2 കൊരിന്ത്യഗാറാര് 2:16 - സാമി സേദി

¹⁶ ഈ നല്ല ബാഡെ കെ്ട്ട് പോന്റവാര്‌ക്ക് സാവു ബരുസ്സുവ നാറ്റത്തെ. ആന തപ്പിസി കഡാക്ക്‌ന്റ്‌വാര്‌ക്ക് ഈ ബാഡെ ഉജുരുലിന്ത് ഉജുരു കൊഡുക്കുവ ബാഡെത്തെ. അദ്‌നാലെ ഇദ്‌ന ഗേയ തഗ്‌ദ്യുള്ളവാന് ആര്?

2 കൊരിന്ത്യഗാറാര് 2:16 ပူးပေါင်းရင်းမြစ်များ

ലൂക്കോസു 2:34

അവാര്‌ന: <<നിമ്മ നലമായി ഇര്‌ന്>> എന്റ് സൊന്ന പ്‌റ സിമ്മ്യോനു മറിയാക്ക് ഇത്തെ സൊന്നാന്: <<ഇസ്‌റവേല് ആള്‌ഗാള്‌ല് എഞ്ചോ ആള്‌ഗാള് തനാന നമ്പി തപ്പിസി കഡാക്ക്യാമ് നമ്പാത്തവാര് കെ്ട്ട് പോയാമ് സാമി ഈ മഗാന എ്ഡ്‌ത്ത് ബെത്ത്‌റ്‌ന്റാന്. ഈ മഗ സാമി ബെത്ത്‌റ്‌ക്കുവ ഒന്റു അഡ്യാള ആയിര്‌ക്കുവാന്. എഞ്ചോ ആള്‌ഗാള് അയാള്‌ന ബേ്ഡ എന്റ് തള്ളുവാര്.

ഓഗന്നാന് 9:39

<<നാന് ഉലഗാക്ക് ബന്ത്‌റ്‌ക്കുവാദ് മന്‌സാര്‌ഗാള്‌ന ബിദിക്ക്യാത്തെ. അത്തെ കുറുഡാര് ആയിര്‌ക്ക്‌ന്റവാര്‌ക്ക് കണ്ണ് കാട്ട്‌മ്, കണ്ണ് കാട്ട്‌ന്റ് എന്റ് നെനേക്ക്‌ന്റവാര്‌ക്ക് കണ്ണ് കുറുഡുമു ബീ്വു>> എന്റ് ഏസ്സ് സൊന്നാന്.

1 കൊരിന്ത്യഗാറാര് 15:10

ആന സാമി പ്‌ണ്ണ്യാത്ത്‌ല്‌ത്തെ നാന് അപ്പോസുത്തലാന് ആനാദ്. സാമി എനാക്ക് ഗേന്ത പ്‌ണ്ണ്യ ഉവഗര ഇല്ലത്താദ് ആഗാലെ. ബേ്റെ അപ്പോസുത്തലാര്‌ന ബ്‌ഡ നാന് മ്‌ഗ്‌ന്ത പാഡ്‌പട്ട്‌റ്‌ന്റെ. നാന് ഒരുത്താന് താനെ എന്തൊന്റു ഗേന്തേന് എന്റല്ല, സാമി പ്‌ണ്ണ്യാത്ത്‌ല്‌ത്തെ നാന് ഇദെല്ല ഗേന്താദ്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.