2 കൊരിന്ത്യഗാറാര് 12:9 - സാമി സേദി

⁹ ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

2 കൊരിന്ത്യഗാറാര് 12:9 ပူးပေါင်းရင်းမြစ်များ

മത്തായി 28:18

അദുക്കുള ഏസ്സ് അവാരര്‌ഗെ പോയി: <<മേലോഗനാമ് ബൂമിനാമ് ആള്‌വാദ്‌ക്കുള്ള എല്ലാ അദിഗരനാമ് എനാക്ക് തന്ത്‌റ്‌ക്ക്‌ന്റാന്.

മത്തായി 28:20

നാന് നിമാക്ക് സൊല്ലിര്‌ക്കുവ കാര്യഗാള്‌ക്ക് കെ്ട്ട്‌പട്ട് നഡാക്ക്യ അവാര്‌ക്ക് പഡ്‌സ്‌ന്. ഉലഗ കഡേസി മാട്ട്‌ക്ക് നാന് നിമ്മോഡൊപ്പ ഇര്‌ക്കുവെ>> എന്റ് സൊന്നാന്.

ലൂക്കോസു 21:15

എന്ത്‌ക്കെന്റ് സൊന്ന നിമ്മ് പോട്ടിഗാറാര് ആര്‌ക്ക്‌മ് മുട്ട്യാമ് തിരിക്കി സൊല്ല്യാമ് മുഡ്യാത്ത ദിന്‌സ്‌ല് സൊല്ല്യ മുഡിവ നായഗാള്‌മ് ബുദ്ദിമ് നാന് നിമാക്ക് തരുവെ.

1 കൊരിന്ത്യഗാറാര് 10:13

പൊദുവുലു മന്‌സാര്‌ഗാള്‌ക്ക് ബരുവ സോദണെഗാള്‌ത്തെ നിമാക്ക് ബന്ത്‌ദ്. നിമാക്ക് താങ്ക്യ മുഡ്യാത്തത്ത്‌റ സോദണെ ബര്യ സാമി ബ്‌ഡമാട്ടാന്. എന്ത്‌ക്കെന്റ് സൊന്ന സാമി നമ്പ്യ മുഡിന്റവാന്‌ത്തെ. നിമാക്ക് സോദണെ ബര്‌ഗാട്ടി അദ്‌ന താങ്കി തപ്പിസി കഡാക്ക്യ സാമി നിമാന ബിലപഡുസുവാന്.

1 കൊരിന്ത്യഗാറാര് 15:10

ആന സാമി പ്‌ണ്ണ്യാത്ത്‌ല്‌ത്തെ നാന് അപ്പോസുത്തലാന് ആനാദ്. സാമി എനാക്ക് ഗേന്ത പ്‌ണ്ണ്യ ഉവഗര ഇല്ലത്താദ് ആഗാലെ. ബേ്റെ അപ്പോസുത്തലാര്‌ന ബ്‌ഡ നാന് മ്‌ഗ്‌ന്ത പാഡ്‌പട്ട്‌റ്‌ന്റെ. നാന് ഒരുത്താന് താനെ എന്തൊന്റു ഗേന്തേന് എന്റല്ല, സാമി പ്‌ണ്ണ്യാത്ത്‌ല്‌ത്തെ നാന് ഇദെല്ല ഗേന്താദ്.

1 കൊരിന്ത്യഗാറാര് 2:3

നാന് നിമ്മ് പട്ട്‌ല് തിരമെ ഇല്ലത്തവാനായി അഞ്ചിക്കെപട്ട് സദ്‌റബെ്ട്ടി കൊണ്ടുമുത്തെ ഇന്താദ്.

1 കൊരിന്ത്യഗാറാര് 2:5

അത്തെ സാമി സക്‌തിന തെരിന്ത്‌ത്തെ നിമ്മ നമ്പ്‌ന്റവാര് ആഡൊ, അല്ലാദെ മന്‌സാര് ബുദ്ദിനാമ് അറുവുനാമ് ബെത്തല്ല നമ്പുവാദ്.

2 കൊരിന്ത്യഗാറാര് 11:30

നാന് പെരിമെപഡുവദാന നാന് ഒന്റുക്കുമു തഗ്‌ദില്ലാത്താവാന് എന്നുവ കണാക്ക്‌ല്‌ത്തെ പെരിമെപഡുവെ.

2 കൊരിന്ത്യഗാറാര് 12:1

അവനവാന്‌ന പറ്റി താനെ പെരിമെപഡുവാദ് ഉവഗര ഇല്ലെ. എന്റാല്‌മ് എനാക്ക് അത്തെ ഗേന്തെ തീരുഡൊ. ആണ്ടവാന് എനാക്ക് തന്ത തോറ്റഗാള്‌നാമ് കാട്ടി തന്ത കാര്യഗാള്‌നാമ് പറ്റി നാന് ഇന്നി സൊല്ല്യ പോന്റെ:

2 കൊരിന്ത്യഗാറാര് 12:10

അദ്‌നാലെ ക്‌റ്‌സ്‌ത്ത്‌ക്ക് ബേ്ണ്ടി കൊറേവുള്ളവാന് ആയിര്‌ക്ക്യാമ്, നാണഗെ്ഡ്യാമ്, കജട്ടപഡ്യാമ്, കൊഡിമെപഡ്യാമ്, ബുദ്ദിമുട്ടുപഡ്യാമ് നാന് പിര്യ ഉള്ളവാന്‌ത്തെ. എന്തെക്കെന്റ സൊന്ന കൊറേവു ഉള്ളവാന് ആയിര്‌ക്കാട്ടി താനെ ക്‌റ്‌സ്‌ത്ത് സക്‌തിനാലെ നാന് സക്‌ത്യുള്ളവാന്‌ത്തെ.

2 കൊരിന്ത്യഗാറാര് 12:15

നിമാന കയിതാങ്ക്യ ബേ്ണ്ടി നാന് എനാക്ക് ഇര്‌ക്കുവാദ്‌ന ഒട്ടുക്കുമു നാന് പിര്യപിര്യാത്ത് സിലാവു മാഡുവെ. അദ്‌താനേമല്ല നിമാന കയിതാങ്ക്യ ബേ്ണ്ടി നാന് എനാന താനേമ് പിര്യപിര്യാത്ത് ഒപ്പിസി തരുവെ. നാന് നിമാന അദിഗ സീവാന്‌പഡുവാദ്‌നാലെ നിമ്മ സെറ്റെന്റാല് എനാന സീവാന്‌പഡുവുറ?

2 കൊരിന്ത്യഗാറാര് 12:5

അയി മന്‌സാന്‌ന പറ്റി നാന് പെരിമെപഡുവെ. ആന എനാന പറ്റി നാന് ഒന്റുക്കുമു തഗ്‌ദില്ലാത്താവാന് എന്നുവ ദിന്‌സ്‌ല്‌ത്തെ പെരിമെപഡുവെ.

എപസോസുഗാറാര് 3:16

അയി സാമിക്കിര്‌ക്കുവ പേര്‌പെരിമെ എത്ത്‌റ ദൊഡ്ഡാദൊ അദ്‌ക്ക് തഗ്‌ന്ത ദിന്‌സ്‌ല് അയി സാമി തന്ന് നിഗാല്‌ന ബെത്ത് നിമ്മ് നെഞ്ച്‌ന ദയിരപഡുസുഡോമെ.

പിലിപ്പ്യഗാറാര് 4:13

ക്‌റ്‌സ്‌ത്ത് എനാന ബിലപഡുസുവാദ്‌നാലെ ഇത്തെ ബരുവ ഏദ് കാര്യഗാള്‌ക്ക്‌മ് നല്ല ദിന്‌സ്‌ല് ഒത്തുപട്ട് പോയ എനാക്ക് മുഡിമ്.

കൊലേസ്യഗാറാര് 1:11

അദ്‌താനേമല്ല, ക്‌റ്‌സ്‌ത്ത് തനാക്ക് ബന്ത കജട്ടഗാള്‌ന പിര്യപിര്യാത്ത് താങ്ക്‌ന പാസെ നിമാക്ക് ബരുവ കജട്ടഗാള്‌നാമ് പൊറിമോഡ താങ്കുവാദ്‌ക്കുള്ള സക്‌തി നിമാക്ക് കെ്ഡേക്ക്യ ബേ്ണ്ടിമ് പരേസ്‌ന്റേമ്.

1 തിമിത്തോസു 1:14

നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.

എവുറായാര് 11:34

കത്തി എരേവ തീന കെ്ഡ്‌സ്‌നാര്, ബാള്‌ല് കൊല്ല്യപഡുവാദ്‌ലിന്ത് തപ്പ്‌സ്‌നാര്. അവാര് മുജുവില്ലത്തവാര് ആയിന്ത് ഗുഡി മുജുവുള്ളവാരാനാര്. അവാര് ജുദ്ദ ഗേവാദ്‌ല് ഗട്ടിഗാറാര് ആയിന്താര്. അവാര് അന്ന്യ നാഡ് പട്ടളഗാറാര്‌ന മുഡിക്കി ബ്‌ട്ടാര്.

എവുറായാര് 4:16

അദ്‌നാലെ ദയിരത്തോഡ പ്‌ണ്ണ്യ ഗേന്റവാനാന സാമി കുറിഞ്ചി പട്ട്‌ക്ക് പോഗാന്. അദ്‌ല് ബെത്ത് സാമി നമാന ഗവാമ് പഡുവാന്, തേവെപഡുവ ഗളിഗേക്കെല്ല പ്‌ണ്ണ്യ നമാക്ക് ഉദാവ്യായിമ് കെ്ഡേക്ക്‌മ്.