2 കൊരിന്ത്യഗാറാര് 12:4 - സാമി സേദി

⁴ മന്‌സാന്‌ക്ക് സൊല്ലി ഗെലിസ്യ മുഡ്യാത്താദ്‌മ് നാവെ്ഡ്‌ത്ത് സൊല്ല്യ പാഡില്ലാത്താദ്‌മ് ആന കാര്യഗാള്‌ന അയാള് കേ്ട്ടാന്.

2 കൊരിന്ത്യഗാറാര് 12:4 ပူးပေါင်းရင်းမြစ်များ

ലൂക്കോസു 23:43

അദുക്കുള ഏസ്സ് അയാള്‌ക്ക്: <<നീ ഇന്റ് എന്നോഡൊപ്പ പറ്‌ദീസാല് ഇര്‌ക്കുവായി എന്റ് നാന് സത്ത്യമായി നിനാക്ക് സൊന്റെ>> എന്റ് സൊന്നാന്.

അപ്പോസുത്തലാര് 8:39

അവാര് നീര്‌ലിന്ത് ഏ്ട്ടിക്ക് ഏ്റ്‌ഗാട്ടി സാമിനിഗാല് പീലിപോസുന എ്ഡ്‌ത്ത് പോനാന്. അയി പെ്ണ്ട്‌രിപെ്ണ്യാന് പിന്നെ അയാള്‌ന കാണാലെ. എന്റാല്‌മ് അയാള് പിര്യപിര്യത്തോഡ പിന്നെ നഡാക്ക്യ പ്‌ഡിത്താന്.

1 കൊരിന്ത്യഗാറാര് 13:1

നാന് മന്‌സാര് നായാത്ത്‌ലൊ ദൂദാര് നായാത്ത്‌ലൊ നായനൊഡിന്താല്‌മ് എനാക്ക് സീവാന് ഇല്ലാദെ പോന നാന് ബെ്റ്‌ദെ ഓസെ്റിവ മണിന പാസേമ് ജെല്‌ങ്കുവ ജെലികുന്റിന പാസേമ്‌ത്തെ.

2 കൊരിന്ത്യഗാറാര് 12:2

ക്‌റ്‌സ്‌ത്തോഡ ഒന്റായി ഇര്‌ക്കുവ ഒന്റു മന്‌സാന്‌ന പറ്റി എനാക്ക് തെരിമ്. അയാള്‌ന പദ്‌നാല് ബര്‌സ്സ മുന്നുക്കു മൂറാവാദ് സൊറുഗ മാട്ട്‌ക്ക് എ്ഡ്‌ത്ത് പോനാന്. സരിഗലത്തോഡഗൊ ഇന്നി സരിഗല ഇല്ലാദെത്തേഗൊ എ്ഡ്‌ത്ത് പോനാദ് എന്റ് എനാക്ക് തെര്യ. ആന സാമിക്ക് തെരിന്റ്.

1 തെസെലോനിക്ക്യഗാറാര് 4:17

പ്‌റ ഇന്നാല് ഉജുരോഡ മിച്ച ഇര്‌ക്കുവ നമ്മ സത്തിന്ത് ഉജുര്‌ളാഗ്‌നവാരോഡൊപ്പ ബാന്‌ല് ആണ്ടവാന്‌ന കാണ്യ മഞ്ച്‌ല് ഒന്റായി പോല. അത്തെ നമ്മ എന്നാല്‌ക്ക്‌മ് ആണ്ടവാനോഡൊപ്പ ഇര്‌ക്ക്‌ല.

ബെ്ളിപട്ട കാര്യ 12:5

ബൂമില എല്ലാ ആള്‌ഗാള്‌നാമ് ഇര്‌മ്പ് ബഡി എ്ഡ്‌ത്ത് ആള്യ ഉള്ള ഒന്റു ഗണ്ട് മഗാന അവാള് എ്ഡ്‌ത്താള്. ആന അവാള് മഗാന സാമി പട്ട്‌ക്ക്‌മ് അയാള് കുറിഞ്ചി പട്ട്‌ക്ക്‌മ് സട്ടന എ്ഡ്‌ത്താന്.

ബെ്ളിപട്ട കാര്യ 2:7

സാമിനിഗാല് ഏസ്സ്‌ഗാറാര് കൂട്ടഗാള്‌ക്ക് സൊല്ലുവാദ് എന്തെന്റ് കേ്ള്‌ക്ക്യ മുഡിന്റവാര് കേ്ള്‌ക്കുഡൊ. ഗെലിസി കഡാക്ക്‌ന്റവാന്‌ന സാമി ദോട്ടാത്ത്‌ലിര്‌ക്കുവ ഉജുരു തരുവ മര പഗാന തിന്ന്യ നാന് ബ്‌ഡ്‌വെ.>>