2 കൊരിന്ത്യഗാറാര് 11:7 - സാമി സേദി

⁷ സാമി സേദിന നാന് നിമാക്ക് സൊന്നാദ്‌ക്ക് ബേ്ണ്ടി എനാക്ക് കൂലി ആയി നിമ്മോഡിന്ത് ഒന്റുനാമ് എ്ഡ്‌ക്കാലെ. അത്തെ നിമാന ഉജാത്ത്യ ബേ്ണ്ടി എനാന താനെ തണിന്തവാന് മാഡ്‌നാദ് നാന് ഗേന്ത കുറ്റാഗ?

2 കൊരിന്ത്യഗാറാര് 11:7 ပူးပေါင်းရင်းမြစ်များ

അപ്പോസുത്തലാര് 20:33

ആരാറ്റ പൊന്നുക്കൊ, ബെ്ള്ളിക്കൊ, സീലെസിലാപ്പ്‌ക്കൊ നാന് ആസെപഡാലെ.

അപ്പോസുത്തലാര് 20:34

എനാക്ക്‌മ് എന്നൊപ്പ ഇര്‌ക്ക്‌ന്റവാര്‌ക്ക്‌മ് ബേ്ഡ്‌മാനാദ്‌ക്കെല്ല എന്ന് ഈ കയില്‌ത്തെ പാഡ്‌പട്ടേനെന്റ് നിമാക്ക് താനെ തെരിമല്ല.

റോമഗാറാര് 1:1

സാമി തന്ന് മഗാന്‌മ് നമ്മ് ആണ്ടവാന്‌മാന ഏസ്സ് ക്‌റ്‌സ്‌ത്ത്‌ന പറ്റി മുന്തെ കാലാത്ത്‌ലെ ആള്‌ഗാള്‌ക്ക് ബാക്ക് കൊഡുത്തിന്ത നല്ല സേദിന സാമി സൊല്ലുസുലാക്കാത്ത്‌ല് സാമി സാമിദാസ്‌ഗാള് എ്ള്‌ദി ബെത്ത്‌റ്‌ന്റാര്.

1 കൊരിന്ത്യഗാറാര് 9:12

നിമാന നഡാത്തുവ ബേ്റെ ആള്‌ഗാള്‌ക്ക് ഇത്തെ കേ്ള്‌ക്ക്യ ഉരിമെ ഇന്തദാന എമാക്ക് എത്ത്‌റ അദിഗ ഉരിമെ ഇര്‌ക്ക്‌മ്? ആന അയി ഉരിമേക്ക് തഗ്‌ന്ത പഡി എമ്മ ഗേഗാലെ. അദ്‌ക്ക് ബദ്‌ല ക്‌റ്‌സ്‌ത്ത്‌ന പറ്റ്യുള്ള നല്ല സേദിക്ക് തഡേസ ഒന്റുമു ബരാദിര്‌ക്ക്യ ബേ്ണ്ടി എമ്മ എല്ലാദ്‌നാമ് താങ്ക്‌നേമ്.

1 കൊരിന്ത്യഗാറാര് 9:6

അല്ല, ഗിലാസ ഗേഗാദിര്‌ക്ക്യ എനാക്ക്‌മ് ബറ്‌ണവാസ്‌ക്ക്‌മ് താനെത്ത അദിഗര ഇല്ലെന്റ്‌റ്‌ക്ക്‌ന്റ?

2 കൊരിന്ത്യഗാറാര് 10:1

നിമ്മ് പട്ട്‌ല് ഇര്‌ക്കാട്ടി തണിമെ ഉള്ളവാന്‌മ് ദൂര ഇര്‌ക്കാട്ടി നിമ്മോഡ ദയിര കാട്ട്‌ന്റവാന്‌മ് എന്റ് ലേസ ആള്‌ഗാള് എനാന പറ്റി സൊന്റാര്. അത്തവാള് ആയിര്‌ക്കുവ പവുലോസു എന്നുവ നാന് ക്‌റ്‌സ്‌ത്ത്‌ക്ക് ഇര്‌ക്കുവ തണിമോഡാമ് നിദാനത്തോഡാമ് നിമാക്ക് സൊല്ലുവാദ് എന്തെന്റ് സൊന്ന,

2 കൊരിന്ത്യഗാറാര് 10:16

അന്നാപ്പ് നിമാക്കച്ചാരി ഇര്‌ക്കുവ ദേസഗാള്‌ല് ഗുഡി എമാക്ക് നല്ല സേദിന സൊല്ല്യ മുഡിമ്. ബേ്റെ ആള്‌ഗാള് ഗേന്ത് മുഡിത്ത കാര്യഗാള്‌ന പറ്റി പെരിമെപഡുവ കാര്യ എമാക്കില്ലെ.

2 കൊരിന്ത്യഗാറാര് 12:13

നാന് നിമ്മോഡിന്ത് എന്ന് സിലാവുക്കു ബേ്ണ്ടി ബാങ്കി നിമാന ബുദ്ദിമുട്ടുസാലെ. ആന ബേ്റെ ഏസ്സ്‌ഗാറാര് കൂട്ടാത്ത്‌ലിന്ത് നാന് എന്ന് സിലാവുക്കുള്ളാദ് ബാങ്ക്‌നെ. അദല്ലാദെ നാന് ബേ്റെ എന്ത് കുറ്റ ഗേന്തെ? ഈ കുറ്റന പൊറുക്കുഡോമെ.

2 കൊരിന്ത്യഗാറാര് 2:12

ക്‌റ്‌സ്‌ത്ത്‌ന പറ്റ്യുള്ള നല്ല സേദിന സൊല്ല്യ ബേ്ണ്ടി നാന് തോവാസ്‌ക്ക് എജ്ജ്‌ഗാട്ടി ആണ്ടവാന് അദ്‌ല് അദുക്കുള്ള ബട്ടെ മാഡി തന്താന്.

1 തെസെലോനിക്ക്യഗാറാര് 2:9

ഏസ്സ്‌ഗാറാരെ, എമ്മ പട്ട പാഡ്‌നാമ്, എമ്മ പട്ട ബുദ്ദിമുട്ടുനാമ് നിമ്മ നെനേക്ക്‌ന്റ്‌റല്ല. നിമാക്ക് ആര്‌ക്ക്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് ഗിലാസ ഗേന്ത്‌കൊണ്ടുത്തെ സാമിന പറ്റി സൊല്ലുവ നല്ല സേദിന എമ്മ നിമാക്ക് സൊന്നാദ്.

2 തെസെലോനിക്ക്യഗാറാര് 3:8

എമ്മ ബെ്റ്‌ദെ ഇന്ത് തീനി തിന്നാലെ. അദ്‌ക്ക് ബദ്‌ല നിമാക്ക് ആര്‌ക്ക്‌മ് എമ്മ ബാര ആഗാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് എമ്മ പാഡ്‌മ് പട്ടേമ്, കജട്ടാമ് പട്ടേമ്.