2 കൊരിന്ത്യഗാറാര് 2:7 - സാമി സേദി

⁷ നിമ്മ അയാളോഡ പൊറുത്തു അയാള്‌ന ദയിരപഡുസുഡൊ. ഇല്ലെന്റ് കണ്ട അയാള് ഒന്റേപെ്ട്ട് ദുക്കപട്ട് പോവാന്.

2 കൊരിന്ത്യഗാറാര് 2:7 ပူးပေါင်းရင်းမြစ်များ

1 കൊരിന്ത്യഗാറാര് 15:54

ഈ അളിവിര്‌ക്കുവ സരിഗല അളിവില്ലാത്താദ്‌മ് സത്ത് പോവ ഈ സരിഗല സാഗാത്ത സരിഗലാമ് ആയി തീര്‌ഗാട്ടി <<സാവു ഇല്ലാദെ ആയി ഗെലിസി കഡാന്ത്‌റ്‌ന്റാമ്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവാദ് നഡാന്ത് മുഡിമ്.

2 കൊരിന്ത്യഗാറാര് 2:8

അദ്‌നാലെ നിമ്മ അയാളോഡ സീവാന്‌ബെത്ത്‌റ്‌ന്റ്‌റ് എന്റ് ഒറേപ്പ് മാഡുഡൊ എന്റ് നാന് നിമാന ബേ്ണ്ടികൊള്ളുന്റെ.

2 കൊരിന്ത്യഗാറാര് 5:4

ഈ ഉലഗാത്ത്‌ല് ഇര്‌ക്കാട്ടി എമ്മ അര്‌ക്കപട്ട് മുക്കിമൊരേന്ത് കൊണ്ടു ഇര്‌ക്ക്‌ന്റേമ്. ആന ഇന്നാല് എമ്മ ഇര്‌ക്കുവ ഈ സരിഗലന ഇല്ലാദെ മാഡ്യല്ല, അദ്‌ക്ക് ബദ്‌ല സാമി തരുവ സരിഗലന ഒന്റു ഉഡുപ്പു ഇക്കുവ പാസെ ഇക്ക്യാത്തെ എമ്മ ആസെപഡുവാദ്. അത്തെ അളിന്ത് പോഗാത്ത ഉജുരുന ഉദ്ദാക്ക് ഇക്ക്യാത്തെ എമ്മ ആസെപഡുവാദ്.

2 കൊരിന്ത്യഗാറാര് 7:10

എന്ത്‌ക്കെന്റ് സൊന്ന ഉലഗാത്ത്‌ല കാര്യഗാള്‌ക്ക് ബേ്ണ്ടി ഒരുത്താന് ദുക്ക പട്ട അയി ദുക്ക അയാള്‌ക്ക് സാവു ബര്‌സ്സ്‌ന്റ്. ആന സാമി നെനേത്ത പാസെ ദുക്കപഡുവ ഒരുത്താന് തപ്പ് ഗേവാദ്‌ന തെ്റിന്ത് തള്ളി സാമിസാരി തിര്‌ഗ്‌ന്റാന്. അദ് അയാള്‌ന തപ്പിസി കഡാക്ക്യ ബെക്ക്‌ന്റ്.

എപസോസുഗാറാര് 4:32

ഇദ്‌ഗാള്‌നെല്ല തള്ളി നിമ്മ ഗേന്ത കുറ്റഗാള്‌നെല്ല സാമി ഏസ്സ് ക്‌റ്‌സ്‌ത്ത്‌ന ബെത്ത് പൊറുത്തു തന്ത പാസെ നിമ്മാമ് ബേ്റ്‌വേന്റവാരായി ഗവപട്ട് അഡ്‌ത്തവാര് ഗേവ കുറ്റാന പൊറുത്തു നഡാന്.

പിലിപ്പ്യഗാറാര് 2:27

അയാള് നോയായി സായായിന്താന് എന്നുവാദ് നേര്‌ത്തെ. ആന സാമി ബേ്റ്‌വായിവെന്ത് അയാള്‌ന തെ്ള്‌സ്‌നാന്. അത്തെ അയാള്‌ന തെ്ള്‌സ്‌നാദ്‌നാലെ നാന് സേത്തി സേത്തി ദുക്കപഡാദിര്‌ക്ക്യ ബേ്ണ്ടി സാമിക്ക് എനനാമ് കറ്‌മ്മപ്‌ഡിത്ത്‌ദ്.

കൊലേസ്യഗാറാര് 3:13

ആര് എന്തെല്ല ഗേന്താല്‌മ് അദ്‌ന നിമ്മ താങ്ക്‌ന്റവാരായി ഇര്‌ന്, എന്തൊന്റു കുറ്റഗാള് ഇന്തദാന ആണ്ടവാന് നിമാന പൊറുത്ത പാസെ നിമ്മാമ് ആങ്കീങ്ക് പൊറുത്തിര്‌ന്.

1 തെസെലോനിക്ക്യഗാറാര് 4:13

ഏസ്സ്‌ഗാറാരെ, സത്തവാര്‌ന പറ്റി നെഞ്ചഡെ ഇല്ലാത്ത ആള്‌ഗാള്‌ത്തെ അവാര്‌ന നെനേത്ത് ദുക്കപഡുവാദ്. ആന നമ്മാഗൊ അവാര്‌ന മറിസിമ് കാണ്‌ല എന്റ് നെഞ്ചഡെ ബെത്ത്‌റ്‌ക്ക്‌ന്റാമ്. അദ്‌നാലെ സത്തവാര്‌ന പറ്റി ദുക്കപഡാദെ അവാര്‌ന പറ്റി നിമ്മ തെരിന്ത്‌റ്‌ക്കുഡൊ എന്റ് എമ്മ ആസെപഡ്‌ന്റേമ്.

2 തെസെലോനിക്ക്യഗാറാര് 3:6

ഏസ്സ്‌ഗാറാരെ, എമ്മ പഡ്‌സ്‌ന സട്ടപഡി പെ്ളേക്കാദെ കള്ള ബ്‌ന്ത് നഡാക്ക്‌ന്റവാര് ആരാറ്റ നിമ്മ് കൂട്ടാത്ത്‌ല് ഇന്തദാന അയാളോഡ എജേഗാദെ ഇര്‌ക്കുഡൊ എന്റ് നമ്മ് ആണ്ടവാന് ഏസ്സ് ക്‌റ്‌സ്‌ത്ത് തന്ത അദിഗരാത്ത്‌ല് എമ്മ നിമാക്ക് കല്‌പനെ തന്റേമ്.