2 കൊരിന്ത്യഗാറാര് 11:28 - സാമി സേദി

²⁸ ഈ കജട്ടഗാളെല്ല അല്ലാദെ താനെ എല്ലാ ഏസ്സ്‌ഗാറാര് കൂട്ടന പറ്റി നാള്‌ക്ക്‌മ് അര്‌ക്കപട്ട്‌കൊണ്ടു ഇര്‌ക്ക്‌ന്റെ.

2 കൊരിന്ത്യഗാറാര് 11:28 ပူးပေါင်းရင်းမြစ်များ

അപ്പോസുത്തലാര് 15:36

ഒന്റുറാഡ് മാസ കളിന്ത പ്‌റ പവുലോസു ബറ്‌ണവാസ്‌ക്ക്: <<നമ്മ ആണ്ടവാന് സൊല്ലുസുലാക്കഗാള്‌ന സൊന്ന പട്ടണഗാള്‌ക്ക്‌റാഗ പിന്നേമ് പോഗ, അദ്‌ല ഏസ്സ്‌ഗാറാര് എത്തെ ഇര്‌ന്റാര് എന്റ് നോഡുഗ>> എന്റ് സൊന്നാന്.

അപ്പോസുത്തലാര് 18:23

അദ്‌ല് പവുലോസു ലേസ നാള് തങ്ക്‌നാന്. അദ്‌ലിന്ത് അയാള് ഗലാത്ത്യ, പുറുഗ്യ എന്നുവ എ്ഡെഗാള്‌മേലെ പോയി അദ്‌ല ഏസ്സ്‌ഗാറാര്‌ന ഒട്ടുക്കു ദയിരപഡ്‌സ്‌നാന്.

അപ്പോസുത്തലാര് 20:2

അയാള് അയി ദേസഗാള് മേലെ സുറ്റ്യറ്റി അദാദ് എ്ഡേല ആള്‌ഗാള്‌ക്ക് എഞ്ചോ നായഗാള്‌ന സൊല്ലി അവാര്‌ന ദയിരപഡ്‌സ്‌നാന്. പ്‌റസാരി അയാള് അഗായ നാഡ്‌ക്ക് എജ്ജ്‌നാന്.

അപ്പോസുത്തലാര് 9:31

അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്.

റോമഗാറാര് 1:14

അറുവിര്‌ക്കുവ എവനഗാറാര്‌ക്ക്‌മ് അറുവില്ലാത്ത ബറ്‌ബറ ജാദിഗാറാര്‌ക്ക്‌മ് പഡിപ്പുള്ളവാര്‌ക്കമ് പഡിപ്പില്ലത്തവാര്‌ക്ക്‌മ് നല്ല സേദിന സൊല്ല്യ നാന് കഡാമെ പട്ടവാന്‌ത്തെ.

റോമഗാറാര് 11:13

ആന എഗുദാരല്ലാത്ത ജാദിഗാളായിര്‌ക്കുവ നിമാക്ക് ഇന്നാല് ഇത്തെ സൊന്റെ. നിമാക്ക് അപ്പോസുത്തലാനായി ഗിലാസ ഗേവാദ്‌ന പറ്റി നാന് പെരിമെപഡ്‌ന്റെ.

റോമഗാറാര് 15:16

അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.

റോമഗാറാര് 16:4

അവാര് എന്നുജുരുന കാപാറ്റ്യ ബേ്ണ്ടി തമ്മ് ഉജുരുന കൊഡുക്ക്യ ഗുഡി ഒരിങ്കിന്താര്. നാന് താനേമല്ല, എഗുദാരല്ലാത്ത എല്ലാ ഏസ്സ്‌ഗാറാര് കൂട്ടഗാള്‌മ് ഗുഡി അവാര്‌ക്ക് നണ്ണി സൊന്റാര്.

1 കൊരിന്ത്യഗാറാര് 7:17

ആന ആണ്ടവാന് നിമ്മ് പെ്ളേപ്പ്‌ല് നിമാക്ക് തന്തിന്ത കഡാമെഗാള്‌നാമ് താനെ ഗേന്ത് കൊണ്ടുമു സാമി നിമാന ബ്‌ളിത്ത ഗളിഗേല് നിമ്മ ആര് ആയിന്ത്‌റൊ അദേ ആള് ആയി താനെത്തെ ഇര്‌ക്കുഡൊ. ഈ സട്ടനാത്തെ നാന് എല്ലാ ഏസ്സ്‌ഗാറാര് കൂട്ടാത്ത്‌ല്‌മ് പഡുസുവാദ്.

കൊലേസ്യഗാറാര് 2:1

നിമാക്ക് ബേ്ണ്ടിമ് ലവുദിക്ക്യാല ഏസ്സ്‌ഗാറാര് കൂട്ടാക്ക് ബേ്ണ്ടിമ് എനാന തെര്യാത്ത ബേ്റെ ആള്‌ഗാള്‌ക്ക് ബേ്ണ്ടിമ് നാന് എത്ത്‌റ പാഡ്‌പഡ്‌ന്റെ എന്റ് നിമ്മ തെര്യ ബേ്ണ്ടി നാന് ആസെപഡ്‌ന്റെ.