2 കൊരിന്ത്യഗാറാര് 11:25 - സാമി സേദി

²⁵ റോമഗാറാര് മൂറു ജമ്പ് എനാന ബഡില് അഡിത്താര്. ഒന്റു ജമ്പ് എനാക്ക് കല്ലെ്റിന്താര്. മൂറു ജമ്പ് കപ്പാല് ആവാത്ത്‌ക്ക് സിക്ക്‌നെ, ഒന്റു നാള് റാവുപഗാല് കഡാല് നീര്‌ല് ഇന്തേന്.

2 കൊരിന്ത്യഗാറാര് 11:25 ပူးပေါင်းရင်းမြစ်များ

മത്തായി 20:19

എഗുദാരല്ലാത്ത ജാദിഗാള് കയിക്ക് ബ്‌ട്ട് കൊഡുക്കുവാര്. അവാര് അയാള്‌ന നാണാമ്‌ ഗെ്ഡ്‌സുവാര്, സാട്ടെവാര്‌ല്‌മ് അഡിക്കുവാര്, കുരുസുക്കു സേത്തി ആണിമ് അഡിക്കുവാര്. ആന അയാള് മൂറാവാദ് നാള് അയാള് ഉജുര്‌ളാഗുവാന്.>>

മത്തായി 21:35

ആന അയി ഗുത്തഗെഗാറാര് കാഡ്‌ഗാറാന് അഡിമെഗാള്‌ന പ്‌ഡിത്ത് ഒരുത്താന്‌ന അഡിത്താര്, ഒരുത്താന്‌ന കൊന്റാര്, ഇന്ന്യൊന്റു ഒരുത്താന്‌ക്ക് കല്ലെ്റിന്താര്.

അപ്പോസുത്തലാര് 14:19

അദുക്കുള അന്തോക്ക്യ പട്ടണാത്ത്‌ലിന്ത്‌മ് ഇക്കോന്യ പട്ടണാത്ത്‌ലിന്ത്‌മ് ലേസ എഗുദാര് അദ്‌ക്ക് എജ്ജ്‌നാര്. അവാര് ആള്‌ഗാള്‌ന തമ്മ് സാരി സേത്തി പവുലോസുക്കു കല്ലെ്റിന്താര്. അയാള് സത്താന് എന്റ് നെനേത്ത് അവാര് അയാള്‌ന പട്ടണാക്ക് ബെ്ളിഗെ ഇ്ള്‌ത്തെ്ഡ്‌ത്ത് പോനാര്.

അപ്പോസുത്തലാര് 14:5

ലേസ എഗുദാര് അല്ലാത്ത ജാദിഗാള്‌മ്, ലേസ എഗുദാര്‌മ് അവാര് അദിഗാരിഗാളോഡ ഒന്റായി എ്ണേന്താര്. അദ്‌ക്ക് പ്‌റ അവാര് അപ്പോസുത്തലാര്‌ന മാനഗെ്ഡിസ്യാമ് കല്ലെ്റ്യാമ് മുഡിവെ്ഡ്‌ത്താര്.

അപ്പോസുത്തലാര് 16:33

അയി ജാമ ഗളിഗേല് താനെ ജെയില് അദിഗാരി അവാര്‌ന കൂട്ടി എ്ഡ്‌ത്ത് പോയി അവാര്‌ക്കാന ഗായഗാള്‌നെല്ല കച്ച്‌നാന്. പ്‌റ അയാള്‌മ് അയാള് ബീ്ഡ്‌ഗാറാര് ഒട്ടുക്കുമു അന്നാല് താനെ നീര്‌ക്ക് മുളുഗുനാര്.

അപ്പോസുത്തലാര് 16:37

ആന പവുലോസു പോലിസി അദിഗാരിഗാള്‌ക്ക്: <<എമ്മ എന്താറ്റ കുറ്റ ഗേന്തവാരല്ല. എന്റിന്ത്‌മ് റോമ നാഡ്‌ക്ക് പട്ട എമാന നായ കേ്ള്‌ക്കാദെ, നഡ്‌ബീദില് ബെത്ത് സാട്ടെവാര്‌ല് അഡിത്ത് ജെയില്‌ക്ക് അഡേത്താര്. എന്റിന്ത് ഇന്നാല് സൂഗാന എമാന ബ്‌ഡ്യ നോഡുന്റുറ? അദ് സെര്യല്ല, അദിഗാരിഗാള് താനെ ഇദ്‌ക്ക് ബന്ത് എമാന ബ്‌ഡ്‌ഡൊ>> എന്റ് സൊന്നാന്.

അപ്പോസുത്തലാര് 22:24

അദുക്കുള അയാള്‌ന പട്ടളഗാറാര് തങ്കുവ കോട്ടേക്ക് കൂട്ടി ബാന് എന്റ് പട്ടള തലെവാന് പട്ടളഗാറാര്‌ക്ക് സൊന്നാന്. അവാര് അയാള്‌ക്ക് നേരെ ഇത്തെ അഗാറി ക്‌ളാമ്പുവാദ് എന്ത്‌ക്കെന്റ് നെപ്പ്‌കെ്ഡേസ്യ ബേ്ണ്ടി സാട്ടെവാര്‌ല് അഡിത്ത് പവുലോസുന കേ്ള്‌വി കേ്ള്‌ക്ക്യ പട്ടള തലെവാന് പട്ടളഗാറാര്‌ക്ക് സൊന്നാന്.

1 തിമിത്തോസു 1:19

അദ്‌താനെ അല്ല, ഏസ്സ് ക്‌റ്‌സ്‌ത്തോഡ ഇര്‌ക്കുവ നമ്പിക്കേല് നീ ഒറേപ്പുള്ളവാനായിര്‌ക്ക്യാമ്, മനേസ്സ് നേരെന്റ് സൊല്ലുവ കാര്യഗാള്‌ന ഗേയാമ് ഇദ് നിനാക്ക് ഉവഗര പഡുഡൊ. മനേസ്സ് നേരെന്റ് സൊല്ലുവ കാര്യഗാള്‌ന ബെലേക്കെ്ഡ്‌ക്കാത്ത ലേസ ആള്‌ഗാള് സാമ്യോഡിര്‌ക്കുവ നമ്പിക്കേന ബ്‌ട്ട് തള്ള്‌നാര്.

എവുറായാര് 11:37

ബേ്റെ ലേസ ആള്‌ഗാള്‌ന കല്ലെ്റിന്ത്‌മ് കൊന്റാര്, ഈര്‌സെ ബാള്‌ല് അറ്‌ത്ത് റാഡ് തുണ്ടുമു മാഡ്‌നാര്, ബാള്‌ല് ബെ്ട്ടിമ് കൊന്റാര്. ആഡ്‌ഗാള്‌ത്ത്‌മ് കൊറ്യാഡ്‌ഗാള്‌ത്ത്‌മ് തോലുലു സരിഗലന മറേസി കൊണ്ടു അലേന്ത് നഡാന്താര്. അവാര് ഏ്ളെഗാള്‌മ്, കൊഡിമെ പട്ടവാര്‌മ്, നാണഗെ്ട്ടവാര്‌മ്‌ത്തെ.