2 കൊരിന്ത്യഗാറാര് 12:12 - സാമി സേദി

¹² നാന് നിമ്മ് പട്ട്‌ല് അഡ്യാളഗാള്‌മ് അദിസ്യഗാള്‌മ് ആന മ്‌ഗ്‌ന്ത കാര്യഗാള് ഗേന്ത്‌റ്‌ന്റെ. ഇദ് നാന് ഒന്റു അപ്പോസുത്തലാന് എന്നുവാദ്‌ക്ക് തെ്ള്‌വു തന്റല്ല?

2 കൊരിന്ത്യഗാറാര് 12:12 ပူးပေါင်းရင်းမြစ်များ

ഓഗന്നാന് 4:48

ഏസ്സ് അയാള്‌ക്ക്: <<നിമ്മ അഡ്യാളഗാള്‌മ് അദിസ്യഗാള്‌മ് കാണാദെ പോന നമ്പാഗേമാട്ട്‌റ്‌ല്ല?>> എന്റ് സൊന്നാന്.

1 കൊരിന്ത്യഗാറാര് 14:18

നിമ്മ എല്ലാവാര്‌ന ബ്‌ഡ നെപ്പ് കെ്ഡേക്കാത്ത നായഗാള് നാന് അദിഗ സൊന്റെ. അദ്‌നാലെ നാന് സാമിക്ക് ഒഗെ ഇക്ക്‌ന്റെ.

2 കൊരിന്ത്യഗാറാര് 11:4

എന്ത്‌ക്കെന്റ് സൊന്ന ബേ്റെ ഒന്റൊരുത്താന് ബന്ത് എന്ത്‌ന സൊന്നാല്‌മ് നിമ്മ അദ്‌ന കേ്ള്‌ക്ക്‌ന്റ്‌റ്. അവാര് സൊല്ലുവ ഏസ്സ് ആരെന്റൊ അവാര് സൊല്ലുവ നിഗാല് ഏദെന്റൊ അവാര് സൊല്ലുവ സേദി നല്ല സേദി എന്റൊ പൊല്ല സേദി എന്റൊ നിമ്മ നെപ്പ്‌കെ്ഡേസാദെ അദ്‌നെല്ല കാദ്‌ക്ക് ഇക്ക്‌ന്റ്‌റ്.

2 കൊരിന്ത്യഗാറാര് 11:6

നാന് നായ സൊല്ല്യ തഗ്‌ദി ഇല്ലത്തവാന് ആയിന്താല്‌മ് നാന് അറുവില്ലാത്തവാന് അല്ല. എല്ലാ കാര്യഗാള്‌ല്‌മ് എമ്മ അദ്‌ന നിമാക്ക് കാട്ടി തന്ത്‌റ്‌ന്റേമ്.

2 കൊരിന്ത്യഗാറാര് 4:2

സൂഗാന ഗേവ എല്ലാ നാണഗെ്ട്ട കാര്യഗാള് എമ്മ ഗേവാദില്ലെ. ആള്‌ഗാള്‌ന ഏമാത്തുവ കാര്യഗാളൊ സാമി സൊല്ലുസുലാക്കന തപ്പായി പഡിസി കൊഡുക്കുവാദൊ ഒന്റുമു എമ്മ ഗേവാദില്ലെ. സത്ത്യാന താനെത്തെ എമ്മ ആള്‌ഗാള്‌ക്ക് പഡിസി കൊഡുക്കുവാദ്. അത്തെ സാമി കണ്ണ്‌ക്ക് എമ്മ ആര് എന്റ് എല്ലാ ആള്‌ഗാള്‌ക്ക്‌മ് കാട്ടി കൊഡുക്കുന്റേമ്.