2 കൊരിന്ത്യഗാറാര് 11:20 - സാമി സേദി

²⁰ ഒരുത്താന് നിമാന അഡിമെ മാഡ്‌ഗാട്ട്യൊ ഏമാത്ത്‌ഗാട്ട്യൊ എന്തൊന്റുക്കു സിക്ക്‌സ്‌ഗാട്ട്യൊ നാണഗെ്ഡ്‌സ്‌ഗാട്ട്യൊ സെ്ഗ്‌ഡ്‌ക്ക് അഡിക്കാട്ട്യൊ നിമ്മ പൊറിമോഡ ഇര്‌ക്ക്‌ന്റ്‌റല്ല?

2 കൊരിന്ത്യഗാറാര് 11:20 ပူးပေါင်းရင်းမြစ်များ

മര്‌ക്കോസു 12:40

അവാര് മ്‌ണ്ടേസ്യാര് മുദാല്‌മുമ്പുഗാള്‌ന ഊഗത്തോഡ ഏമാത്തി എ്ഡ്‌ക്ക്‌ന്റാര്. എന്റിന്ത് നല്ലവാര് എന്റ് കാട്ട്യ എഞ്ചോ ഗളിഗെ പരേസുവാര്. ബേ്റാള്‌ക്ക് കെ്ഡേക്കുവ ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ അവാര്‌ക്ക് കെ്ഡേക്കുവു>> എന്റ് സൊന്നാന്.

ലൂക്കോസു 6:29

ഒരുത്താന് നിന്ന് പഗ്‌ഡ്‌ന അഡിക്കാട്ടി മറ് പഗ്‌ഡ്‌നാമ് കാട്ടി കൊഡുക്കുഡൊ. നിന്ന് പൊദേപ്പ്‌ന എ്ഡ്‌ക്ക്യ ബന്റവാന് നിന്ന് കമ്‌സ്‌ന എ്ഡ്‌ക്കാട്ടി ഗുഡി നീ തഡ്‌ക്കാദെ.

1 കൊരിന്ത്യഗാറാര് 4:11

ഇന്നാമാട്ട്‌ക്ക് എമ്മ തിന്ന്യ ഇല്ലാദേമ് കുഡിക്ക്യ ഇല്ലാദേമ് ഇക്ക്യ നല്ല സീലെസിലാപ്പ് ഇല്ലാദേമ് ഇര്‌ക്ക്‌ന്റേമ്. എമ്മ അഡി ബാങ്ക്‌ന്റേമ്. എമ്മ ഒന്റേ പട്ട്‌ല് ഇര്‌ക്ക്യ മുഡ്യാദെ ആങ്കീങ്ക് പോന്റേമ്.

2 കൊരിന്ത്യഗാറാര് 1:24

നിമ്മ് നമ്പിക്കെ എത്തവ ദിന്‌സ്‌ല് ആയിര്‌ക്കുഡൊ എന്റ് അദിഗര കാട്ട്‌ന്റവാരല്ല എമ്മ. നിമ്മ പിര്യപിര്യാത്ത് ഇര്‌ക്ക്യ ബേ്ണ്ടി നിമ്മോഡൊപ്പ ഗിലാസ ഗേന്റവാര്‌ത്തെ എമ്മ. നിമ്മ് നമ്പിക്കേല് നിമ്മ ഒറേത്ത് ഇര്‌ക്ക്‌ന്റ്‌റ് എന്റ് എമാക്ക് തെരിമ്.

2 കൊരിന്ത്യഗാറാര് 10:5

സാമി അറുവുക്കു പോട്ടി നിന്റ് മന്‌സാന് മനേസ്സ്‌ലിന്ത് ബരുവ എല്ലാ പെരിമെനായഗാള്‌നാമ് എമ്മ ഇല്ലാദെ മാഡ്‌ന്റേമ്. മന്‌സാന് നെനേക്കുവ ഒന്റൊന്റു നെനേവുഗാള്‌നാമ് എമ്മ ക്‌റ്‌സ്‌ത്ത് സൊല്ലുപഡിക്ക് മാഡ്‌ന്റേമ്.

2 കൊരിന്ത്യഗാറാര് 11:3

ആന പാമ്പ് അവ്വേന ഏമാത്തി സദിത്ത പാസെ നിമ്മ ക്‌റ്‌സ്‌ത്തോഡ ബെത്ത്‌റ്‌ക്കുവ സെരിക്കുള്ള ബക്‌തിലിന്ത് ആരാറ്റ നിമാന ഏമാത്തി കെ്ഡ്‌സുവാര് എന്റ് നാന് അഞ്ചിക്കെപഡ്‌ന്റെ.

2 കൊരിന്ത്യഗാറാര് 12:16

നാന് നിമാന ബുദ്ദിമുട്ടുസാലെ എന്റ് നിമ്മ താനെ സമ്മദിക്ക്‌ന്റ്‌റ്. ആന ലേസ ആള്‌ഗാള് എനാന ഓസണെഗാറാന് എന്റ് നെനേത്ത് നിമാന മയാക്കി ഏമാത്ത്‌ന്റവാന് എന്റ് എനാന പറ്റി സൊന്റാര്.

ഗലാത്ത്യഗാറാര് 2:4

എന്റിന്ത്‌മ് ഏസ്സ്‌ഗാറാര് എന്റ് സൊല്ലി നഡിക്കുവ ബേ്റാള്‌ഗാള്‌ത്തെ തീത്തോസുന പരിസേദനെ സാത്ത്‌റ ഗേസുഡൊ എന്റ് ആസെപട്ടാദ്. ക്‌റ്‌സ്‌ത്ത്‌ന നമ്പി നഡാക്കുവാദ്‌നാലെ നമ്മ മോസെ ബെത്ത സാമി സട്ടാക്ക് അഡിമ്യാഗാദെ പെ്ളേക്ക്‌ന്റാമ്. അത്തെ പെ്ളേക്കുവ നമാന പിന്നേമ് അയി സട്ടാക്ക് അഡിമെഗാള് മാഡി കെ്ഡിസ്യ ബേ്ണ്ടി അവാര് ഓസണോഡ നമ്മ് കൂട്ടാക്ക് ബന്ത്‌റ്‌ന്റാര്.

ഗലാത്ത്യഗാറാര് 4:25

ആഗാറ് അറാവി നാഡ്‌ല ഈ സീനായി മലെന കാട്ട്‌ന്റാള്. അവാള് അദ്‌ലിന്ത് കെ്ഡേത്ത സട്ടാക്ക് അഡിമെഗാളായിര്‌ക്കുവ ഇന്നാല്‌ല എര്‌സലേമ്‌ല ആള്‌ഗാള്‌ന കാട്ട്‌ന്റാള്.

ഗലാത്ത്യഗാറാര് 4:3

അദേപാസെ നമ്മാമ് ക്‌റ്‌സ്‌ത്ത്‌ന തെര്യമാട്ട്‌ക്ക് ഈ ഉലഗാത്ത്‌ല ഒന്റൊന്റു സട്ട്‌മെ്ട്ട്‌ഗാള്‌ക്ക് അഡിമെഗാളായിന്താമ്.

ഗലാത്ത്യഗാറാര് 4:9

ആന ഇന്നാല് നിമാക്ക് സാമിന തെരിന്ത്‌റ്‌ക്ക്‌ന്റ്, അല്ല സാമിക്ക് നിമാനാമ് തെരിമ്. എന്റിന്ത് ഗുഡി ഒന്റുക്കുമു ഉവഗരപഡാദേമ് ഒന്റുമു ഗേയ മുഡ്യാദേമ് ഇര്‌ക്കുവ ഈ ഉലഗാത്ത്‌ല ഒന്റൊന്റു സട്ട്‌മെ്ട്ട്‌ഗാള്‌ന ഗേന്ത് പിന്നേമ് അദ്‌ക്ക് അഡിമെഗാളായ ആസെപഡുവാദ് എന്ത്‌ക്ക്?

ഗലാത്ത്യഗാറാര് 5:1

അഡിമെഗാളാഗാദെ പെ്ളേക്ക്യത്തെ ക്‌റ്‌സ്‌ത്ത് നമാന ബ്‌ഡ്‌സ്‌നാദ്. പിന്നേമ് നിമ്മ മോസെ ബെത്ത സാമി സട്ടാക്ക് അഡിമെഗാളാഗാദെ ഒറേത്ത് നില്ല്‌ന്.

ഗലാത്ത്യഗാറാര് 5:10

നാന് സൊല്ലുവ ഈ കാര്യഗാള്‌ന പറ്റി നിമ്മ കുറ്റ സൊല്ലമാട്ട്‌റ് എന്റ് എനാക്ക് നിമാന പറ്റി ഒറേപ്പിര്‌ക്ക്‌ന്റ്. അയി കാര്യാത്ത്‌ല് നാന് ആണ്ടവാന്‌ന നമ്പ്‌ന്റെ. ആന നിമാന തപ്പ് ഗേയ ബെക്കുവ ആരാനാല്‌മ് സെരി അയാള്‌ന സാമി ദെ്ണ്ടിക്കുവാന്.

ഗലാത്ത്യഗാറാര് 6:12

ആള്‌ഗാള്‌ന പിര്യപഡിസ്യ നോഡുന്റവാര്‌ത്തെ നിമാന പരിസേദനെ സാത്ത്‌റ ഗേസുഡൊ എന്റ് നത്തുവാദ്. ക്‌റ്‌സ്‌ത്ത് കുരുസുലു സത്താദ്‌ന പറ്റി സൊല്ലുവാദ്‌നാലെ തമാക്ക് കൊഡിമെ ബരാദിര്‌ക്ക്യ ബേ്ണ്ടിത്തെ അവാര് ഇത്തെ ഗേവാദ്.

പിലിപ്പ്യഗാറാര് 3:19

സാമി അവാര്‌ന ദെ്ണ്ടിക്കുവാന്. എന്ത്‌ക്കെന്റ് സൊന്ന അവനവാന് സുഗാക്ക് ബേ്ണ്ടി പെ്ളേക്കുവാദ്‌ത്തെ അവാര് സാമി. നാണഗെ്ട്ട കാര്യഗാള് ഗേവാദ്‌ല്‌ത്തെ അവാര് പെരിമെപഡ്‌ന്റാര്. ബൂമില കാര്യഗാള്‌ന പറ്റി താനെത്ത അവാര് നെനേക്ക്‌ന്റാര്.

1 തെസെലോനിക്ക്യഗാറാര് 2:5

എമ്മ നിമ്മ് പട്ട്‌ല് ഇര്‌ക്കാട്ടി നിമാന മയാക്ക്യ ബേ്ണ്ടി ആസെപ്‌ഡ്‌സുവ നായഗാളൊ, പണാക്ക് ബേ്ണ്ടി ഏമാത്തുവ നായഗാളൊ നിമാക്ക് സൊല്ലാലെ എന്റ് നിമാക്ക് തെരിമ്. അദ് സാമിക്ക് നേര് എന്റ് തെരിന്റ്.