2 കൊരിന്ത്യഗാറാര് 11:27 - സാമി സേദി

²⁷ നാന് പാഡ്‌മ് പട്ടെ, കജട്ടാമ് പട്ടെ, എഞ്ചോ ജാമാല് ഉറാക്കില്ലദേമ് ഇന്തെ. എ്ഡെക്കെ്ഡേക്ക് തീനില്ലാദെ പജി സത്തെ, കുഡിക്ക്യ നീര് കെ്ഡേക്കാദെ നീരറാക്കേക്ക് പട്ടെ, സളി സത്തെ, എനാക്ക് ബേ്ഡ്‌മാന സീലെസിലാപ്പ്‌മ് ഇല്ലാദെ ഇന്ത്‌ദ്.

2 കൊരിന്ത്യഗാറാര് 11:27 ပူးပေါင်းရင်းမြစ်များ

പിലിപ്പ്യഗാറാര് 4:12

എനാക്ക് ഒന്റുമു ഇല്ലാദിര്‌ക്കാട്ടി എത്തെ പെ്ളേക്കുഡൊ എന്റ്‌മ് എല്ലാദ്‌മ് ഇര്‌ക്കാട്ടി എത്തെ പെ്ളേക്കുഡൊ എന്റ്‌മ് എനാക്ക് തെരിമ്. തിന്ന്യ ഒന്റുമു ഇല്ലാദിര്‌ക്കാട്ടിമ് എക്കസക്ക തിന്ന്യ ഇര്‌ക്കാട്ടിമ്, എനാക്ക് ബേ്ഡ്‌മാനാദെല്ല ഇല്ലാദിര്‌ക്കാട്ടിമ് എനാക്ക് ബേ്ഡ്‌മാനാദ്‌ക്ക് ദാസ്‌ത്തി ഇര്‌ക്കാട്ടിമ് ഇത്തെ ഏദ്‌ഗളിഗേക്ക്‌മ് എത്തെ പിര്യപിര്യാത്ത് പെ്ളേക്കുഡൊ എന്റ്‌മ് നാന് പഡിത്ത്‌റ്‌ന്റെ.

2 കൊരിന്ത്യഗാറാര് 6:5

അദ് എത്തെന്റ് സൊന്ന എമ്മ അഡി തിന്റേമ്, എമാന ജെയില്‌ക്ക് അഡേത്താര്, എമ്മ കലമ്പാല്‌ക്ക് സിക്ക്‌നേമ്, മുക്കിമുക്കി പാഡ്‌പട്ടേമ്, ഉറാക്ക്‌ഗെ്ട്ടേമ്, പജി സത്തേമ്,

1 തെസെലോനിക്ക്യഗാറാര് 2:9

ഏസ്സ്‌ഗാറാരെ, എമ്മ പട്ട പാഡ്‌നാമ്, എമ്മ പട്ട ബുദ്ദിമുട്ടുനാമ് നിമ്മ നെനേക്ക്‌ന്റ്‌റല്ല. നിമാക്ക് ആര്‌ക്ക്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് ഗിലാസ ഗേന്ത്‌കൊണ്ടുത്തെ സാമിന പറ്റി സൊല്ലുവ നല്ല സേദിന എമ്മ നിമാക്ക് സൊന്നാദ്.

2 തെസെലോനിക്ക്യഗാറാര് 3:8

എമ്മ ബെ്റ്‌ദെ ഇന്ത് തീനി തിന്നാലെ. അദ്‌ക്ക് ബദ്‌ല നിമാക്ക് ആര്‌ക്ക്‌മ് എമ്മ ബാര ആഗാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് എമ്മ പാഡ്‌മ് പട്ടേമ്, കജട്ടാമ് പട്ടേമ്.

എവുറായാര് 11:37

ബേ്റെ ലേസ ആള്‌ഗാള്‌ന കല്ലെ്റിന്ത്‌മ് കൊന്റാര്, ഈര്‌സെ ബാള്‌ല് അറ്‌ത്ത് റാഡ് തുണ്ടുമു മാഡ്‌നാര്, ബാള്‌ല് ബെ്ട്ടിമ് കൊന്റാര്. ആഡ്‌ഗാള്‌ത്ത്‌മ് കൊറ്യാഡ്‌ഗാള്‌ത്ത്‌മ് തോലുലു സരിഗലന മറേസി കൊണ്ടു അലേന്ത് നഡാന്താര്. അവാര് ഏ്ളെഗാള്‌മ്, കൊഡിമെ പട്ടവാര്‌മ്, നാണഗെ്ട്ടവാര്‌മ്‌ത്തെ.

2 കൊരിന്ത്യഗാറാര് 11:23

അവാര് ക്‌റ്‌സ്‌ത്ത് ഗിലാസഗാറാര? അത്ത്യാന പിരാന്താര് സൊല്ലുവ പാസെ നാന് സൊന്റെ, നാന് അവാര്‌ന ബ്‌ഡ മ്‌ഗ്‌ന്തവാന്‌ത്തെ, നാന് അവാര്‌ന ബ്‌ഡ മ്‌ഗ്‌ന്ത പാഡ്‌പട്ടെ, എനാന എഞ്ചോ ജമ്പ് ജെയില്‌ക്ക് ഇക്ക്‌നാര്, എഞ്ചോ അഡി കെ്ഡേസ്‌നവാന്, എഞ്ചോ ജമ്പ് ഉജുരുക്കു ബരുവ ആവാത്ത്‌ഗാള് ബന്തവാന്.

1 കൊരിന്ത്യഗാറാര് 7:5

നിമ്മ ആളാന് പെ്ണ്ടമ് ഒന്റുലു ഉറാങ്കുവാദ്‌ന തള്ളാഗേ ബേ്ഡ. സെറ്റെ ഗളിഗെ പരേസ്യ ബേ്ണ്ടി ആങ്കീങ്ക് സമ്മദത്തോഡത്തെ പ്‌റ്‌ന്ത്‌റ്‌ക്കുഡൊ. നിമ്മ് സരിഗലാത്ത്‌ല ആസെഗാള്‌ന അഡാക്ക്യ മുഡ്യാത്താദ്‌നാലെ സെയിത്താന് നിമാന സോദണെ ഗേഗാദിര്‌ക്ക്യ ബേ്ണ്ടി പ്‌റ നിമ്മ ഒന്റായി ഇര്‌ന്.

അപ്പോസുത്തലാര് 14:23

അവാര് ഒന്റൊന്റു ഏസ്സ്‌ഗാറാര് കൂട്ടാക്ക് മൂപ്പനാമ്‌ഗാള്‌ന എ്ഡ്‌ത്ത് ബെത്താര്. അദ്‌ക്ക് പ്‌റ അവാര് മൂപ്പനാമ്‌ഗാള്‌ക്ക് ബേ്ണ്ടി തീനി തിന്നാത്ത പരേസ പരേസി തമ്മ നമ്പ്‌ന ആണ്ടവാന് കയിക്ക് അവാര്‌ന ഒപ്പുസുനാര്.

അപ്പോസുത്തലാര് 20:31

അദ്‌നാലെ സൂസാരിത്ത് ഇര്‌ക്കുഡൊ. മൂറു ബര്‌സ്സ കാല ഇ്റ്‌ട്ട്‌പഗാല് അപ്പാര കജട്ട പട്ട്‌കൊണ്ടു നാന് നിമാക്ക് ബുദ്ദി സൊല്ലി തന്താദ്‌ന നെപ്പ് ബെത്ത്‌റ്‌ന്.

മത്തായി 17:21

(എന്റാല്‌മ് പരേസനാലേമ് തീനി തിന്നാദെ പരേസുവ പരേസനാലേമല്ലാദെ ഈ ജാദി ജറേന്ത് പോഗമാട്ട) എന്റ് നാന് സത്ത്യമായി നിമാക്ക് സൊന്റെ>> എന്റ് ഏസ്സ് സൊന്നാന്.