത്തെ ദൊഡ്ഡവാര് എന്റ് നെനേക്ക്‌ന്റവാരോഡ എ്ണേയഗൊ ഇല്ലെ അവാര്‌ക്ക് എ്ണേത്ത് നോഡ്യഗൊ എമ്മ ഒഗേവാദില്ലെ. അവാര് തമ്മ് നെനേപ്പ്‌ല് തമ്മ നല്ലവാര് എന്റ് കണാക്ക് മാഡ്‌ന്റാര്. അദ്‌നാലെ അവാര് ബുദ്ദില്ലത്തവാര്‌ത്തെ.

2 കൊരിന്ത്യഗാറാര് 5:12

എമ്മ പിന്നേമ് എമാന താനെ നിമ്മ് മുന്നുക്കു ബെത്ത് പെരിമെപഡ്യ നോഡുവാദില്ലെ. അദ്‌ക്ക് ബദ്‌ല മനേസ്സ്‌ന നോഡാദെ ആള്‌ന നോഡികൊണ്ടു പെരിമെപഡ്‌ന്റവാര്‌ക്ക് എമാന പറ്റി ബദ്‌ല് സൊല്ലുവ കാര്യഗാള് നിമാക്ക് ഗേന്ത് തര്യാത്തെ എമ്മ നോഡുവാദ്.

അപ്പോസുത്തലാര് 18:27

അപ്പലോസു അയി ഗളിഗെ അഗായാക്ക് പോയ മുഡിവാക്ക്‌നാന്. അദുക്കുള എപസോസു പട്ടണാത്ത്‌ല ഏസ്സ്‌ഗാറാര് അയാള്‌ക്ക് ഒന്റു എ്ള്‌ത്ത് എ്ള്‌ദി ഉദാവി ഗേന്താര്. അഗായ നാഡ്‌ല് ഏസ്സ്‌ന നമ്പ്‌നവാര് അപ്പലോസുന തങ്കാരിക്കുഡൊ എന്റ്‌ത്തെ അയി കത്ത്‌ല് എ്ള്‌ദി ബ്‌ട്ടാദ്. സാമിക്ക് ബേ്റ്‌വായിവെന്താദ്‌നാലെ ഏസ്സ്‌ന നമ്പ്‌നവാര്‌ക്ക് അപ്പലോസു അദ്‌ക്ക് പോനാദ് എത്ത്‌റാഗോ ഉവഗരാറ്റ്.

1 കൊരിന്ത്യഗാറാര് 16:3

നാന് ബന്ത പ്‌റ നിമ്മ സേത്തി ബെത്ത്‌റ്‌ക്കുവ പണന എര്‌സലേമ്‌ക്ക് എ്ഡ്‌ത്ത പോയ നിമ്മ ബ്‌ഡ്യ നെനേക്കുവ ആള്‌ഗാള് കയിക്ക് കൊഡുക്കുന്റെ, ഒന്റു എ്ള്‌ത്ത്‌മ് എ്ള്‌ദി അവാര് കയിക്ക് കൊഡുത്തു അവാര്‌ന നാന് എര്‌സലേമ്‌ക്ക് സൊല്ലി ബ്‌ഡ്‌വെ.

2 കൊരിന്ത്യഗാറാര് 12:19

എമ്മ ഇന്നാല്‌മ് എമാന നിമ്മ് കണ്ണ്‌ക്ക് കുറ്റ ഇല്ലത്തവാര് എന്റ് ബാദിക്ക്യ ബേ്ണ്ടി ഓരാഡ്‌ന്റേമ് എന്റ് നിമ്മ നെനേക്ക്‌ന്റ്‌റ? ഇല്ലെഗേ ഇല്ലെ. സാമി കണ്ണ്‌ക്ക് എമ്മ എത്തെ നായ നൊഡിഡൊ എന്റ് ക്‌റ്‌സ്‌ത്ത് ആസെപഡ്‌ന്റാനൊ അദേപാസെത്തെ എമ്മ നായനൊഡിവാദ്. എനാക്ക് മെച്ച്‌പ്‌ഡിത്ത എ്ണേവുഗാറാരെ, എമ്മ ഈ ഗേവാദെല്ല നിമ്മ് നമ്പിക്കേല് നിമാന ഒറേപ്പ് മാഡ്യത്തെ.

2 കൊരിന്ത്യഗാറാര് 10:8

ആണ്ടവാന് എമാക്ക് അദിഗര തന്ത്‌റ്‌ക്കുവാദ് നിമ്മ് നമ്പിക്കേന കെ്ഡിസ്യല്ല, അദ്‌ന ഒറേപ്പ് മാഡ്യത്തെ. ഈ അദിഗരാത്ത്‌ല് നാന് സെറ്റെ പെരിമെപട്ടാല്‌മ് നാണഗെ്ഡമാട്ടെ.

2 കൊരിന്ത്യഗാറാര് 2:17

ആണ്ടവാന് സേദിന ബിറ്റ് മുദാലുണ്ടാക്കുവ ബേ്റെ എഞ്ചോ ആള്‌ഗാള് ഇര്‌ക്ക്‌ന്റാര്. എമ്മ അത്തവ ആള്‌ഗാള് അല്ല. സാമി എമാന സൊല്ലി ബ്‌ട്ട്‌റ്‌ക്കുവാദ്‌നാലെ ക്‌റ്‌സ്‌ത്ത് ഗിലാസഗാറാരായി സാമി കണ്ണ്‌ക്ക് എമ്മ മനേസ്സാറ നായനൊഡിന്റേമ്.

1 കൊരിന്ത്യഗാറാര് 10:33

എനാക്ക് നല്ലാദ് കെ്ഡേക്കുവ കാര്യന പറ്റി നാന് നെനേക്കുവാദില്ലെ. അഡ്‌ത്തവാര്‌ക്ക് നല്ലാദ് കെ്ഡേക്കുവ കാര്യഗാള്‌നത്തെ നോഡുന്റെ. അത്തെ സാമി അവാര്‌ന കാപാറ്റ്യ ബേ്ണ്ടി നാന് എല്ലാ ദിന്‌സ്‌ല്‌മ് അവാര്‌ന പിര്യപഡ്‌സ്‌ന്റേനല്ല.

1 കൊരിന്ത്യഗാറാര് 4:15

ക്‌റ്‌സ്‌ത്ത്‌ന നമ്പി പെ്ളേക്കുവ പെ്ളേപ്പ്‌ല് നിമാന പഡ്‌സ്‌ന്റവാര് പത്തായിര കണാക്ക് ഇര്‌ക്കുവാര്. എന്റാല്‌മ് നിമാക്ക് അപ്പാന് ഒരുത്താന്‌ത്തെ. അദ് നാന്‌ത്തെ. എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ്‌ന നമ്പ്യ ബേ്ണ്ടി നിമാക്ക് നല്ല സേദിന സൊല്ലി തന്താദ് നാന്‌ത്തെ.

1 കൊരിന്ത്യഗാറാര് 3:10

സാമി പ്‌ണ്ണ്യാത്ത്‌ല് എനാക്ക് കെ്ഡേത്ത തിരമേല് നാന് അറുവുമു ബുദ്ദിമ് ഇര്‌ക്കുവ മുക്ക്യമാന ഒന്റു കെ്ട്ട് ഗിലാസഗാറാനായി ബേസ്‌മട്ട കെ്ട്ട്‌ന്റെ. ബേ്റൊന്റു ഗിലാസഗാറാന് അദ്‌ന കെ്ട്ടി ഉജാത്ത്‌ന്റാന്. ആന ഒന്റൊന്റു ഗിലാസഗാറാന്‌മ് താന് എത്തെ കെ്ട്ട് ഗിലാസ ഗേന്റാന് എന്റ് സൊക്കന നോഡുഡൊ.

റോമഗാറാര് 16:1

നമ്മ് ഏസ്സ്‌ഗാറിസിമ് കെമ്‌കെ്റേല ഏസ്സ്‌ഗാറാര് കൂട്ടാത്ത്‌ല ഗിലാസഗാറിസിമ് ആന പേവന പറ്റി തെര്യ ബേ്ണ്ടി നാന് നിമാക്ക് സൊല്ലുവാദ്:

2 കൊരിന്ത്യഗാറാര് 10:18

തനാന താനെ ദൊഡ്ഡവാന് എന്റ് സൊല്ലുന്റവാനല്ല, ആണ്ടവാന് മദ്‌സ്‌ന്റവാന്‌ക്ക്‌ത്തെ മദ്‌പ്പ് ഇര്‌ക്ക്‌ന്റ്.