2 കൊരിന്ത്യഗാറാര് 13:10 - സാമി സേദി

¹⁰ ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

2 കൊരിന്ത്യഗാറാര് 13:10 ပူးပေါင်းရင်းမြစ်များ

1 കൊരിന്ത്യഗാറാര് 4:21

നാന് എത്തെ നിമ്മ് പട്ട്‌ക്ക് ബരുഡൊ എന്റ് നിമ്മ ആസെപഡ്‌ന്റ്‌റ്? ബഡ്യോഡ ബര്യാഗ? ഇല്ലെ സീവാന്‌പട്ട് കൊണ്ടുമു ഗവപട്ട് കൊണ്ടുമു ബര്യാഗ?

1 കൊരിന്ത്യഗാറാര് 5:4

അത്തെ ആണ്ടവാന് ഏസ്സ് സക്‌ത്യോഡൊപ്പ നിമ്മാമ് എന്ന് ഉജുരുകെ്ളേമ് ഒന്റായി കൂഡി ബരുഡൊ.

2 കൊരിന്ത്യഗാറാര് 10:2

എമ്മ ഈ ഉലഗാത്ത്‌ലവാര് പെ്ളേക്കുവ പാസെത്തെ പെ്ളേക്കുവാദ് എന്റ് സൊന്റവാരോഡ കഡ്‌പ്പത്തോഡ നായ സൊല്ല്യത്തെ നാന് ആസെപഡ്‌ന്റെ. ആന നാന് നിമ്മ് പട്ട്‌ക്ക് ബര്‌ഗാട്ടി എനാന അത്തവ നായ സൊല്ല്യ ബെക്കാദേന് എന്റ് നാന് നിമാന ബേ്ണ്ടികൊള്ളുന്റെ.

2 കൊരിന്ത്യഗാറാര് 10:4

ഈ ഉലഗാത്ത്‌ലവാര് തമ്മ് പോട്ടിഗാറാരോഡ ജുദ്ദ ഗേയ എ്ഡ്‌ക്കുവ ജാദിഗാളല്ല എമ്മ എ്ഡ്‌ക്കുവാദ്. എമാക്ക് ഇര്‌ക്കുവ ജാദിഗാള് മ്‌ഗ്‌ന്ത സാമി സക്‌ത്യുള്ളാദ്‌ത്തെ. പട്ടളഗാറാര് തമ്മ് പോട്ടിഗാറാര് കോട്ടെഗാള്‌ന ഇ്ഡിത്ത് തള്ളുവ പാസെ അദ്‌ന ബെത്ത് എമ്മ പോട്ടിഗാറാര് സക്‌തിന ദൂളു പറാത്ത്‌ന്റേമ്. മന്‌സാന് തപ്പായി ബാദിക്കുവ എല്ലാ കാര്യഗാള്‌നാമ് ഇല്ലാദെ മാഡ്‌ന്റേമ്.

2 കൊരിന്ത്യഗാറാര് 10:8

ആണ്ടവാന് എമാക്ക് അദിഗര തന്ത്‌റ്‌ക്കുവാദ് നിമ്മ് നമ്പിക്കേന കെ്ഡിസ്യല്ല, അദ്‌ന ഒറേപ്പ് മാഡ്യത്തെ. ഈ അദിഗരാത്ത്‌ല് നാന് സെറ്റെ പെരിമെപട്ടാല്‌മ് നാണഗെ്ഡമാട്ടെ.

2 കൊരിന്ത്യഗാറാര് 13:2

നാന് റണ്ടാവാദ്‌മ് നിമ്മ് പട്ട്‌ക്ക് ബന്ത്‌റ്‌ക്കാട്ടി പാവ ഗേന്തവാര്‌ക്ക്‌മ് ബേ്റെ എല്ലാവാര്‌ക്ക്‌മ് നാന് ഇന്നി ബന്ത പൊറുക്കമാട്ടെ എന്റ് സൊല്ലിന്തെ. ഇന്നാല് നാന് ദൂരാത്ത്‌ലിന്ത് കൊണ്ടുമു പൊറുക്കമാട്ടെ എന്റ് അദേ കാര്യന താനെത്തെ സൊന്റെ.

2 കൊരിന്ത്യഗാറാര് 13:8

സത്ത്യാക്ക് ബേ്ണ്ട്യല്ലാദെ സത്ത്യാക്ക് എദ്‌റായി എമാക്ക് ഒന്റുമു ഗേയ മുഡ്യാമാട്ട.

2 കൊരിന്ത്യഗാറാര് 2:3

നാന് നിമ്മ് പട്ട്‌ക്ക് ബര്‌ഗാട്ടി എനാന പിര്യപഡിസ്യ ഉള്ളവാര്‌ലിന്ത് എനാക്ക് സങ്കഡ ബരാദിര്‌ക്ക്യ ബേ്ണ്ടിത്തെ നാന് അയി എ്ള്‌ത്ത് എ്ള്‌ദ്‌നാദ്. എന്ത്‌ക്കെന്റ് സൊന്ന നാന് പിര്യപിര്യാത്തിന്ത നിമ്മാമ് പിര്യപിര്യാത്ത് ഇര്‌ക്കുവുറു എന്റ് എനാക്ക് ഒറേപ്പിര്‌ക്ക്‌ന്റ്.

2 കൊരിന്ത്യഗാറാര് 6:6

എമ്മ കവാഡില്ലാത്തവാര് ആയിമ്, അറുവുള്ളവാര് ആയിമ്, പൊറിമുള്ളവാര് ആയിമ്, ഗവപഡ്‌ന്റവാര് ആയിമ്, സീവാന് ഉള്ളവാര്‌മ് ആയിമ്, സാമിനിഗാല് ഉള്ളവാര് ആയിമ് പെ്ളേത്ത് സാമിത്ത് നല്ല ഗിലാസഗാറാര് എന്റ് കാട്ടി കൊഡുക്കുന്റേമ്. എമ്മ എല്ലാ ആള്‌ഗാളോഡാമ് സാമി സീവാന്‌ല്‌ത്തെ നഡാന്ത്‌പ്‌ഡിത്ത് ഗേന്തേമ്.

തീത്തോസു 1:13

അയി ബുദ്ദിസാലിഗാറാന് സൊന്നാദ് നേര്‌ത്തെ. അദ്‌നാലെ അവാര്‌ന കാര്യമായി നൊഡിഡൊ. അന്നാപ്പ് അവാര് ഒറേപ്പായി നമ്പുവാര്.