2 കൊരിന്ത്യഗാറാര് 2:17 - സാമി സേദി17 ആണ്ടവാന് സേദിന ബിറ്റ് മുദാലുണ്ടാക്കുവ ബേ്റെ എഞ്ചോ ആള്‌ഗാള് ഇര്‌ക്ക്‌ന്റാര്. എമ്മ അത്തവ ആള്‌ഗാള് അല്ല. സാമി എമാന സൊല്ലി ബ്‌ട്ട്‌റ്‌ക്കുവാദ്‌നാലെ ക്‌റ്‌സ്‌ത്ത് ഗിലാസഗാറാരായി സാമി കണ്ണ്‌ക്ക് എമ്മ മനേസ്സാറ നായനൊഡിന്റേമ്. အခန်းကိုကြည့်ပါ။ |
2 കൊരിന്ത്യഗാറാര് 2:17
30 ပူးပေါင်းရင်းမြစ်များ
നമ്മ് പെസഗെ നോമ്പി എന്നുവാദ് ക്‌റ്‌സ്‌ത്ത് നമാന ബ്‌ഡ്‌സ്‌നാദ്‌ന നെനേക്കുവാദ്‌ത്തെ. അയി നോമ്പി കെ്ട്ടാദ്‌മ് ആഗാത്താദ്‌മാന പളാക്കഗാള്‌ന ബെത്ത് കൊണ്ടല്ല ഗേവാദ്. അത്തെ ഗേന്ത അദ് പള്യ പുളിര്‌ക്കുവ അഡേല് ഗേവ നോമ്പിത്തെ. അദ്‌ക്ക് ബദ്‌ല കീ്ട്ട്‌ഗ ഇല്ലാത്ത മനേസ്സ്‌ഗാറാര്‌മ് സത്ത്യത്തോഡാമ് ഇര്‌ക്ക്‌ന്റവാര്‌മ് ആയിത്തെ അയി നോമ്പി ഗേഡൊ. അദ്‌ത്തെ പുളില്ലാത്ത അഡേല് ഗേവ നോമ്പി.
ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്.
എമ്മ ഇന്നാല്‌മ് എമാന നിമ്മ് കണ്ണ്‌ക്ക് കുറ്റ ഇല്ലത്തവാര് എന്റ് ബാദിക്ക്യ ബേ്ണ്ടി ഓരാഡ്‌ന്റേമ് എന്റ് നിമ്മ നെനേക്ക്‌ന്റ്‌റ? ഇല്ലെഗേ ഇല്ലെ. സാമി കണ്ണ്‌ക്ക് എമ്മ എത്തെ നായ നൊഡിഡൊ എന്റ് ക്‌റ്‌സ്‌ത്ത് ആസെപഡ്‌ന്റാനൊ അദേപാസെത്തെ എമ്മ നായനൊഡിവാദ്. എനാക്ക് മെച്ച്‌പ്‌ഡിത്ത എ്ണേവുഗാറാരെ, എമ്മ ഈ ഗേവാദെല്ല നിമ്മ് നമ്പിക്കേല് നിമാന ഒറേപ്പ് മാഡ്യത്തെ.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
എന്റാല്‌മ് നിനാന പറ്റി ഈ കുറ്റ എനാക്ക് സൊല്ല്യ ഇര്‌ക്ക്‌ന്റ്. താനൊന്റു സാമിദാസി എന്റ് താന്‌താനെ സൊല്ലികൊണ്ടു എന്ന് ഗിലാസഗാറാര്‌ന കണ്ടപഡിക്ക് നഡാന്ത് ബേസ്യാഡ്യാമ് സെലെഗാള്‌ക്ക് മേല്‌സ ബെത്താദ്‌ന തിന്ന്യാമ് ബുദ്ദി സൊല്ലി കൊഡുത്തു ഏമാത്തി തള്ളുവ ഈസവേല് എന്നുവ പെ്ണ്ണ്‌പ്‌ളെന നീ അത്തേഗേ ഗേയ ബ്‌ട്ട്‌റ്‌ക്ക്‌ന്റായി.
ကြော်ငြာတွေ