2 കൊരിന്ത്യഗാറാര് 13:11 - സാമി സേദി11 ഏസ്സ്‌ഗാറാരെ, നാന് ഈ എ്ള്‌ത്ത് എ്ള്‌ദി മുഡിക്കുവ സമ്യാത്ത്‌ല് നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ പിര്യപഡ്‌ന്, നിമ്മ് നമ്പിക്കേല് മ്‌ഗ്‌ന്തവാര് ആയ നിമ്മ ഓരാഡ്‌ന്, നിമ്മ ആങ്കീങ്ക് ദയിര സൊല്ലി നഡാന്, ഒന്റേ മനേസ്സോഡ ഇര്‌ന്, പിര്യപിര്യാത്തോഡ പെ്ളേന്, സീവാന്‌മ് നിമ്മ്‌ദിമ് ഉള്ള സാമി നിമ്മോഡ ഇര്‌ക്കുവാന്. အခန်းကိုကြည့်ပါ။ |
2 കൊരിന്ത്യഗാറാര് 13:11
51 ပူးပေါင်းရင်းမြစ်များ
ആന നിമ്മ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിക്ക് എ്ണേന്ത ദിന്‌സ്‌ല് നല്ലവാരായി നഡാന്ത്‌പ്‌ഡിത്ത് ഗേഡൊ എന്നുവാദ്‌ത്തെ ഇന്നാല് മുക്ക്യമാന കാര്യ. നിമ്മ ഒത്തിമോഡാമ് ഒന്റേ നെനേവോഡാമ് ഇന്ത് നല്ല സേദിന നമ്പുവ കാര്യാത്ത്‌ല്‌മ് സൊല്ലുവ കാര്യാത്ത്‌ല്‌മ് നിമ്മോഡ മുട്ടി നോഡുന്റവാര് മുന്നുക്കു നിമ്മ ഒറേത്ത് നില്ലുഡൊ. നാന് നിമ്മ് പട്ട്‌ക്ക് ബന്ത് നിമാന കണ്ടാല്‌മ് സെരി ഈങ്കിന്ത് കേ്ട്ടാല്‌മ് സെരി ഈ കാര്യന നിമ്മ ഗേന്റ്‌റ് എന്റ് എനാക്ക് കേ്ള്‌ക്കുഡൊ.
ഏസ്സ്‌ഗാറാരെ, കഡേഗല നാന് ഒന്റുഗുഡി സൊല്ലുവാദ് എന്തെന്റ് സൊന്ന: സാമി മെച്ചുവാദ്‌ക്ക് തഗ്‌ന്ത ദിന്‌സ്‌ല് എത്തെ പെ്ളേക്കുഡൊ എന്നുവാദ്‌ന നിമ്മ എമ്മോഡിന്ത് പഡിത്ത്‌റ്‌ന്റ്‌റ്. അദേപാസെത്തെ നിമ്മ ഇന്നാല് പെ്ളേക്ക്‌ന്റ്‌റ്. ആന ഇന്നിമ് സേത്തി സേത്തി സാമിക്ക് മെച്ച്‌പ്‌ഡിക്കുവാദ്‌ക്ക് തഗ്‌ന്ത ദിന്‌സ്‌ല് നിമ്മ പെ്ളേക്കുഡൊ എന്റ് ആണ്ടവാന് ഏസ്സ് അദിഗരാത്ത്‌ല് എമ്മ നിമാക്ക് ബുദ്ദി സൊല്ലി ബേ്ണ്ടി കൊള്ളുന്റേമ്.
നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.
സാമി ആസെപഡുവാദ്‌ന നിമ്മ ഗേയ ബേ്ണ്ടി നിമാക്ക് ബേ്ഡ്‌മാന എല്ലാ നല്ല കാര്യഗാള്‌നാമ് നിമ്മ്‌ദ്യായി ബെക്കുവ സാമി നിമാക്ക് തരുഡൊ എന്റ് നാന് പരേസ്‌ന്റെ. കൊറ്യാഡ്‌ഗാള്‌ത്ത് മുക്ക്യമാന മാട്ട്യാനാന നമ്മ് ആണ്ടവാന് ഏസ്സ്‌ന താന് സൂസുന സോരെനാലെ സാമി സത്തവാര് പട്ട്‌ലിന്ത് ഉജുര്‌ളാക്ക്‌നാന്. സാമി മന്‌സാരോഡ ബെത്ത എന്നാല്‌ക്ക്‌മ് ഇര്‌ക്കുവ ഒപ്പന്ത അയി സോരെന ബെത്ത്‌ത്തെ നഡാക്ക്യ പ്‌ഡിത്താദ്. അയി സാമി ഏസ്സ് ക്‌റ്‌സ്‌ത്ത്‌ന ബെത്ത് തനാക്ക് മെച്ച്‌പ്‌ഡിത്താദ്‌ന നിമ്മ് മനേസ്സ്‌കുള്ളുക്കു ഗേഡൊ എന്റ്‌മ് നാന് പരേസ്‌ന്റെ. അയാള്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.
ကြော်ငြာတွေ