2 കൊരിന്ത്യഗാറാര് 11:18 - സാമി സേദി

¹⁸ ഈ ഉലഗാത്ത്‌ല ലേസ ആള്‌ഗാള് പെരിമെപഡുവ കാര്യഗാള്‌ല് എനാക്ക്‌മ് പെരിമെപഡ്യ ഇര്‌ക്ക്‌ന്റ്.

2 കൊരിന്ത്യഗാറാര് 11:18 ပူးပေါင်းရင်းမြစ်များ

1 കൊരിന്ത്യഗാറാര് 4:10

ക്‌റ്‌സ്‌ത്ത്‌ന പറ്റി സൊല്ലുവാദ്‌നാലെ മന്‌സാര് കണ്ണ്‌ക്ക് എമ്മ ബുദ്ദിഗെ്ട്ടവാര്‌ത്തെ. ആന നിമ്മ ക്‌റ്‌സ്‌ത്ത്‌ക്ക് എ്ണേന്ത്‌റ്‌ക്കുവാദ്‌നാലെ നിമ്മ ബുദ്ദിസാലിഗാള് എന്റ് നെനേക്ക്‌ന്റ്‌റ്. എമാക്ക് അദിഗര ഒന്റുമില്ലെ, ആന നിമാക്ക് സാമിലിന്ത് അദിഗര കെ്ഡേത്ത്‌റ്‌ക്ക്‌ന്റ് എന്റ്‌മ് നിമ്മ നെനേക്ക്‌ന്റ്‌റ്. നിമ്മ മദ്‌പ്പ് കെ്ഡേത്തവാര് എന്റ്‌മ് നിമ്മ നെനേക്ക്‌ന്റ്‌റ്, ആന എമ്മ മദ്‌പ്പ് കെ്ഡേക്കാത്തവാര്.

2 കൊരിന്ത്യഗാറാര് 1:17

ഈ കാര്യാത്ത്‌ല് നാന് സൊന്ന സൊന്നപാസെ ഗേഗാത്ത ഒന്റു മന്‌സാന്‌ത്തെ എന്റ് നിമ്മ എനാന പറ്റി നെനേക്ക്‌ന്റ്‌റ? മനേസ്സ്‌ല് ഒന്റു ബെത്ത് കൊണ്ടു ബെ്ളിഗെ ഒന്റു നായ സൊല്ലുവ ഈ ഉലഗാത്ത്‌ല മന്‌സാര്‌ഗാള്‌ന പാസെത്തെ നാന് ഒന്റൊന്റു കാര്യഗാള് ഗേയ ഓസണെ എ്ഡ്‌ക്ക്‌ന്റേന?

2 കൊരിന്ത്യഗാറാര് 11:12

എമ്മ ഗേവ നല്ല സേദി ഗിലാസാന പാസെത്തെ തമ്മാമ് ഗേവാദ് എന്റ് പെരിമെപട്ട് നഡാക്കുവ ബേ്റെ ആള്‌ഗാള് ഇര്‌ക്ക്‌ന്റാരല്ല. അവാര് അത്തെ സൊല്ലാദിര്‌ക്ക്യ ബേ്ണ്ടി നാന് ഇന്നാല് ഗേവാദ്‌ന ഇന്നിമ് ഗേന്ത്‌കൊണ്ടേ ഇര്‌ക്കുവേന്.

2 കൊരിന്ത്യഗാറാര് 12:1

അവനവാന്‌ന പറ്റി താനെ പെരിമെപഡുവാദ് ഉവഗര ഇല്ലെ. എന്റാല്‌മ് എനാക്ക് അത്തെ ഗേന്തെ തീരുഡൊ. ആണ്ടവാന് എനാക്ക് തന്ത തോറ്റഗാള്‌നാമ് കാട്ടി തന്ത കാര്യഗാള്‌നാമ് പറ്റി നാന് ഇന്നി സൊല്ല്യ പോന്റെ:

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 12:9

ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

2 കൊരിന്ത്യഗാറാര് 5:16

അദ്‌നാലെ ഇന്നിമുദാല് ഉലഗാത്ത്‌ല മന്‌സാന് നെനേക്കുവ പാസെ എമ്മ ആര്‌ന പറ്റിമ് നെനേക്കുവാദില്ലെ. എമ്മ ക്‌റ്‌സ്‌ത്ത്‌ന തെര്യാത്ത ഗളിഗേല് ക്‌റ്‌സ്‌ത്ത്‌ന നമ്പാത്തവാര് അയാള്‌ന പറ്റി നെനേത്തിന്ത പാസെത്തെ എമ്മാമ് നെനേത്തിന്താദ്. ആന ഇന്നാല് അത്ത്യല്ല.

1 പത്ത്‌റോസു 1:24

സാമി സൊല്ലുസുലാക്കാത്ത്‌ല് സൊല്ലിര്‌ക്കുവ പാസെ: <<എല്ലാ മന്‌സാര്‌ഗാള്‌മ് പുല്ലുന പാസേമ് അവാര്‌ക്കിര്‌ക്കുവ മദ്‌പ്പ് സോലേല് പൂത്ത്‌റ്‌ക്കുവ പൂവുന പാസേമ്‌ത്തെ. അയി പുല്ലു ബാഡി ഉണാങ്ക്‌ന്റ്, പൂവുമു കൊട്ടി തള്ള്‌ന്റ്.