2 കൊരിന്ത്യഗാറാര് 12:6 - സാമി സേദി

⁶ നാന് പെരിമെപട്ടാല്‌മ് നാന് ബുദ്ദിഗെ്ട്ടവാന് ആഗമാട്ടെ. എന്ത്‌ക്കെന്റ് സൊന്ന നാന് സൊല്ലുവാദ് സത്ത്യത്തെ. നാന് സൊല്ലുവാദ്‌ന കേ്ട്ട്‌മ് നാന് ഗേവാദ്‌ന കണ്ട്‌മ് അല്ലാദെ ആര്‌മ് എനാന പെരിമെപഡുഡൊ എന്റ് നാന് ആസെപഡുവാദില്ലെ.

2 കൊരിന്ത്യഗാറാര് 12:6 ပူးပေါင်းရင်းမြစ်များ

റോമഗാറാര് 9:1

ക്‌റ്‌സ്‌ത്ത്‌ക്ക് എ്ണേന്ത്‌റ്‌ക്കുവ നാന് സത്ത്യ സൊല്ലുന്റെ, നാന് സൊല്ലുവാദ് ഉറുട്ടല്ല. എന്ന് കൂട്ടാരായിര്‌ക്കുവ എന്ന് ബമ്മേസാഗാറാര്‌ന നെനേത്ത് എന്ന് മനേസ്സ് ബെന്ത്‌ഡിന്റ്, ദൊഡ്ഡ അര്‌ക്കാമ് പഡ്‌ന്റെ. നാന് സൊല്ലുവാദ് നേര് എന്റ് സാമിനിഗാല് എന്ന് മനേസ്സ്‌ക്ക് ഒറേപ്പ് തന്റ്.

1 കൊരിന്ത്യഗാറാര് 3:5

അപ്പലോസു അത്ത്‌റ ദൊഡ്ഡവാന? പവുലോസു എന്നുവ നാന് അത്ത്‌റ ദൊഡ്ഡവാന? അല്ല. നിമ്മ ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കേല് നിമാന ഒറേത്തവാര് മാഡ്യ ബേ്ണ്ടി നിമാന കയിതാങ്ക്യ ബെത്ത്‌റ്‌ക്കുവ ബെ്റ് നോട്ടഗാറാര്‌ത്തെ എമ്മ. ആണ്ടവാന് തന്ത ഗിലാസഗാള്‌നത്തെ എമ്മ ഒന്റൊന്റാള്‌മ് ഗേന്റേമ്.

2 കൊരിന്ത്യഗാറാര് 1:18

സാമി താന് സൊന്ന ബാക്ക്‌ക്ക് മാറ്റ ബര്‌സ്സാദെ ഗേവ പാസെ എമ്മ സൊന്ന ബാക്ക്‌മ് സെരി എന്റ് സൊന്ന സെരിത്തെ ആയിര്‌ക്ക്‌മ്.

2 കൊരിന്ത്യഗാറാര് 11:16

എനാന ആര്‌മ് ബുദ്ദിഗെ്ട്ടവാന് എന്റ് നെനേക്ക ബേ്ഡ എന്റ് നാന് പിന്നേമ് നിമാക്ക് സൊന്റെ. ഇന്നി ആരാറ്റ എനാന പറ്റി അത്തെ നെനേക്കുവദാന എനാക്ക്‌മ് ലേസ പെരിമെപഡ്യ ബേ്ണ്ടി എനാന ബുദ്ദിഗെ്ട്ടവാനായി താനെ തങ്കാരിന്.

2 കൊരിന്ത്യഗാറാര് 11:31

നമ്മ് ആണ്ടവാന് ഏസ്സ്‌ക്ക് അപ്പാനായിര്‌ക്കുവ സാമിക്ക് എന്നാല്‌ക്ക്‌മ് മദ്‌പ്പ് കെ്ഡേക്കുഡൊ, നാന് സൊല്ലുവാദ് ഉറുട്ടല്ല എന്റ് സാമിക്ക് തെരിന്റ്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 12:7

എനാക്ക് ബന്ത അദിസ്യമാന തോറ്റഗാള്‌ന സൊല്ലി നാന് അദിഗ പെരിമെപഡാദിര്‌ക്ക്യ ബേ്ണ്ടി എന്ന് സരിഗലാത്ത്‌ല് ഒന്റു മുള്ളു കുത്തുവ പാസെ ഇര്‌ക്കുവ കജട്ടന നാന് പട്ട്‌കൊണ്ടു ഇര്‌ക്ക്‌ന്റെ. ഇദ് എനാന കജട്ടപഡിസ്യ ബെത്ത്‌റ്‌ക്കുവ സെയിത്താന് ദൂദാന്‌ത്തെ.

2 കൊരിന്ത്യഗാറാര് 5:13

എമ്മ ബുദ്ദിബോദ ഇല്ലത്തവാര്‌ന പാസെ ഗേവദാന അദ് സാമിക്ക് ബേ്ണ്ടിത്തെ. എമ്മ ബുദ്ദിബോദ ഉള്ളവാര്‌ന പാസെ ഗേവദാന അദ് നിമാക്ക് ബേ്ണ്ടിത്തെ.

2 കൊരിന്ത്യഗാറാര് 7:14

നാന് അയാള്‌ക്ക് നിമാന പറ്റി സൊല്ലി പെരിമെപട്ടെ. എമ്മ എല്ലാ കാര്യാത്ത്‌ല്‌മ് നിമാക്ക് സത്ത്യന താനെത്തെ സൊല്ലിര്‌ക്ക്‌ന്റേമ്. നിമാന പറ്റി നാന് പെരിമെപട്ട് അയാള്‌ക്ക് സൊന്ന കാര്യഗാള് നേര്‌ത്തെ എന്റ് അയാള് അദ്‌ക്ക് ബര്‌ഗാട്ടി കണ്ടാന്. അദ്‌നാലെ എനാക്ക് നാണപഡുവ ഗെദി ബരാലെ.