2 കൊരിന്ത്യഗാറാര് 11:26 - സാമി സേദി

²⁶ ഒന്റേ പട്ട്‌ല് താനെ എനാക്ക് ഇര്‌ക്ക്യ മുഡ്യാദെ പല പല എ്ഡെഗാള്‌ക്ക്‌മ് പോവ ഗെദി ബന്ത്‌ദ്. പോഗാട്ട്യെല്ല ദൊഡ്ഡുദൊഡ്ഡ ബാനി നീര്‌ലിന്ത് ബന്ത ആവാത്ത്‌ക്ക്‌മ്, കൊള്ളെഗാറാര്‌ലിന്ത് ബന്ത ആവാത്ത്‌ക്ക്‌മ്, സൊന്ത ജാദിഗാറാര്‌ലിന്ത് ബന്ത ആവാത്ത്‌ക്ക്‌മ്, ബേ്റെ ജാദിഗാള്‌ലിന്ത് ബന്ത ആവാത്ത്‌ഗാള്‌ക്ക്‌മ് സിക്ക്‌നെ. പട്ടണഗാള്‌ലിന്ത്‌മ് സോലെഗാള്‌ലിന്ത്‌മ് കഡാല്‌ഗാള്‌ലിന്ത്‌മ് ബന്ത ആവാത്ത്‌ക്ക്‌മ് സിക്ക്‌നെ. നഡിക്കുവ ഏസ്സ്‌ഗാറാര് കൂട്ടാര്‌ലിന്ത് ബന്ത ആവാത്ത്‌ക്ക്‌മ് സിക്ക്‌നെ.

2 കൊരിന്ത്യഗാറാര് 11:26 ပူးပေါင်းရင်းမြစ်များ

അപ്പോസുത്തലാര് 14:5

ലേസ എഗുദാര് അല്ലാത്ത ജാദിഗാള്‌മ്, ലേസ എഗുദാര്‌മ് അവാര് അദിഗാരിഗാളോഡ ഒന്റായി എ്ണേന്താര്. അദ്‌ക്ക് പ്‌റ അവാര് അപ്പോസുത്തലാര്‌ന മാനഗെ്ഡിസ്യാമ് കല്ലെ്റ്യാമ് മുഡിവെ്ഡ്‌ത്താര്.

അപ്പോസുത്തലാര് 25:3

<<നീ ബേ്റ്‌വായിവെന്ത് പവുലോസുന എര്‌സലേമ്‌ക്ക് സൊല്ലി ബ്‌ഡ്‌ഡൊ>> എന്റ് സൊന്നാര്. അവാര് അത്തെ കേ്ട്ടാദ് എന്ത്‌ക്കെന്റ് സൊന്ന അയാള്‌ന ബട്ടേല് ബെത്ത് കൊല്ല്യ അവാര് സൂഗാന സട്ട കെ്ട്ടിന്താര്.

അപ്പോസുത്തലാര് 20:19

ലേസ എഗുദാര് എനാന കൊല്ല്യ സട്ട കെ്ട്ട്‌നാര്. അദ്‌നാലെ നാന് മ്‌ഗ്‌ന്ത കജട്ട പട്ടേന്. അയി ഗളിഗേല് നാന്‌ത്തെ ദൊഡ്ഡവാന് എന്റ് കാട്ടാദെ മ്‌ഗ്‌ന്ത കണ്ണനീരോഡ എന്ന് ആണ്ടവാന് ഗിലാസഗാറാനായി എന്ന് ഗിലാസാന ഗേന്തേന്.

അപ്പോസുത്തലാര് 17:5

ആന എഗുദാര്‌ക്ക് ഇദ് കണ്ണ്‌കഡി ആറ്റ്. അവാര് സന്തേക്ക്‌റാഗ ഇര്‌ക്കുവ കേ്ഡിഗാള്‌ന ബ്‌ളിത്ത് ബരിസ്സി ഒന്റു കൂട്ട ആള്‌ഗാള് മാഡ്‌നാര്. അവാര് പ്‌റ ആള്‌ഗാള്‌കുളാക്ക് കലമ്പാല് മാഡ്‌നാര്. പവുലോസുനാമ് സീലാസ്‌നാമ് പരാന്ത് ആള്‌ഗാള് പട്ട്‌ക്ക് എ്ഡ്‌ത്ത് ബര്യ ബേ്ണ്ടി അവാര് ആസെപട്ടാര്. അദ്‌ക്കായി അവാര് ആസോനു ബീ്ഡ് ബാസന പൊളിത്ത് ഉളാക്ക് നൊഗേന്താര്.

അപ്പോസുത്തലാര് 13:50

ആന സാമിന കുമ്മുഡിന്ത എഗുദാര് അല്ലാത്ത മദ്‌പ്പ് ഇര്‌ക്കുവ പെ്ണ്ണ്‌മക്കാള്‌നാമ് പട്ടണാത്ത്‌ല ദൊഡ്ഡുദൊഡ്ഡ തലെവാര്‌ഗാള്‌നാമ് എഗുദാര് ഗോളിസി ബ്‌ട്ട് പവുലോസുനാമ് ബറ്‌ണവാസ്‌നാമ് കൊഡിമെപഡിസ്യ പ്‌ഡിത്താര്. അത്തെ അവാര് അയി ദേസാലിന്ത് അവാര്‌ന മുഡുക്കുനാര്.

ഗലാത്ത്യഗാറാര് 2:4

എന്റിന്ത്‌മ് ഏസ്സ്‌ഗാറാര് എന്റ് സൊല്ലി നഡിക്കുവ ബേ്റാള്‌ഗാള്‌ത്തെ തീത്തോസുന പരിസേദനെ സാത്ത്‌റ ഗേസുഡൊ എന്റ് ആസെപട്ടാദ്. ക്‌റ്‌സ്‌ത്ത്‌ന നമ്പി നഡാക്കുവാദ്‌നാലെ നമ്മ മോസെ ബെത്ത സാമി സട്ടാക്ക് അഡിമ്യാഗാദെ പെ്ളേക്ക്‌ന്റാമ്. അത്തെ പെ്ളേക്കുവ നമാന പിന്നേമ് അയി സട്ടാക്ക് അഡിമെഗാള് മാഡി കെ്ഡിസ്യ ബേ്ണ്ടി അവാര് ഓസണോഡ നമ്മ് കൂട്ടാക്ക് ബന്ത്‌റ്‌ന്റാര്.

2 കൊരിന്ത്യഗാറാര് 11:32

അരേദ രാജാവുക്കഡി ഇന്ത് ദമാസ്‌കോസു പട്ടണന ആളുവ അദിഗാരി നാന് ദമാസ്‌കോസു പട്ടണാത്ത്‌ല് ഇര്‌ക്കാട്ടി എനാന പ്‌ഡിക്ക്യ കാവഗാറാര്‌ന ബെത്താന്.

1 കൊരിന്ത്യഗാറാര് 15:32

നാന് എപസോസുലു ബെത്ത് ബേ്ണ്ട്‌ഗാളോഡ ജുദ്ദ ഗേവ പാസെ അത്ത്‌റ പാഡ്‌പട്ടാദ് എന്ന് സൊന്ത കാര്യാക്ക് ബേ്ണ്ടി ആയിന്തദാന അദ്‌നാലെ എനാക്ക് എന്ത് ഉവഗരാറ്റ്? സത്തവാര് ഉജുര്‌ളാഗാദെ പോന <<തിന്ന്‌ന്, കുഡിന്, എന്ത്‌ക്കെന്റ് സൊന്ന നാളേക്ക് സാലാമല്ല>> എന്റ് മുന്തെലവാര് സൊല്ലുവ പാസെ പെ്ളേക്ക്‌ലാമല്ല.

റോമഗാറാര് 15:19

സാമിനിഗാല് സക്‌തില് ദൊഡ്ഡുദൊഡ്ഡ അദിസ്യഗാള്‌മ് അഡ്യാളഗാള്‌മ് ഗേയ ക്‌റ്‌സ്‌ത്ത് എനാന കയിതാങ്ക്‌നാന്. അത്തെ നാന് ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന എര്‌സലേമ്‌ലിന്ത് ഇല്ലൂറിയ ദേസമാട്ട്‌ക്ക് പോയി സൊല്ലി മുഡിത്ത്‌റ്‌ന്റെ.

അപ്പോസുത്തലാര് 23:10

ഈ തറ്‌ക്ക സേത്തി ദൊഡ്ഡാദ്‌ക്ക് ആറ്റ്. അദുക്കുള അവാര് പവുലോസുന തുണ്ടു തുണ്ട കൊച്ചി തള്ളുവാര് എന്റ് ആയിര പട്ടളഗാറാര് തലെവാന് അഞ്ച്‌നാന്. അദ്‌നാലെ അയാള്‌ന അവാര് പട്ട്‌ലിന്ത് പട്ടളഗാറാര് തങ്കുവ കോട്ടേക്ക് കൂട്ടി പോയ അയി പട്ടള തലെവാന് തന്ന് പട്ടളഗാറാന്‌ക്ക് സൊന്നാന്.

അപ്പോസുത്തലാര് 19:23

അയി ഗളിഗേല് ആണ്ടവാന് പഡ്‌സ്‌ന കാര്യഗാള്‌ന സൊല്ലി എപസോസു പട്ടണാത്ത്‌ല് സെര്യാന കലമ്പാലാറ്റ്.

അപ്പോസുത്തലാര് 19:1

അപ്പലോസു കൊരിന്ത്യ പട്ടണാത്ത്‌ല് ഇര്‌ക്കാട്ടി പവുലോസു എപസോസുക്കു പോവ എ്ഡെഗാള്‌മേലെ പോയി എപസോസു പട്ടണാക്ക് എജ്ജ്‌നാന്. അദ്‌ല് ലേസ ഏസ്സ് സൊല്ലുപഡി നഡാക്ക്‌ന്റവാര്‌ന അയാള് കണ്ടാന്.

അപ്പോസുത്തലാര് 18:12

ഗല്ല്യോനു അഗായ ദേസാക്ക് അദിഗാരി ആയി ആണ്ടിന്താന്. അയി ഗളിഗേല് എഗുദാര് ഒന്റായി എ്ണേന്ത് പവുലോസുന പ്‌ഡിത്ത് റോമ കോഡിദിക്ക് എ്ഡ്‌ത്ത് പോനാര്.

അപ്പോസുത്തലാര് 15:40

പവുലോസു സീലാസ്‌ന തെരിന്തെ്ഡ്‌ത്ത് പോഗാട്ടി അയി ഏസ്സ്‌ഗാറാര് അവാര്‌ക്ക് ആണ്ടവാന് പാദ്‌ഗാപ്പ്‌മ് ഉദാവിമ് കെ്ഡേക്ക്യ ബേ്ണ്ടി സാമി കയിക്ക് അവാര്‌ന ഒപ്പുസുനാര്.

അപ്പോസുത്തലാര് 14:19

അദുക്കുള അന്തോക്ക്യ പട്ടണാത്ത്‌ലിന്ത്‌മ് ഇക്കോന്യ പട്ടണാത്ത്‌ലിന്ത്‌മ് ലേസ എഗുദാര് അദ്‌ക്ക് എജ്ജ്‌നാര്. അവാര് ആള്‌ഗാള്‌ന തമ്മ് സാരി സേത്തി പവുലോസുക്കു കല്ലെ്റിന്താര്. അയാള് സത്താന് എന്റ് നെനേത്ത് അവാര് അയാള്‌ന പട്ടണാക്ക് ബെ്ളിഗെ ഇ്ള്‌ത്തെ്ഡ്‌ത്ത് പോനാര്.

അപ്പോസുത്തലാര് 13:45

ആള്‌കൂട്ടാന കാണ്‌ഗാട്ടി എഗുദാര്‌ക്ക് കണ്ണ്‌കഡി ആറ്റ്. അദ്‌നാലെ അവാര് പവുലോസു സൊന്നാദ്‌ക്ക് ബണങ്കാദെ തറ്‌ക്കികൊണ്ടു അയാള്‌ന നാണഗെ്ഡ്‌സ്‌നാര്.

അപ്പോസുത്തലാര് 17:13

ബെ്റോവ പട്ടണാല്‌മ് പവുലോസു സാമി സൊല്ലുസുലാക്കാന സൊന്നാനെന്റ് തെസലോനിക്ക്യാല എഗുദാര് കേ്ട്ടാര്. അദ്‌നാലെ അവാര് ആങ്ക്‌മ് പോയി ആള്‌ഗാള്‌ന ഗോളിസി കലമ്പാല് മാഡ്യ നോഡുനാര്.

അപ്പോസുത്തലാര് 20:3

അദ്‌ല് അയാള് മൂറു മാസ തങ്ക്‌നാന്. പ്‌റസാരി സ്‌റിയാക്ക് കപ്പാല് ഏ്റ്യ പഡ്‌ഗാട്ടി എഗുദാര് അയാള്‌ന കൊല്ല്യ ബേ്ണ്ടി സട്ട കെ്ട്ടിന്താര്. അദ് പവുലോസുക്കു തെരിന്ത്‌ദ്. അദ്‌നാലെ മക്കെദോന്യ ബട്ടെ തിരിഗി പോഡൊ എന്റ് അയാള് മുഡിവാക്ക്‌നാന്.

അപ്പോസുത്തലാര് 27:42

പ്‌ഡിത്ത് ബെത്ത്‌റ്‌ക്കുവ കുറ്റഗാറാര് നീസി തപ്പിസി കഡാക്കാദെ ഇര്‌ക്ക്യ അവാര്‌ന കൊല്ലുഡൊ എന്റ് പട്ടളഗാറാര് സട്ട കെ്ട്ട്‌നാര്.

റോമഗാറാര് 8:35

ക്‌റ്‌സ്‌ത്ത് നമ്മോഡ ബെത്ത്‌റ്‌ക്കുവ സീവാന്‌ലിന്ത് ആര്‌ക്ക് നമാന പ്‌റ്‌ക്ക്യ മുഡിമ്? കജട്ടഗാള്‌ക്കൊ, സങ്കഡഗാള്‌ക്കൊ, കൊഡിമെഗാള്‌ക്കൊ, പജിപട്ടിണിക്കൊ, ഉഡുപ്പുസഡ്‌പ്പ് ഇല്ലാത്ത ഗെദിഗാള്‌ക്കൊ, ആവാത്ത്‌ഗാള്‌ക്കൊ, ബാള്‌ക്കൊ നമാന പ്‌റ്‌ക്ക്യ മുഡിമ? മുഡ്യാഗേ മാട്ട.

1 കൊരിന്ത്യഗാറാര് 15:30

ഈ സേദിക്ക് ബേ്ണ്ടി എമ്മാമ് ഒപ്പ ഉജുരുക്കു അഞ്ചുവാദ് എന്ത്‌ക്ക്?